Ko rä johya ma gä tutihu̱ yä jähñä pa gä nsundahu̱ Jeoba

Mäske Pablo ꞌne Silas mi o fadi, nuꞌu̱ mi tutuäbi yä jähñä rä Zi Dada Jeoba (Hch 16:25). Geꞌä bi matsꞌiꞌu̱ ꞌnehe pa bi ze̱ti näꞌä mi thogiꞌu̱. Mäpaya ꞌnehe, nuꞌu̱ yä jähñä di tutihu̱ ha rä mhuntsꞌi ꞌne nuꞌu̱ märꞌa yä thuhu ja ha jw.org, ꞌnehe dä za dä nupkägihu̱ mä mfenihu̱ ꞌne dä maxkägihu̱ pa gä ze̱tihu̱ nuꞌu̱ yä prueba di thogihu̱. Pe hingä ho̱nse̱ꞌä, ora di tutihu̱ yä jähñä, di nsundahu̱ rä Zi Dada Jeoba (Sl 28:7). Xä sikägihu̱ ge dä hogi gä mepye̱hu̱ rꞌa yä jähñä. Dä za gä aprobechahu̱ rä Mhuntsꞌi de gä Familia pa gä nsayahu̱ rꞌa de nuꞌu̱ yä jähñä ꞌne gä mepye̱hu̱.

HYANDIHU̱ RÄ BIDEO YÄ ZI BÄTSI DI NSUNDA JEOBA KO YÄ JÄHÑÄ. MꞌE̱FA THÄDIHU̱ NUYA YÄ NTꞌANI:

• 

  ¿Hanja dä za dä maxkägihu̱ gä tutihu̱ yä jähñä?

• 

  ¿Hanja di ñhoki nuꞌu̱ yä ku di mpe̱fi ha rä Departamento de Audio y Video pa dä graba yä thuhu?

• 

  ¿Hanja di ñhoki nuꞌu̱ yä zi bätsi ꞌne yä familia änte de dä ma dä graba yä thuhu?

• 

  ¿Te mä jähñä mänꞌa gi ho ꞌne por hanja?