Ogi exäse̱ ri nsu

Mu̱ dyä presumidohu̱ o mu̱ dyä fachahu̱, di udihu̱ ge dyä orgullosohu̱, ꞌne hinto ma dä ho dä ntsitsꞌi kongekhu̱. Hänge rä Biblia xikägihu̱ ge mänꞌa xä ñho ora mä nꞌa rä jäꞌi eskägihu̱ mä nsuhu̱, pe hinxä ñho go gä exäse̱ mä nsuhu̱ (Pr 27:2).

HYANDIHU̱ RÄ BIDEO YꞌO̱TꞌE RI AMIGO JEOBA: GÄ ÑꞌUMILDEHU̱. MꞌE̱FA THÄDIHU̱ NUYA YÄ NTꞌANI:

• ¿De te di presumi ndunthi yä jäꞌi?

• ¿De te mi presumi Caleb?

• Caleb xa mi ho dä presumi, ¿te bi me̱fi rä dada pa bi matsꞌi dä ñꞌumilde?

• ¿Hanja dä za dä maxkägihu̱ 1 Pedro 5:5 pa hingä exäse̱ mä nsuhu̱?