Rä Zi Dada Jeoba ma dä maxꞌäꞌi gi kumpli ko nuꞌu̱ yä ꞌme̱fi xä nkargoꞌi

Nuꞌu̱ yä levita xkri nkargobi dä su yä goxthi, mi pe̱ꞌtsi nꞌa rä dängä responsabilida (1Cr 9:26, 27; w05-S 1/10 rä nxii 9, rä parr. 8).

Ha yä pa rä Moisés, Finehás mi geꞌä rä jefe de nuꞌu̱ yä levita mi su yä goxthi ha rä tabernáculo (1Cr 9:17-20a).

Rä Zi Dada Jeoba bi matsꞌi Finehás dä kumpli ko näꞌä rä responsabilida xki umbäbi (1Cr 9:20b; w11-S 15/9 rä nxii 32, rä parr. 7).

Mäpaya ꞌnehe rä Zi Dada Jeoba xä nkargogihu̱ ndunthi yä mäkä ꞌme̱fi. Ora hingi pädi hanja gi ja, yꞌapäbi rä mfatsꞌi rä Zi Dada Jeoba ꞌne nꞌa rä ku näꞌä pe̱ꞌtsi rä esperiensia ꞌne gi handi ge dä za dä maxꞌäꞌi (Flp 2:13).