MÄ MꞌU̱IHU̱ NGU YÄ KRISTIANU
Ñꞌani te di mbeni rä Zi Dada Jeoba
Xi nuꞌi, ¿gi ne gi johyabi rä koraso rä Zi Dada Jeoba? Zäi ge hää. Pe mähyoni gi hyandi xä ñho ge näꞌä gi pe̱fi hindi nkontraui ko näꞌä di mbeni. Rꞌabu̱ dä za gi ñhandui nꞌa rä xuñha ꞌne hingi tini ha rä Biblia nꞌa rä tsꞌofo claro näꞌä dä za dä maxꞌäꞌi. Mäske njabu̱, mähyoni gi ñꞌani te di mbeni Jeoba de näꞌä asunto o desision ma gi tomä (Pr 27:11). ¿Te ma dä maxꞌäꞌi?
Nxadi hyaxtho rä Biblia. Ora gi nxadi rä Biblia, ꞌñenä go gi ñäui rä Zi Dada Jeoba ꞌne gi handi te di mbeni. Ora gi handi ha rä Biblia hanja bi trata nuꞌu̱ bi me̱fi näꞌä xä ñho ꞌne nuꞌu̱ bi me̱fi näꞌä xä ntsꞌo, dä za gi hyandi te di mbeni rä Zi Dada Jeoba. Njabu̱, ora gi ñhandui nꞌa rä xuñha, rä espiritu santo rä Zi Dada Jeoba ma dä jaꞌi gi beni näꞌä ya xkä nxadi ha rä Biblia ꞌne geꞌä ma dä maxꞌäꞌi gi tomä nꞌa rä hogä desision (Jn 14:26).
Imbestiga. Änte de gi tomä nꞌa rä desision, mꞌe̱tꞌo ñꞌanise̱: «¿Te mä testo de rä Biblia ma dä maxkägi gä pädi te di mbeni Jeoba de nunä asunto?». Xatuäbi Jeoba ꞌne yꞌapäbi ge dä maxꞌäꞌi. Hyoni ha ri idioma nuꞌu̱ yä erramienta de gä imbestigasio xä uni rä hnini Äjuä, pa gi tini nuꞌu̱ yä konseho ma dä maxꞌäꞌi (Sl 25:4).
HYANDIHU̱ RÄ BIDEO PE̱ꞌTSI TE GÄ TSE̱TIHU̱ NUNÄ RÄ NHEXTꞌI: MA GÄ ÑUNIHU̱ XÄ ÑHO. MꞌE̱FA THÄDIHU̱ NUYA YÄ NTꞌANI:
Ja ngu dä handihu̱ ha rä bideo, ¿te mä prueba mi ñhandui näꞌä rä nxutsi?
Xi nuꞌi, ¿hanja gi kamfri ge dä za dä maxꞌäꞌi gi ze̱ti yä prueba nuꞌu̱ yä erramienta de gä imbestigasio xä rꞌakägihu̱ rä hnini Äjuä?
¿Hanja ma dä maxkägihu̱ gä tomähu̱ yä hogä desision mu̱ di ꞌuekehu̱ rä tiempo pa gä imbestigahu̱ te udi rä Mäkä Tꞌofo? (Heb 5:13, 14).