MÄ MꞌU̱IHU̱ NGU YÄ KRISTIANU
Nuyu̱ di mpe̱fi ndunthi po gekhu̱
Yä superintendente de gä circuito ko yä zi ꞌme̱hñä di ja ndunthi yä sacrificio po gekhu̱ ngeꞌä xa di mäkägihu̱. Pe nuyu̱ ꞌnehe rꞌabu̱ tsabi, tuyämu̱i po nuꞌu̱ yä xuñha thogi o rꞌabu̱ ꞌnehe di desanimä (Snt 5:17). Pe mäske njabu̱, tatꞌä semänä nuyu̱ honi hanja dä nupäbi yä mfeni nuꞌu̱ yä zi ku tso̱ni. Hänge ja ngu enä rä Mäkä Tꞌofo, nuyu̱ yä zi ku xa ri ꞌñepi toꞌo dä numäñho (1Ti 5:17).
¿Te mi mbeni dä me̱fi rä apostol Pablo ha näꞌä rä mhuntsꞌi mi kohi ha Roma? Näꞌä bi ꞌñenä: «Ya xkä tu gä hantꞌähu̱, pa njabu̱ gä nupꞌä ri mfenihu̱». Hää, rä apostol Pablo mi mbeni dä animä yä ku, pe ꞌnehe mi to̱ꞌmi ge nuꞌu̱ yä ku xä animäbi ꞌnehe (Ro 1:11, 12). Xi nuꞌi, ¿ya xkä beni hanja dä za gi animä rä superintendente de gä circuito ꞌne rä zi ꞌme̱hñä?
HYANDIHU̱ RÄ BIDEO NÄꞌÄ PE̱FI NꞌA RÄ SUPERINTENDENTE DE GÄ CIRCUITO ORA TSO̱NI NꞌA RÄ MHUNTSꞌI. MꞌE̱FA THÄDIHU̱ NUYA YÄ NTꞌANI:
Po näꞌä rä mhäte senti po yä ku, ¿te mä sacrificio o̱tꞌe yä superintendente de gä circuito ꞌne yä zi ꞌme̱hñä?
¿Hanja xä maxꞌäꞌige rä superintendente de gä circuito o rä zi ꞌme̱hñä?
¿Hanja dä za gä animähu̱ ꞌnehe?