Maremagnum/Corbis Documentary via Getty Images
¡ÑHOKI ꞋNE NDO̱MꞋIHU̱!
¿Ma dä mu̱di Armagedón ha Israel? | ¿Te udi rä Biblia?
Rä Biblia hingi mää ge rä Armagedón ma dä nja ha nꞌadä rä luga de rä Xiꞌmhai. Pe hää udi ge Armagedón näꞌä nꞌa rä gerra, nꞌa rä gerra entre rä Gobiernu rä Zi Dada Jeoba kontra gatꞌho yä gobiernu de nuua ha rä xiꞌmhai.
«Nuꞌu̱ go geꞌu̱ yä tsꞌondähi mi o̱tꞌä yä ntꞌudi, ꞌne mi paꞌu̱ ha yä ndä de gatꞌho rä xiꞌmhai pa dä muntsꞌiꞌu̱ mähye̱gi ko yä soldado, pa dä ñꞌo̱tꞌä tuhniꞌu̱ nuꞌä rä pa dä hñängä ngue̱nda Äjuä nuꞌä toꞌo pe̱ꞌtsä gatꞌho rä tsꞌe̱di. [...] ꞌNe bi muntsꞌiꞌu̱ ha nuꞌä rä luga rä thuhu Armagedón» (Apocalipsis 16:14, 16).
Rä noya Armagedón bi ehe de rä idioma hebreo Har Meghiddóhn, ꞌne di signifika rä «tꞌo̱ho̱ de Meguidó». Meguidó mi nꞌa rä hnini mi ja ha Israel de mäyaꞌmu̱. Po rängeꞌä, rꞌa yä jäꞌi di mbeni ge rä tuhni de Armagedón ma dä mu̱di ha rä hnini Israel. Pe nixi nꞌa rä luga de Meguidó, nixi mä nꞌa rä luga de rä Oeste de Asia (Oriente Próximo) xa rä dängi pa dä za ja dä muntsꞌini «yä ndä de gatꞌho rä xiꞌmhai» ko yä soldado.
Näꞌä hutsꞌi ha rä mfistꞌofo Apocalipsis se̱he̱ «yä ntꞌudi» o di representatho rꞌa yä tꞌo̱tꞌe (Apocalipsis 1:1). Po rängeꞌä, rä Armagedón hingi kohi ha nꞌa rä luga de rä Xiꞌmhai, sino di representa nꞌa rä gerra entre rä gobiernu yä mexiꞌmhai kontra rä Gobiernu Äjuä (Apocalipsis 19:11-16, 19-21).