Ndunthi yä jäꞌi xa di sentise̱: ¿te dä za dä maxꞌäꞌi pa hingi njabu̱?

• «Kasi mäde de nuꞌu̱ yä jäꞌi ya ja yä je̱ya de Estados Unidos xä mää ge xa tuyämu̱i ꞌne xa di sentise̱. Entre geꞌu̱ ꞌmu̱i nuꞌu̱ tobe yä bäsjäꞌitho» (Our Epidemic of Loneliness and Isolation: The U.S. Surgeon General’s Advisory on the Healing Effects of Social Connection and Community [Informe de la máxima autoridad en salud pública de Estados Unidos sobre la soledad y el aislamiento], 2023).

• «[Rä OMS] xä mää ge ma dä hñutsꞌi nꞌa rä grupo rä thuhu Comisión sobre Conexión Social pa dä matsꞌi nuꞌu̱ yä jäꞌi di sentise̱ ngeꞌä nunä rä xuñha xa nꞌa rä peligro pa yä nzaki yä jäꞌi. Hänge nunä grupo ma dä matsꞌi yä jäꞌi pa dä ntsitsꞌi ko märꞌaa, ꞌne ma dä yꞌo̱tꞌe ntsꞌe̱di po dä me̱fi njabu̱ ha gatꞌho yä dähni, hindi mporta mu̱ ha näꞌä rä luga ja ndunthi rä bojä o hinä» (Organización Mundial de la Salud, 15 de rä nobiembre de rä 2023).

Rä Biblia uni yä hogä tsꞌofo pa njabu̱ yä jäꞌi dä za dä ntsitsꞌi xä ñho ko märꞌaa.

Nuꞌu̱ yä tsꞌofo uni rä Biblia faxte ndunthi

Tsopu̱ rꞌa de nuꞌu̱ yä tꞌo̱tꞌe di ꞌuekꞌäꞌi de märꞌaa. Entre nuꞌu̱ yä tꞌo̱tꞌe ꞌuekꞌäꞌi de märꞌaa geꞌu̱ yä redes sociales, hänge oxä gi usa nixi gi dedikabi ndunthi de ri tiempo. Mänꞌa dä hogi gi kombibi ko märꞌa yä jäꞌi ꞌne hyoni yä hogä amigo.

• Näꞌä udi rä Mäkä Tꞌofo: «Nꞌa rä hogä amigo nzäntho ma dä mäꞌi, ꞌne ꞌñenä geꞌä nꞌa ri ku xä mꞌu̱i pa nuꞌmu̱ ja yä xuñha (Proverbios 17:17).

Hyandi hanja dä za gi fatsꞌi märꞌaa. Gä fatsꞌihu̱ märꞌaa japi dä ze̱di mä ntsitsꞌihu̱ kongeꞌu̱, jakägihu̱ gä sentihu̱ xä ñho ꞌne ko ndunthi rä johya.

• Näꞌä udi rä Mäkä Tꞌofo: «Mänꞌa ja rä johya gä unihu̱ ke gä hänihu̱» (Hechos 20:35).

Mu̱ gi ne gi pädi märꞌa yä tsꞌofo nuꞌu̱ dä za dä maxꞌäꞌi pa gi tsu̱di yä hogä amigo, ku̱ꞌti ha nunä rä luga di pe̱ꞌtsihe ha Internet.