Mäpaya mänꞌa ndunthi nuꞌu̱ yä jäꞌi di sentise̱ | ¿Te udi rä Biblia?

Ha nꞌa rä imforme bi mhää ge 1 de kada 4 yä jäꞌi de gatꞌho rä Xiꞌmhai di sentise̱.a

• «Cualquiera rä jäꞌi dä za dä sentise̱, hindi mporta hängu nje̱ya pe̱ꞌtsi o habu̱ ꞌmu̱i» (Chido Mpemba, copresidente de la Comisión de Conexión Social de la Organización Mundial de la Salud).

¿Gi pädi? Hingä ho̱nse̱ yä zi däta jäꞌi o nuꞌu̱ yä jäꞌi ꞌmu̱se̱ di sentise̱. ꞌNehe ndunthi yä bäsjäꞌi di sentise̱, nuꞌu̱ yä jäꞌi ja yä nzaki ꞌne asta nuꞌu̱ xä nthäti di sentise̱. Nuꞌu̱ yä jäꞌi di ꞌuege de märꞌaa ꞌne nuꞌu̱ di sentise̱ dä za dä zo̱ho̱ dä hñeni.

• «Nꞌa rä jäꞌi näꞌä di sentise̱ ꞌñenä tsu̱di nꞌa rä ñheni. [...] Nuꞌu̱ yä jäꞌi di sentise̱, dä za dä ꞌme̱di yä bida ja ngu nuꞌu̱ yä jäꞌi tsi 15 yä yꞌu̱i hyaxtho» (Vivek Murthy, director general de Salud Pública de Estados Unidos).

Te udi rä Biblia

Mä Hyokätehu̱ hingi ne dä hyandi gä ꞌuegehu̱ de märꞌaa. Näꞌä ne dä hyandi ge gä kombibihu̱ ko märꞌaa, gä johyahu̱ ꞌne gä pe̱ꞌtsihu̱ yä hogä amigo.

• Rä testo: «Rä Zi Dada Jeoba bi ꞌñenä: “Hinxä ñho ge rä ñꞌo̱ho̱ dä sigi dä mꞌu̱se̱”» (Génesis 2:18).

Äjuä ne ge gä pe̱ꞌtsihu̱ nꞌa rä hogä ntsitsꞌi Kongeꞌä. Näꞌä di prometegihu̱ ge ma dä joni kongekhu̱, mu̱ gä o̱thu̱ ntsꞌe̱di po gä jonihu̱ Kongeꞌä (Santiago 4:8).

• Rä testo: «Dä johya nuꞌu̱ toꞌo di da ngue̱nda ge di japä mꞌe̱di dä hyoni Äjuä, ngeꞌä go geꞌu̱ ma dä hñäni rä Tsꞌu̱tꞌhui de mähetsꞌi» (Mateo 5:3).

Äjuä ne gä xo̱kämbenibihu̱ mähye̱gi ko märꞌaa. Ora di jahu̱bu̱, di nupämfenihu̱ nꞌa ngu mä nꞌaa.

• Rä Testo: «Ma gä ꞌmu̱ihu̱ al tanto nꞌa ngu mä nꞌaa ꞌne ma gä nupä mfenihu̱ pa gä udihu̱ rä mhäte ꞌne gä pe̱fihu̱ yä hogä tꞌo̱tꞌe, ꞌne hingä he̱gi de gä muntsꞌihu̱ [...]. Sino ma gä nupä mfenihu̱ nꞌa ngu mä nꞌaa» (Hebreos 10:24, 25).

Pa gi tini märꞌa yä mfatsꞌi ꞌne gi pädi te gi pe̱fi ora gi sentise̱, hñeti rä artículo «La soledad en un mundo de conexión masiva».