Yä bideo pa rä däta mhuntsꞌi regional «¡Xa dä johyahu̱ nzäntho!» de rä je̱ya 2020

Nuꞌu̱ yä bideo de rä däta mhuntsꞌi regional tso̱ni asta ha mä korasohu̱ ꞌne faxkägihu̱ gä ntiendehu̱ mänꞌä xä ñho rä Mäkä Tꞌofo. Ha näꞌä rä däta mhuntsꞌi regional «¡Xa dä johyahu̱ nzäntho!» de rä je̱ya 2020, bi thoki 114 yä bideo. ꞌNehe bri graba 43 yä discurso nuꞌu̱ go bi uni yä ku de rä Cuerpo Gobernante ꞌne yä maxte. ¿Xkä ñꞌanise̱ hängu rä ꞌme̱fi ꞌne rä bojä tsitsꞌi pa dä thoki nuya yä bideo?

Kasi 900 yä ku ꞌne yä nju de gatꞌho rä Xiꞌmhai bi uni de yä tiempo ꞌne yä mfädi pa bi thoki gatꞌho näꞌä dä handihu̱ ha rä däta mhuntsꞌi regional. Bi zitsꞌi 100.000 yä ora ꞌne yä ku bi mpe̱fi durante yo nje̱ya pa bi thoki nuꞌu̱ yä ꞌme̱fiꞌu̱. De nuꞌu̱ 100.000 yä ora, bri usa 70.000 pa bi thoki ꞌne bri graba 76 yä minuto de näꞌä rä ꞌmede de rä Mäkä Tꞌofo: Nehemías: Näꞌä rä johya bi ehe de Jeoba geꞌä mä tsꞌe̱dihu̱.

Imäjinä hängu rä bojä bi zitsꞌi pa bri su nuꞌu̱ yä boluntario, pa bi thoki gatꞌho näꞌä te mi o̱tꞌe mꞌe̱di, ja ngu nuꞌu̱ yä luga bri ñꞌusa pa bri graba ꞌne nuꞌu̱ yä aparato pa bi za bi tꞌo̱tꞌe nuya yä ꞌme̱fi.

Jared Gossman de rä Servicios de Audio y Video, enä: «Rä Comité de Enseñanza de rä Cuerpo Gobernante xa di ho ge ha nuꞌu̱ yä bideo dä bo̱ni ndunthi yä luga, pa njabu̱ dä za gä pädihu̱ märꞌa yä ku de gatꞌho rä Xiꞌmhai. Pa bi thoki nuya yä ꞌme̱fi bi mfaxte 24 yä grupo ha 11 yä dähni ꞌne pa geꞌä bi ja mꞌe̱di ndunthi rä bojä, toꞌo xä organiza nuya yä ꞌme̱fi ꞌne xä hyandi hanja ma xä mpe̱fi yä ku».

Pa ndunthi de nuꞌu̱ mä bideohu̱ bi ja mꞌe̱di rꞌa yä equipo especial ꞌne rä nꞌañꞌo yä adorno. Pa bri graba näꞌä rä ꞌmede de rä Mäkä Tꞌofo Nehemías: Näꞌä rä johya bi ehe de Jeoba geꞌä mä tsꞌe̱dihu̱, bi thoki gatꞌho näꞌä te mi o̱tꞌe rä mꞌe̱di ha näꞌä rä estudio de gä grabasio bi ja ha Mount Ebo, getbu̱ de Patterson (Nueva York). Pa bri usa xä ñho nuꞌu̱ yä donäsio, nuꞌu̱ yä ku bi hyoki ngu rꞌa yä jädo nuꞌu̱ xa mri hñätsꞌi nuꞌu̱ yä jädo mi ja ha rä hnini Jerusalén de mäyaꞌmu̱. Nuꞌu̱ bi thoki de gä tabla ꞌne bri jätꞌi pa xä nheki ngu yä do ꞌne kada nꞌa de geꞌu̱ mi tsu̱di 6 metro rä ñhetsꞌi. Nuya mi tsa dä thätsꞌi de nꞌa rä luga pa mänꞌaa, njabu̱ ya himi ja mꞌe̱di xä thoki xä ndunthi. Pe mäske njabu̱ se̱he̱ pa nuya yä ꞌme̱fiya, bi zitsꞌi kasi 100.000 yä dolar.a

Gä pädihu̱ hängu rä ꞌme̱fi bi zitsꞌi pa bi thoki rä däta mhuntsꞌi regional de nunä je̱ya jakägihu̱ xa gä jamädihu̱ ndunthi po geꞌä. Di pädihu̱ ge po gatꞌho näꞌä di pe̱fihu̱ dri nsunda rä Zi Dada Jeoba po mäxo̱ge rä Xiꞌmhai. Di jamädihe ndunthi po nuꞌu̱ yä donäsio gi unihu̱ po mäde de donate.jw.org o de märꞌa yä forma.