¿Hanja nuʼä Ojä hingi numanho ge gä nthinthu̱bu̱ ja polika?

Nuʼä Jesús bi ʼyëna ge nuʼu̱ yu̱ disipulo hingä mengüua ja nximha̱i (Juan 15:19). Nuna ne dä ma ge nuʼu̱ toʼo te̱nnä Jesús hindi nthinrbu̱ ja politika, yu̱ nsu̱i o miʼra yu̱ hëi jaua ja nximha̱i. Pe̱ jaʼbu̱ di sa̱pfu̱ xi nhëi ge gä te̱nhnu̱ nuʼä bi mandaʼä Jesús, geʼtho jaʼbu̱ ʼnandi nuʼu̱ yu̱ jäʼi dä za̱tho dä derngähu̱. Pe̱ ¿ʼbe̱ʼä dä ze̱kju̱ ge hingä nthinthu̱bu̱ ja politika ʼne gä johyabähu̱ na mu̱iʼä Jeoba?

1. ¿ʼBe̱ʼä mbënʼu̱ yu̱ ʼyëʼkyëi majuäni nangeʼu̱ yu̱ ʼtsu̱ʼtabi ʼbu̱kua ha̱i?

Nuju̱ ge di ʼyëʼkyëihu̱ di ëspähu̱ yu̱ ʼtsu̱ʼtabi. Nuʼä Jesús bi ʼyëna: “Nuʼä na mbe̱ti ra ʼtsu̱ʼtabi [...] gi ünna. Nuʼä xi na mbe̱ti Ojä gi ünna Ojä”. Nuje di te̱nhne nuʼä bi manʼä Jesús, geʼtho di ëspähe yu̱ nʼtëdiʼu̱ yu̱ ʼtsu̱ʼtabi, tengü ge ja gä jüthe sibi ʼne dehe (Marcos 12:17). Nuʼä Biblia üdi ge nuʼu̱ yu̱ ʼtsu̱ʼtabi ʼbu̱kua Ha̱i sa̱ di manda geʼtho gese̱ʼä Jeoba di ünna nʼtëdi pa di manda (Romanos 13:1). Pe̱ nuʼä na nʼtëdiʼu̱ hingi sa̱ dä uispäʼä na nʼtëdiʼä Jeoba. Di ka̱mfënihu̱ ge nuʼä ma Ojähu̱ ʼne nuʼä na ʼtsu̱ʼtabi dä juadi ga̱ʼthoʼu̱ yu̱ hëi jaua ja nximha̱i.

2. ¿ʼBe̱pu̱ di ühmu̱ ge hindi nthinthu̱ o hindi ku̱thu̱bu̱ ja politika?

Nuʼä Jesús njämʼbu̱ bi yu̱rbu̱ ja politika, ʼne nuju̱ di te̱nhnu̱ʼä bi ʼyo̱ʼtä. ʼNa ra pa nuʼä Jesús bi ʼyo̱ʼtä ʼna milagro, ʼne nubu̱ya, nuʼu̱ yu̱ jäʼi bi ne bi ʼyëxä Jesús pa di nʼtsu̱ʼtabiua Ha̱i, pe̱ nuʼä Jesús himbi ne (Juan 6:15). ʼNe himbi ne geʼtho bi ʼyëna ge nuʼä na ʼtsu̱ʼtabi himbi nekiua ja nximha̱i (Juan 18:36). Nuʼu̱ yu̱ disipuloʼä Jesús hingi ku̱rbu̱ ja politika o miʼra yu̱ ñani ge o̱tyu̱ jäʼi. Tengü, hindi pa̱hme ʼne hindi fa̱xe yu̱ däsu̱i (dä mi nu Miqueas 4:3). Madägeʼä hindi ze̱nguaheʼä bandera, pe̱ di ëspähe nuʼä o̱tyu̱ jäʼi pa nangeʼä bandera. Pe̱ njoʼo toʼo manʼna di ünhne nuʼä ra nʼtëspäte o ra nthänne ge ho̱nse̱ ja dä hyänʼä Jeoba (1 Juan 5:21). ʼNe kextä njoʼo toʼo ni kandidato o ni partido politiko di fa̱xe. Nuʼbu̱ di o̱ʼthe ngübu̱ di ühme ge ho̱nʼtä na ʼTsu̱ʼtabiʼä Ojä di fa̱xe ʼne njoʼo toʼo manʼna.

GÄ PÄHMU̱ MANʼNA NANGEHNA

3. Nuʼu̱ yu̱ ʼyëʼkyëʼi majuäni hindi nthinthebu̱ ja politika o miʼra yu̱ ñäni o̱tyu̱ jäʼi

Nuʼä Jesús ʼne nuʼu̱ yu̱ disipulo bi zogähu̱ ʼna hogä ejemplo. Dä mi nuui Romanos 13:1, 5-7 ʼne 1 Pedro 2:13, 14. ʼNe mʼbe̱fa dä mi nuuiʼä Bideo ʼne manhmi nangehna:

BIDEO: Nuʼu̱ yu̱ ʼyëʼkyëi majuäni hindi nthinthu̱bu̱ ja politika o mi ʼra yu̱ ñani (xe̱ki 1) (4:28)

• ¿Hanja ja gä ëspähu̱ʼu̱ yu̱ ʼtsu̱ʼtabi?

• ¿ʼBe̱pu̱ dä za̱ gä ühmu̱ ge di ëspähu̱ʼu̱ yu̱ ʼtsu̱ʼtabi?

ʼBu̱ʼi ʼra yu̱ dähnini ge ëna ge hindi nthinrbu̱ ja yu̱ däsu̱i pe̱ dä za̱tho pe̱mbä mfa̱tsiʼu̱ di nsu̱i. ¿Ha dä za̱ dä ʼyënä ge hinmajuäni di nthinrbu̱ ja yu̱ däsu̱iʼu̱? Dä mi nuui Juan 17:16. ʼNe mʼbe̱fa dä mi nuui ä BIDEO ʼne manhmi nangehna:

BIDEO: Nuʼu̱ yu̱ ʼyëʼkyëi majuäni hindi nthinthu̱bu̱ ja politika o mi ʼra yu̱ ñani (xe̱ki 2) (3:11)

• ¿ʼBe̱pu̱ di ühmu̱ ge majuäni hindi nthinthu̱bu̱ ja politika ʼne miʼra yu̱ ñani?

Jabu̱ ʼnandi nuʼu̱ yu̱ ʼtsu̱ʼtabi di ʼbe̱kpähu̱ gä o̱thu̱ ʼna ra nʼto̱ʼte ge hingi numanho Ojä. Nuʼbu̱ thogi ngübu̱, ¿ʼbe̱ʼä ja gä o̱thu̱? Dä mi nuui Hechos 5:28, 29. ʼNe mʼbe̱fa dä mi nuui ä BIDEO ʼne manhmi nangehna:

BIDEO: Nuʼu̱ yu̱ ʼyëʼkyëi majuäni hindi nthinthu̱bu̱ ja politika o mi ʼra yu̱ ñani (xe̱ki 3) (1:18)

• Geʼbu̱ ʼna ra nʼtëdi ʼna ʼtsu̱ʼtabi ʼne dä miʼtsi o hindi nthe̱uiʼu̱ yu̱ nʼtëdiʼä Ojä, ¿ʼbe̱ʼä ja gä o̱thu̱?

• ¿Ha gi mbëni ge ja ʼra yu̱ nʼtëdiʼu̱ yu̱ ʼtsu̱ʼtabi ge hindä za̱ dä de̱nʼu̱ yu̱ ʼyëʼkyëi majuäni?

4. Xindä gepu̱ ni mu̱i ʼne ni nʼyomfëni gi fa̱xä politika

Dä mi nuui 1 Juan 5:21. ʼNe mʼbe̱fa dä mi nuui ä BIDEO ʼne manhmi nangehna:

BIDEO: Hanja ja gä ühmu̱ nzanmu̱i nuʼu̱ yu̱ ʼyëʼkyëi majuäni: Pa hingä ku̱thu̱bu̱ ja politika (2:49)

• ¿Hanja nuʼä Ayenge himbi ne bi fa̱xä ʼna partido politiko ʼne himbi ne bi ze̱nguaʼä bandera?

• ¿Ha gi mbëni ge bi bo̱manhoʼä bi ʼyo̱ʼte?

¿ʼBe̱ʼä manʼna dä za̱ dä ʼyo̱ʼte ge gi fa̱xä politika o ʼna ra ñani ge o̱ʼtu̱ yu̱ jäʼi? Dä mi nuui ä BIDEO ʼne manhmi nangehna:

BIDEO: Yu̱ nʼtsofo bä hä “Nuʼä Atalaya”: Hingä fa̱xu̱ʼä politika o yu̱ ñani jaua ximha̱i (5:16)

• ¿ʼBe̱pu̱ di ühmu̱ ge njoʼo toʼo di fa̱xu̱ nuʼbu̱ ʼto̱ʼtu̱ yu̱ ʼtëmpelota o miʼra yu̱ deporte nubu̱ di ntäʼu̱ yu̱ dähnini?

• ¿ʼBe̱pu̱ dä za̱ gä ühmu̱ ge njoʼo toʼo ni politiko di fa̱xu̱ xindä geʼbu̱ gä nuhu̱ ʼna ra nho o hinna nangeʼä dä ʼyo̱ʼtu̱?

• ¿ʼBe̱pu̱ dä za̱ dä pa̱rkä ma nʼyomfënihu̱ nuʼä po̱mbu̱ ja telebision, nubu̱ internet o nuʼä ʼbe̱ʼä manʼu̱ mi ʼra yu̱ jäʼi?

NUʼÄ MANʼNA JAʼTSE̱DI

Nuʼu̱ yu̱ ʼyëʼkyëi üdi ko nangeʼä mbëni, nuʼä ma ʼne o̱ʼte ge hindi nthimbu̱ ja politika o nuʼu̱ mi ʼra yu̱ ñani ge o̱ʼtu̱ yu̱ jäʼi.

Nuʼä dä pähmu̱

• ¿ʼBe̱pu̱ di ühmu̱ ge di ëspähu̱ʼu̱ yu̱ ʼtsu̱ʼtabi?

• ¿Hanja hindi nthinthu̱bu̱ ja politika?

• ¿ʼBe̱ʼä dä za̱ dä ʼyo̱ʼte ge gä nehu̱ gä nthinthu̱bu̱ ja politika o nuʼu̱ yu̱ ñani ge o̱ʼtu̱ yu̱ jäʼi?

DÄ MI PÄDI MANʼNA

¿ʼBe̱ʼä ma hëi dä za̱ gä thohmu̱ nuʼbu̱ hindi fa̱xu̱ politika o nuʼu̱ miʼra yu̱ ñani ge o̱ʼtu̱ yu̱ jäʼi?

Nuʼä Jeoba njämʼbu̱ xi hye̱gähe (3:14)

¿ʼBe̱ʼä dä za̱ dä ʼyo̱ʼtu̱ yu̱ familia pa di nsa̱ ʼne hindä fa̱xä politika o ʼbe̱ʼä ma ñani ge thopu̱ ja yu̱ xa̱di o nubu̱ ja ʼbe̱fi?

Gä ühmu̱ neutralidad nangeʼä ʼbe̱ʼä o̱ʼtu̱ yu̱ jäʼi (4:25)

ʼBu̱ʼu̱ ʼra yu̱ jäʼi ge mbëni ge emme mahotho ge di mpe̱fi ge dofu̱i pa dä ñanʼä na hnini, pe̱ ¿ha majuäniʼä?

“Nuʼä Ojä te hëmbi ge dä ʼyo̱ʼte” (5:19)

¿ʼBe̱pu̱ di ühmu̱ ge hindi häkju̱ na nʼto̱ʼteʼä ra nximha̱i nuʼbu̱ di honhmu̱ ʼna ʼbe̱fi?

“Ga̱ʼthogähu̱ gä da̱pfu̱ gue̱nda Ojä nange ma nʼto̱ʼtehu̱” (La Atalaya, 15 marso ge 2006)