NXA̱DI 56
Dä mi jamansü ni mpe̱ti pa di nsixmanho ga̱ʼtho yu̱ kü
Nuʼä David bi ʼyëna: “¡Emme mahotho ge nuʼu̱ yu̱ kü di nsixmanho ʼne hindi nheke!” (Salmo 133:1). Kextä ngübu̱ di mbënhmu̱ nuʼbu̱ di ñahu̱ ʼne di nsixmanhohu̱ ko nuʼu̱ ma kühu̱. Pa hindi nheʼkä ma mpe̱tihu̱, emme mahyoni ge gä o̱thu̱ ʼtse̱di ge gä nsixu̱ xi nho ko ga̱ʼthoʼu̱ ma kühu̱.
1. ¿ʼBe̱ʼä manʼna gi ho nangeʼä ʼto̱rbu̱ ja na hniniʼä Ojä?
Geʼbu̱ gi mba ʼna mpe̱ti ge miʼra yu̱ hnini dä za̱tho hingi päʼä dä hmambu̱ geʼtho ʼnanʼyo na idioma ñaʼu̱ ʼbu̱pu̱; pe̱ gi mbëni o gi sa̱ ge gi ʼbu̱pu̱ ja ni hnini. ¿Hanja? Geʼtho madägeʼä di hye̱ʼtsu̱ yu̱ hnini di ʼbu̱hmu̱, ga̱ʼtho yu̱ Testigo ä Jeoba ʼraʼtä Biblia di nxa̱hmu̱ ʼne ʼraʼtu̱ yu̱ su̱kuä di honhmu̱. Pe̱ hingä ho̱nʼtä, di o̱thu̱ ʼtse̱di ge ʼna ngü ʼna gä nhuëkju̱. Ho̱ndbu̱ go ma hnini di ʼbu̱hmu̱ di ne gä no̱mbähu̱ na thu̱ Ojä ʼne gä thännehu̱ ko nuʼu̱ ma kühu̱ (Sofonías 3:9; nota).
2. ¿ʼBe̱ʼä dä za̱ gi ʼyo̱ʼte pa gi jamansü ge hindi nheʼku̱ yu̱ kü ʼyobu̱ ja kongregasion?
“Mpa̱ha̱thoho dä nhuëkju̱ ʼna ngü ʼnaju̱ nange ga̱ʼtho ma mu̱ihu̱” (1 Pedro 1:22). ¿ʼBe̱pu̱ dä za̱ gi te̱nnä nʼtsofo? Hingi ʼyu̱rpä gue̱nda hapu̱ di ʼbe̱rpäʼu̱ miʼra, manʼna xi nho gi ʼyu̱rpä gue̱nda nuʼu̱ yu̱ hogä nʼto̱ʼteʼu̱ yu̱ kü. Hingä ho̱ntho gi nzänhmu̱ o gi nsixu̱ʼu̱ ʼraingü gi mbëhmu̱, kextä dä mi nsixuiʼu̱ miʼra ge ʼnanni yu̱ hnini ni ʼyëhë. Dä mi ʼyo̱ʼtä ʼtse̱di ge hingi mbëni ge ʼtso jäʼiʼu̱ miʼra o ge njämʼbu̱ dä za̱ gi nsixu̱ʼu̱. Dä mi ʼuekpu̱ ni mu̱i nuʼu̱ yu̱ nʼyomfëni tengüya (dä mi nu 1 Pedro 2:17).a
3. ¿ʼBe̱ʼä gi ʼyo̱ʼte geʼbu̱ jaʼäui ʼna ñani o ʼna njünʼti ʼna kü ʼyobu̱ ja mpe̱ti?
Ga̱ʼtho di ne gä nsixmanhohu̱ ʼne hingä nhekju̱; pe̱ jaʼbu̱ ʼnandi nange ge di dädiʼtsokihu̱ jaʼbu̱ jaʼä di manhmu̱ o di o̱thu̱ ge di japfu̱ dä dü na mu̱iʼu̱ miʼra o xtä nʼu̱ dä bëni. Pe̱ nuʼä na Nhman Ojä ënju̱: “Gä mpumbähu̱ ʼna ngü ʼnaʼähu̱, tengütho i punʼnähu̱ Ojä nange ra Cristo” (dä mi nu Efesios 4:32). Xi ngü yu̱ nidi di japfu̱ xtä nʼu̱ dä bënʼä Jeoba, pe̱ madägeʼä, nuʼä, nzäntho di pungähu̱. Janangeʼä nuʼä Jeoba ne ge gä pumbähu̱ʼu̱ ma kühu̱. Geʼbu̱ gi mbëni o gi pädi ge jaʼä gä ʼyo̱ʼte ge bi japi dä u̱mbä na mu̱iʼu̱ miʼra, dä mi ʼyo̱ʼtä ʼtse̱di gi hoʼkä ra hëi (dä mi nu Mateo 5:23, 24).b
GÄ PÄHMU̱ MANʼNA NANGEHNA
Dä mi bëni ʼbe̱ʼä dä za̱ gi ʼyo̱ʼte pa di nja ra mʼbu̱manho ʼne hindi nheʼku̱ ʼbu̱pu̱ ja kongregasion.
¿ʼBe̱ʼä gi ʼyo̱ʼte pa gi hokä ʼna ñani ko ʼna kü?
4. Gä huëkju̱ ga̱ʼthoʼu̱ ma kühu̱
Dä za̱tho di ne gä huëkju̱ ga̱ʼthoʼu̱ ma kühu̱, pe̱ jaʼbu̱ xi nhëi gä huëkju̱ʼu̱ hingä ʼraingü di mbënhmu̱. ¿ʼBe̱ʼä dä za̱ gä o̱thu̱ geʼbu̱ ngübu̱ di thohmu̱? Dä mi nuui Hechos 10:34, 35 ʼne manhmi nangehna:
Nuʼä Jeoba sini ga̱ʼtho yu̱ jäʼi pa dä ʼyo̱tyu̱ Testigo madägeʼä ho̱ndbu̱ go hapu̱ mengü. Janangeʼä, ¿ʼbe̱pu̱ ja gi nuʼu̱ miʼra yu̱ jäʼi madägeʼä hingä ʼrarbu̱ gi mengüui?
Xiʼu̱ yu̱ jäʼi ʼbu̱pu̱ ni hnini, ¿ʼbe̱ʼä mbënʼu̱ nangeʼu̱ yu̱ jäʼi ge ʼnanni mengü o ʼnanʼyo ma idioma ña? ¿Hanja hingi ja gi te̱nnä o̱ʼtu̱ miʼra ge hingi numanhoʼu̱ ʼnanni mengü?
Dä mi nuui 2 Corintios 6:11-13 ʼne manhmi nangehna:
¿ʼBe̱ʼä dä za̱ gi ʼyo̱ʼte pa ge ʼna pa ʼne ngü ʼna pa manʼna gi huëʼku̱ yu̱ kü?
5. Gä nhokpähu̱ʼu̱ miʼra ʼne nzäntho gä mpumbätehu̱
Te ʼbe̱ʼä ja gä pumbähu̱ʼä Jeoba, pe̱ nuʼä nzäntho di pungähu̱. Dä mi nuui Salmo 86:5 ʼne manhmi nangehna:
¿ʼBe̱ʼä ürkähu̱ na texto nangeʼä na pumbäteʼä Jeoba?
¿Ha gi ünna jamädiʼä Jeoba nange na pumbäte di üni? ¿Hanja?
¿ʼBe̱ʼä dä za̱ dä ʼyo̱ʼte ge xtä nhëi ga nsixu̱ʼu̱ miʼra?
¿ʼBe̱ʼä dä za̱ gä o̱thu̱ pa dä za̱ gä häkpähu̱ na nhokjäʼiʼä Jeoba ʼne gä nsixu̱ xi nho ga̱ʼthoʼu̱ ma kühu̱? Dä mi nuui Proverbios 19:11 ʼne manhmi nangehna:
Geʼbu̱ ʼbu̱ʼä toʼo o̱ʼtä ʼna nʼto̱ʼte ge hingi numanho o ge di jaʼpiʼi gi nkue̱, ¿ʼbe̱ʼä dä za̱ gi ʼyo̱ʼte pa hindä bu̱ʼä na ñani?
Jaʼbu̱ ʼnandi gekju̱ di japfu̱ di nkue̱ʼu̱ ma kühu̱ o jaʼä di manhmu̱ ge hingi numanhoʼu̱ miʼra. Nuʼbu̱ dä thogi ngübu̱ ¿ʼbe̱ʼä ja gä o̱thu̱? Dä mi nuui ä BIDEO ʼne manhmi nangehna:
¿ʼBe̱ʼä bi ʼyo̱ʼtä ra kü pa di nhokpäuiʼä manʼna ra kü?
6. Gä u̱rpähu̱ gue̱nda nuʼu̱ yu̱ hogä nʼto̱ʼteʼu̱ ma kühu̱
Nuʼbu̱ manʼna di pähmu̱ʼu̱ ma kühu̱, hingä ho̱ntho di pähmu̱ nuʼu̱ yu̱ hogä nʼto̱ʼte, kextä di pähmu̱ hapu̱ di ʼbe̱rpi. ¿Be̱ʼä dä za̱ gä o̱thu̱ pa manʼna gä u̱rpähu̱ gue̱nda nuʼu̱ yu̱ hogä nʼto̱ʼte ʼne hingä gepu̱ di ʼbe̱rpi? Dä mi nuui ä BIDEO ʼne manhmi nangehna:
¿ʼBe̱ʼä dä za̱ dä ze̱ʼi ge manʼna gi ʼyu̱rpä gue̱nda nuʼu̱ yu̱ hogä nʼto̱ʼteʼu̱ ni kü?
Nuʼä Jeoba manʼna u̱rpä gue̱nda nuʼä ma hogä nʼto̱ʼtehu̱. Dä mi nuui 2 Crónicas 16:9a ʼne manhmi nangehna:
¿ʼBe̱ʼä gi sa̱ o gi mbëni ge nuʼä Jeoba manʼna u̱rpä gue̱ndaʼu̱ ni hogä nʼto̱ʼte?
Madägeʼä ʼna ra do mahotho ge ʼtëmbi diamante hinma ʼtsu̱ʼti xi nho, pe̱ ngütho xi ngü di muui. Njarbu̱thoʼu̱ ma kühu̱: ja yu̱ ʼtsoki pe̱ pa nangeʼä Jeoba emme di muuiʼu̱.
NUʼÄ ʼBE̱ʼÄ MANʼU̱ ʼRA YU̱ JÄʼI: “Nuʼbu̱ dä ʼya̱kä pumbäte gä pumbäbi, pe̱ nuʼbu̱ hinna, hingä pumbi”.
¿Hanja nzäntho ja gä pumbähu̱ʼu̱ miʼra?
NUʼÄ MANʼNA JAʼTSE̱DI
Nuʼbu̱ gi pumbi ga̱ʼthoʼu̱ ni kü ʼne gi huëki, dä za̱ gi ʼyo̱ʼte ge ga̱ʼthoʼu̱ yu̱ kü di nsixmanhobu̱ ja mpe̱ti.
Nuʼä dä pähmu̱
¿ʼBe̱pu̱ dä za̱ gi ʼyüʼä ni nhuëkäte pa ga̱ʼthoʼu̱ miʼra?
¿ʼBe̱ʼä dä za̱ gi ʼyo̱ʼte nubu̱ jaʼi ʼna ñani o ʼna njünʼti ko ʼna ra kü?
¿Ha gi ne gi pumbäʼu̱ miʼra tengütho o̱ʼtä Jeoba? ¿Hanja?
DÄ MI PÄDI MANʼNA
Nuʼä Jesús bi ʼyürkähu̱ ʼna ra ejemplo pa dä ze̱kju̱ gä pähmu̱ ge hingi ja gä häspähu̱ gue̱ndaʼu̱ miʼra. Dä mi pädi ʼbe̱ʼä bi manʼä Jesús.
¿Ha ja gä a̱hmu̱ pumbäte geʼbu̱ di mbënhmu̱ ge te ma nʼtso dä o̱rpähu̱ʼu̱ miʼra?
Dä mi pädi ʼbe̱ʼä xi ze̱ʼu̱ ʼra pa hindä huandätho toʼoʼu̱ di nsixu̱.
Gä ëspähu̱ ga̱ʼtho yu̱ jäʼi geʼbu̱ däjäʼi o hinna, o di hye̱spu̱ mengü (5:06)
Dä mi pädi ʼbe̱pu̱ dä za̱ gi hokä ʼna ñani o ʼna njunʼti ge jaʼäui ʼna kü pa hindi nheʼku̱ ʼbu̱pu̱ ja mpe̱ti.
“Ko ra nhuëkäte gä hokju̱ʼu̱ yu̱ ñani” (La Atalaya, mayo ge 2016)