3 “ਰਾਜਾ ਖੋਰਸ ਦੇ ਰਾਜ ਦੇ ਪਹਿਲੇ ਸਾਲ ਵਿਚ ਰਾਜਾ ਖੋਰਸ ਨੇ ਯਰੂਸ਼ਲਮ ਵਿਚ ਪਰਮੇਸ਼ੁਰ ਦੇ ਭਵਨ ਬਾਰੇ ਇਕ ਹੁਕਮ ਜਾਰੀ ਕੀਤਾ:+ ‘ਇਸ ਭਵਨ ਨੂੰ ਅਜਿਹੀ ਥਾਂ ਵਜੋਂ ਦੁਬਾਰਾ ਬਣਾਇਆ ਜਾਵੇ ਜਿੱਥੇ ਉਹ ਬਲ਼ੀਆਂ ਚੜ੍ਹਾਉਣ ਅਤੇ ਇਸ ਦੀਆਂ ਨੀਂਹਾਂ ਮਜ਼ਬੂਤੀ ਨਾਲ ਰੱਖੀਆਂ ਜਾਣ; ਇਸ ਦੀ ਲੰਬਾਈ 60 ਹੱਥ* ਅਤੇ ਇਸ ਦੀ ਚੁੜਾਈ 60 ਹੱਥ ਹੋਵੇ,+ 4 ਰੋੜ੍ਹ ਕੇ ਲਿਆਂਦੇ ਵੱਡੇ-ਵੱਡੇ ਪੱਥਰਾਂ ਦੇ ਤਿੰਨ ਰਦੇ ਅਤੇ ਲੱਕੜਾਂ ਦਾ ਇਕ ਰਦਾ ਲਾਇਆ ਜਾਵੇ;+ ਅਤੇ ਖ਼ਰਚਾ ਰਾਜੇ ਦੇ ਮਹਿਲ ਵਿੱਚੋਂ ਦਿੱਤਾ ਜਾਵੇ।+

8 ਇਸ ਤੋਂ ਇਲਾਵਾ, ਪਰਮੇਸ਼ੁਰ ਦੇ ਉਸ ਭਵਨ ਨੂੰ ਦੁਬਾਰਾ ਬਣਾਉਣ ਲਈ ਯਹੂਦੀਆਂ ਦੇ ਇਨ੍ਹਾਂ ਬਜ਼ੁਰਗਾਂ ਵਾਸਤੇ ਤੁਸੀਂ ਕੀ-ਕੀ ਕਰਨਾ ਹੈ, ਉਸ ਬਾਰੇ ਮੈਂ ਇਹ ਹੁਕਮ ਜਾਰੀ ਕਰ ਰਿਹਾ ਹਾਂ: ਸ਼ਾਹੀ ਖ਼ਜ਼ਾਨੇ ਵਿੱਚੋਂ+ ਯਾਨੀ ਦਰਿਆ ਪਾਰ ਦੇ ਇਲਾਕੇ ਤੋਂ ਇਕੱਠੇ ਕੀਤੇ ਟੈਕਸ ਵਿੱਚੋਂ ਇਨ੍ਹਾਂ ਆਦਮੀਆਂ ਨੂੰ ਤੁਰੰਤ ਖ਼ਰਚਾ ਦਿੱਤਾ ਜਾਵੇ ਤਾਂਕਿ ਕੰਮ ਵਿਚ ਕੋਈ ਰੁਕਾਵਟ ਨਾ ਆਵੇ।+