4 ਫਿਰ ਹਾਕਮਾਂ ਨੇ ਰਾਜਾ ਸਿਦਕੀਯਾਹ ਨੂੰ ਕਿਹਾ: “ਇਸ ਬੰਦੇ ਨੂੰ ਮਾਰ ਸੁੱਟ+ ਕਿਉਂਕਿ ਇਹ ਅਜਿਹੀਆਂ ਗੱਲਾਂ ਕਰ ਕੇ ਸ਼ਹਿਰ ਵਿਚ ਬਾਕੀ ਬਚੇ ਫ਼ੌਜੀਆਂ ਅਤੇ ਸਾਰੇ ਲੋਕਾਂ ਦੇ ਹੌਸਲੇ ਢਾਹ* ਰਿਹਾ ਹੈ। ਇਹ ਲੋਕਾਂ ਦਾ ਭਲਾ ਨਹੀਂ, ਸਗੋਂ ਬੁਰਾ ਚਾਹੁੰਦਾ ਹੈ।”

6 ਇਸ ਲਈ ਉਨ੍ਹਾਂ ਨੇ ਯਿਰਮਿਯਾਹ ਨੂੰ ਫੜ ਕੇ ਰਾਜੇ ਦੇ ਪੁੱਤਰ ਮਲਕੀਯਾਹ ਦੇ ਪਾਣੀ ਦੇ ਕੁੰਡ ਵਿਚ ਸੁੱਟ ਦਿੱਤਾ ਜੋ ਪਹਿਰੇਦਾਰਾਂ ਦੇ ਵਿਹੜੇ ਵਿਚ ਸੀ।+ ਉਨ੍ਹਾਂ ਨੇ ਯਿਰਮਿਯਾਹ ਨੂੰ ਰੱਸੀਆਂ ਨਾਲ ਲਮਕਾ ਕੇ ਕੁੰਡ ਵਿਚ ਉਤਾਰਿਆ। ਕੁੰਡ ਵਿਚ ਪਾਣੀ ਨਹੀਂ ਸੀ, ਸਗੋਂ ਚਿੱਕੜ ਸੀ ਅਤੇ ਯਿਰਮਿਯਾਹ ਚਿੱਕੜ ਵਿਚ ਖੁੱਭਣ ਲੱਗ ਪਿਆ।