ਯਹੋਸ਼ੁਆ

12 ਦੇਸ਼ ਦੇ ਜਿਨ੍ਹਾਂ ਰਾਜਿਆਂ ਨੂੰ ਇਜ਼ਰਾਈਲੀਆਂ ਨੇ ਹਰਾਇਆ ਸੀ ਅਤੇ ਜਿਨ੍ਹਾਂ ਦੇ ਦੇਸ਼ ਉੱਤੇ ਉਨ੍ਹਾਂ ਨੇ ਯਰਦਨ ਦੇ ਪੂਰਬ ਵੱਲ ਯਾਨੀ ਅਰਨੋਨ ਘਾਟੀ+ ਤੋਂ ਲੈ ਕੇ ਹਰਮੋਨ ਪਹਾੜ+ ਅਤੇ ਪੂਰਬ ਵੱਲ ਸਾਰੇ ਅਰਾਬਾਹ ਤਕ ਕਬਜ਼ਾ ਕੀਤਾ ਸੀ,+ ਉਹ ਰਾਜੇ ਇਹ ਹਨ: 2 ਅਮੋਰੀਆਂ ਦਾ ਰਾਜਾ ਸੀਹੋਨ+ ਜੋ ਹਸ਼ਬੋਨ ਵਿਚ ਰਹਿੰਦਾ ਸੀ ਅਤੇ ਉਹ ਅਰੋਏਰ+ ਤੋਂ ਰਾਜ ਕਰਦਾ ਸੀ ਜੋ ਅਰਨੋਨ ਘਾਟੀ+ ਦੇ ਕੰਢੇ ʼਤੇ ਸੀ। ਉਹ ਇਸ ਘਾਟੀ ਦੇ ਵਿਚਕਾਰੋਂ ਲੈ ਕੇ ਯਬੋਕ ਘਾਟੀ ਤਕ ਰਾਜ ਕਰਦਾ ਸੀ ਜੋ ਅੰਮੋਨੀਆਂ ਦੀ ਸਰਹੱਦ ਸੀ ਅਤੇ ਅੱਧਾ ਗਿਲਆਦ ਉਸ ਦੇ ਰਾਜ ਵਿਚ ਆਉਂਦਾ ਸੀ। 3 ਨਾਲੇ ਉਹ ਪੂਰਬ ਵੱਲ ਅਰਾਬਾਹ ਦੇ ਇਲਾਕੇ ʼਤੇ ਰਾਜ ਕਰਦਾ ਸੀ ਜੋ ਕਿੰਨਰਥ ਝੀਲ*+ ਤੋਂ ਲੈ ਕੇ ਅਰਾਬਾਹ ਸਾਗਰ ਯਾਨੀ ਖਾਰੇ ਸਮੁੰਦਰ* ਤਕ ਫੈਲਿਆ ਸੀ ਅਤੇ ਪੂਰਬ ਵੱਲ ਬੈਤ-ਯਸ਼ੀਮੋਥ ਅਤੇ ਦੱਖਣ ਵੱਲ ਪਿਸਗਾਹ ਦੀਆਂ ਢਲਾਣਾਂ ਦੇ ਹੇਠਾਂ ਤਕ।+

4 ਨਾਲੇ ਬਾਸ਼ਾਨ ਦੇ ਰਾਜੇ ਓਗ ਦਾ ਇਲਾਕਾ+ ਜੋ ਬਚੇ ਹੋਏ ਰਫ਼ਾਈਮੀਆਂ ਵਿੱਚੋਂ ਸੀ+ ਅਤੇ ਅਸ਼ਤਾਰਾਥ ਤੇ ਅਦਰਈ ਵਿਚ ਰਹਿੰਦਾ ਸੀ। 5 ਉਹ ਹਰਮੋਨ ਪਹਾੜ ʼਤੇ, ਸਲਕਾਹ ਵਿਚ ਅਤੇ ਸਾਰੇ ਬਾਸ਼ਾਨ+ ਵਿਚ ਗਸ਼ੂਰੀਆਂ ਅਤੇ ਮਾਕਾਥੀਆਂ+ ਦੀ ਸਰਹੱਦ ਤਕ ਅਤੇ ਅੱਧੇ ਗਿਲਆਦ ਤਕ ਰਾਜ ਕਰਦਾ ਸੀ ਜੋ ਹਸ਼ਬੋਨ ਦੇ ਰਾਜੇ ਸੀਹੋਨ+ ਦੇ ਇਲਾਕੇ ਦੀ ਸਰਹੱਦ ਸੀ।

6 ਯਹੋਵਾਹ ਦੇ ਸੇਵਕ ਮੂਸਾ ਅਤੇ ਇਜ਼ਰਾਈਲੀਆਂ ਨੇ ਉਨ੍ਹਾਂ ਨੂੰ ਹਰਾ ਦਿੱਤਾ ਸੀ+ ਜਿਸ ਤੋਂ ਬਾਅਦ ਯਹੋਵਾਹ ਦੇ ਸੇਵਕ ਮੂਸਾ ਨੇ ਉਨ੍ਹਾਂ ਦਾ ਦੇਸ਼ ਰਊਬੇਨੀਆਂ, ਗਾਦੀਆਂ ਅਤੇ ਮਨੱਸ਼ਹ ਦੇ ਅੱਧੇ ਗੋਤ ਨੂੰ ਦੇ ਦਿੱਤਾ ਸੀ।+

7 ਯਹੋਸ਼ੁਆ ਅਤੇ ਇਜ਼ਰਾਈਲੀਆਂ ਨੇ ਯਰਦਨ ਦੇ ਪੱਛਮ ਵੱਲ ਲਬਾਨੋਨ ਘਾਟੀ+ ਵਿਚ ਬਆਲ-ਗਾਦ+ ਤੋਂ ਲੈ ਕੇ ਉੱਪਰ ਸੇਈਰ+ ਨੂੰ ਜਾਂਦੇ ਹਾਲਾਕ ਪਹਾੜ+ ਤਕ ਦੇਸ਼ ਦੇ ਰਾਜਿਆਂ ਨੂੰ ਹਰਾ ਦਿੱਤਾ। ਇਸ ਤੋਂ ਬਾਅਦ ਯਹੋਸ਼ੁਆ ਨੇ ਉਨ੍ਹਾਂ ਦੇ ਦੇਸ਼ ਦੇ ਹਿੱਸੇ ਕਰ ਕੇ ਇਜ਼ਰਾਈਲ ਦੇ ਗੋਤਾਂ ਨੂੰ ਦੇ ਦਿੱਤੇ ਤਾਂਕਿ ਇਹ ਉਨ੍ਹਾਂ ਦੀ ਮਲਕੀਅਤ ਹੋਵੇ।+ 8 ਇਸ ਵਿਚ ਪਹਾੜੀ ਇਲਾਕਾ, ਸ਼ੇਫਲਾਹ, ਅਰਾਬਾਹ, ਢਲਾਣਾਂ, ਉਜਾੜ ਅਤੇ ਨੇਗੇਬ ਵੀ ਆਉਂਦਾ ਸੀ+ ਜਿਨ੍ਹਾਂ ਵਿਚ ਹਿੱਤੀ, ਅਮੋਰੀ,+ ਕਨਾਨੀ, ਪਰਿੱਜੀ, ਹਿੱਵੀ ਅਤੇ ਯਬੂਸੀ ਰਹਿੰਦੇ ਸਨ।+ ਇਹ ਰਾਜੇ ਸਨ: