ਵਿਸ਼ਾ ਸੂਚੀ

ਯਹੋਵਾਹ ਦੇ ਸੇਵਕਾਂ ਲਈ ਗੀਤ ਗਾਉਣੇ ਉਨ੍ਹਾਂ ਦੀ ਭਗਤੀ ਦਾ ਅਹਿਮ ਹਿੱਸਾ ਹਨ। ਪਰ ਸ਼ਾਇਦ ਕਈਆਂ ਨੂੰ ਦੂਸਰਿਆਂ ਸਾਮ੍ਹਣੇ ਗੀਤ ਗਾਉਣ ਵਿਚ ਸ਼ਰਮ ਆਵੇ। ਅਸੀਂ ਯਹੋਵਾਹ ਦੀ ਮਹਿਮਾ ਲਈ ਪੂਰੇ ਹੌਸਲੇ ਨਾਲ ਗੀਤ ਕਿਵੇਂ ਗਾ ਸਕਦੇ ਹਾਂ? ਇਸ ਲੇਖ ਵਿਚ ਦੱਸਿਆ ਗਿਆ ਹੈ ਕਿ ਸਾਨੂੰ ਖ਼ੁਸ਼ੀ ਨਾਲ ਗੀਤ ਕਿਉਂ ਗਾਉਣੇ ਚਾਹੀਦੇ ਹਨ। ਨਾਲੇ ਹੋਰ ਵਧੀਆ ਢੰਗ ਨਾਲ ਗਾਉਣ ਲਈ ਕੁਝ ਸੁਝਾਅ ਵੀ ਦਿੱਤੇ ਗਏ ਹਨ।

ਪੁਰਾਣੇ ਸਮੇਂ ਵਿਚ ਯਹੋਵਾਹ ਨੇ ਇਜ਼ਰਾਈਲੀਆਂ ਲਈ ਪਨਾਹ ਨਗਰਾਂ ਦਾ ਪ੍ਰਬੰਧ ਕੀਤਾ ਸੀ। ਅਸੀਂ ਇਸ ਪ੍ਰਬੰਧ ਤੋਂ ਕੀ ਸਿੱਖ ਸਕਦੇ ਹਾਂ? ਅਸੀਂ ਪਹਿਲੇ ਲੇਖ ਵਿਚ ਦੇਖਾਂਗੇ ਕਿ ਪਾਪੀ ਅੱਜ ਵੀ ਯਹੋਵਾਹ ਵਿਚ ਪਨਾਹ ਕਿਵੇਂ ਲੈ ਸਕਦੇ ਹਨ। ਦੂਸਰੇ ਲੇਖ ਵਿਚ ਅਸੀਂ ਦੇਖਾਂਗੇ ਕਿ ਅਸੀਂ ਯਹੋਵਾਹ ਦੀ ਰੀਸ ਕਰਦਿਆਂ ਦੂਸਰਿਆਂ ਨੂੰ ਮਾਫ਼ ਕਰਨਾ, ਜ਼ਿੰਦਗੀ ਦੀ ਕਦਰ ਕਰਨੀ ਅਤੇ ਨਿਆਂ ਕਰਨਾ ਕਿਵੇਂ ਸਿੱਖ ਸਕਦੇ ਹਾਂ।

ਇਹ ਦੋ ਲੇਖ ਪੌਲੁਸ ਦੁਆਰਾ ਕੁਲੁੱਸੈ ਨੂੰ ਲਿਖੀ ਚਿੱਠੀ ʼਤੇ ਆਧਾਰਿਤ ਹਨ। ਪਹਿਲੇ ਲੇਖ ਵਿਚ ਦੱਸਿਆ ਗਿਆ ਹੈ ਕਿ ਜਦੋਂ ਅਸੀਂ ਦੁਨਿਆਵੀ ਵਿਚਾਰਾਂ ਨੂੰ ਸੁਣਦੇ ਹਾਂ, ਜੋ ਸ਼ਾਇਦ ਸਾਨੂੰ ਠੀਕ ਲੱਗਣ, ਤਾਂ ਸਾਨੂੰ ਕੀ ਕਰਨਾ ਚਾਹੀਦਾ। ਦੂਸਰੇ ਲੇਖ ਵਿਚ ਦੱਸਿਆ ਗਿਆ ਹੈ ਕਿ ਅਸੀਂ ਦੁਨਿਆਵੀ ਰਵੱਈਏ ਤੋਂ ਕਿਵੇਂ ਬਚ ਸਕਦੇ ਹਾਂ ਜਿਨ੍ਹਾਂ ਕਰਕੇ ਅਸੀਂ ਯਹੋਵਾਹ ਤੋਂ ਮਿਲਣ ਵਾਲੀਆਂ ਬਰਕਤਾਂ ਤੋਂ ਵਾਂਝੇ ਰਹਿ ਸਕਦੇ ਹਾਂ।