ਘੋਸ਼ਣਾਵਾਂ

◼ ਅਪ੍ਰੈਲ ਤੇ ਮਈ ਲਈ ਸਾਹਿੱਤ ਪੇਸ਼ਕਸ਼: ਪਹਿਰਾਬੁਰਜ ਅਤੇ ਜਾਗਰੂਕ ਬਣੋ! ਰਸਾਲੇ। ਜੇ ਦੁਬਾਰਾ ਜਾਣ ਤੇ ਵਿਅਕਤੀ ਦਿਲਚਸਪੀ ਦਿਖਾਉਂਦਾ ਹੈ, ਤਾਂ ਸਬਸਕ੍ਰਿਪਸ਼ਨ ਪੇਸ਼ ਕੀਤੀ ਜਾ ਸਕਦੀ ਹੈ। ਉਹ ਸਰਬ ਮਹਾਨ ਮਨੁੱਖ ਜੋ ਕਦੀ ਜੀਉਂਦਾ ਰਿਹਾ ਜਾਂ ਬਾਈਬਲ ਕਹਾਣੀਆਂ ਦੀ ਮੇਰੀ ਕਿਤਾਬ ਪੇਸ਼ ਕਰੋ। ਜੂਨ: ਪਰਮੇਸ਼ੁਰ ਸਾਡੇ ਤੋਂ ਕੀ ਮੰਗ ਕਰਦਾ ਹੈ? ਜਾਂ ਗਿਆਨ ਜੋ ਸਦੀਪਕ ਜੀਵਨ ਵੱਲ ਲੈ ਜਾਂਦਾ ਹੈ। ਬਾਈਬਲ ਸਟੱਡੀਆਂ ਸ਼ੁਰੂ ਕਰਾਉਣ ਵੱਲ ਧਿਆਨ ਦਿਓ। ਜੁਲਾਈ: ਹੇਠਾਂ ਦਿੱਤੇ ਗਏ 32 ਸਫ਼ਿਆਂ ਵਾਲੇ ਬਰੋਸ਼ਰਾਂ ਵਿੱਚੋਂ ਕਿਸੇ ਇਕ ਨੂੰ ਇਸਤੇਮਾਲ ਕੀਤਾ ਜਾ ਸਕਦਾ ਹੈ: ਕੀ ਪਰਮੇਸ਼ੁਰ ਸੱਚ ਮੁੱਚ ਸਾਡੀ ਪਰਵਾਹ ਕਰਦਾ ਹੈ?, ਧਰਤੀ ਉੱਤੇ ਸਦਾ ਦੇ ਜੀਵਨ ਦਾ ਆਨੰਦ ਮਾਣੋ!, “ਵੇਖ! ਮੈਂ ਸੱਭੋ ਕੁਝ ਨਵਾਂ ਬਣਾਉਂਦਾ ਹਾਂ,” ਕੀ ਤੁਹਾਨੂੰ ਤ੍ਰਿਏਕ ਵਿਚ ਵਿਸ਼ਵਾਸ ਕਰਨਾ ਚਾਹੀਦਾ ਹੈ? (ਅੰਗ੍ਰੇਜ਼ੀ), ਈਸ਼ਵਰੀ ਨਾਂ ਜੋ ਸਦਾ ਤਕ ਕਾਇਮ ਰਹੇਗਾ (ਅੰਗ੍ਰੇਜ਼ੀ), ਉਹ ਸਰਕਾਰ ਜਿਹੜੀ ਪਰਾਦੀਸ ਲਿਆਵੇਗੀ, ਸਾਨੂੰ ਕੀ ਹੁੰਦਾ ਹੈ ਜਦੋਂ ਅਸੀਂ ਮਰ ਜਾਂਦੇ ਹਾਂ? (ਅੰਗ੍ਰੇਜ਼ੀ), ਜੀਵਨ ਦਾ ਮਕਸਦ ਕੀ ਹੈ​—ਤੁਸੀਂ ਇਹ ਕਿਸ ਤਰ੍ਹਾਂ ਪ੍ਰਾਪਤ ਕਰ ਸਕਦੇ ਹੋ? ਅਤੇ ਜਦੋਂ ਕੋਈ ਵਿਅਕਤੀ ਜਿਸ ਨਾਲ ਤੁਸੀਂ ਪ੍ਰੇਮ ਰੱਖਦੇ ਹੋ ਮਰ ਜਾਂਦਾ ਹੈ। ਜਿੱਥੇ ਕਿਤੇ ਢੁਕਵਾਂ ਹੋਵੇ ਉੱਥੇ ਤਮਾਮ ਲੋਕਾਂ ਲਈ ਇਕ ਪੁਸਤਕ, ਸਾਡੀਆਂ ਸਮੱਸਿਆਵਾਂ​—ਉਨ੍ਹਾਂ ਨੂੰ ਸੁਲਝਾਉਣ ਵਿਚ ਕੌਣ ਸਾਡੀ ਮਦਦ ਕਰੇਗਾ?, ਮਰੇ ਹੋਇਆਂ ਦੀਆਂ ਆਤਮਾਵਾਂ​—ਕੀ ਉਹ ਤੁਹਾਡੀ ਮਦਦ ਕਰ ਸਕਦੀਆਂ ਹਨ ਜਾਂ ਤੁਹਾਨੂੰ ਹਾਨੀ ਪਹੁੰਚਾ ਸਕਦੀਆਂ ਹਨ? ਕੀ ਉਹ ਸੱਚ-ਮੁੱਚ ਹੋਂਦ ਵਿਚ ਹਨ? (ਅੰਗ੍ਰੇਜ਼ੀ) ਅਤੇ ਕੀ ਕਦੇ ਯੁੱਧ ਰਹਿਤ ਸੰਸਾਰ ਹੋਵੇਗਾ? (ਅੰਗ੍ਰੇਜ਼ੀ) ਬਰੋਸ਼ਰ ਪੇਸ਼ ਕੀਤੇ ਜਾ ਸਕਦੇ ਹਨ।

◼ ਸੋਸਾਇਟੀ ਲਈ ਇਹ ਜ਼ਰੂਰੀ ਹੈ ਕਿ ਉਹ ਸਾਰੇ ਪ੍ਰਧਾਨ ਨਿਗਾਹਬਾਨਾਂ ਅਤੇ ਸੈਕਟਰੀਆਂ ਦੇ ਪਤਿਆਂ ਦਾ ਅਤੇ ਟੈਲੀਫ਼ੋਨ ਨੰਬਰਾਂ ਦਾ ਸਹੀ-ਸਹੀ ਰਿਕਾਰਡ ਰੱਖੇ। ਜੇਕਰ ਕਿਸੇ ਵੀ ਸਮੇਂ ਕੋਈ ਤਬਦੀਲੀ ਹੁੰਦੀ ਹੈ, ਤਾਂ ਸੈਕਟਰੀ ਨੂੰ ਪ੍ਰਧਾਨ ਨਿਗਾਹਬਾਨ/ਸੈਕਟਰੀ ਦੇ ਪਤੇ ਦੀ ਬਦਲੀ (S-29) ਦਾ ਫਾਰਮ ਭਰ ਕੇ ਫਟਾਫਟ ਸੋਸਾਇਟੀ ਨੂੰ ਭੇਜ ਦੇਣਾ ਚਾਹੀਦਾ ਹੈ। ਜੇ ਐੱਸ. ਟੀ. ਡੀ. ਕੋਡ ਨੰਬਰ ਵੀ ਬਦਲਦੇ ਹਨ, ਤਾਂ ਇਸ ਬਾਰੇ ਵੀ ਸੋਸਾਇਟੀ ਨੂੰ ਦੱਸਿਆ ਜਾਣਾ ਚਾਹੀਦਾ ਹੈ।

◼ ਕਲੀਸਿਯਾ ਦੇ ਸੈਕਟਰੀ ਨੂੰ ਨਿਯਮਿਤ ਪਾਇਨੀਅਰ ਸੇਵਾ ਲਈ ਅਰਜ਼ੀ (S-205) ਅਤੇ ਸਹਿਯੋਗੀ ਪਾਇਨੀਅਰ ਸੇਵਾ ਲਈ ਅਰਜ਼ੀ (S-205b) ਫਾਰਮਾਂ ਦੀ ਚੋਖੀ ਸਪਲਾਈ ਰੱਖਣੀ ਚਾਹੀਦੀ ਹੈ। ਇਹ ਸਾਹਿੱਤ ਦਰਖ਼ਾਸਤ ਫਾਰਮ (S-14) ਤੇ ਆਰਡਰ ਕੀਤੇ ਜਾ ਸਕਦੇ ਹਨ। ਘੱਟੋ-ਘੱਟ ਇਕ ਸਾਲ ਦੀ ਸਪਲਾਈ ਰੱਖੋ। ਇਹ ਨਿਸ਼ਚਿਤ ਕਰੋ ਕਿ ਨਿਯਮਿਤ ਪਾਇਨੀਅਰ ਅਰਜ਼ੀ ਫਾਰਮ ਨੂੰ ਪੂਰਾ ਭਰਿਆ ਗਿਆ ਹੈ। ਜੇਕਰ ਬਿਨੈਕਾਰ ਨੂੰ ਆਪਣੇ ਬਪਤਿਸਮੇ ਦੀ ਸਹੀ ਤਾਰੀਖ਼ ਯਾਦ ਨਹੀਂ ਹੈ, ਤਾਂ ਉਸ ਨੂੰ ਤਾਰੀਖ਼ ਦਾ ਅੰਦਾਜ਼ਾ ਲਗਾ ਲੈਣਾ ਚਾਹੀਦਾ ਹੈ ਅਤੇ ਇਸ ਦਾ ਰਿਕਾਰਡ ਰੱਖਣਾ ਚਾਹੀਦਾ ਹੈ।

◼ ਜਦੋਂ ਵੀ ਤੁਸੀਂ ਕਿਸੇ ਦੂਜੇ ਦੇਸ਼ ਵਿਚ ਜਾਣ ਦੀ ਯੋਜਨਾ ਬਣਾਉਂਦੇ ਹੋ ਤੇ ਉੱਥੇ ਦੀਆਂ ਕਲੀਸਿਯਾ ਸਭਾਵਾਂ, ਸਰਕਟ ਅਸੈਂਬਲੀ ਜਾਂ ਜ਼ਿਲ੍ਹਾ ਸੰਮੇਲਨ ਵਿਚ ਹਾਜ਼ਰ ਹੋਣਾ ਚਾਹੁੰਦੇ ਹੋ, ਤਾਂ ਤੁਹਾਨੂੰ ਪ੍ਰੋਗ੍ਰਾਮ ਦੀਆਂ ਤਾਰੀਖ਼ਾਂ, ਸਮੇਂ ਤੇ ਥਾਵਾਂ ਬਾਰੇ ਜਾਣਕਾਰੀ ਲੈਣ ਲਈ ਉਸ ਦੇਸ਼ ਵਿਚ ਕੰਮ ਦੀ ਨਿਗਰਾਨੀ ਕਰ ਰਹੇ ਸ਼ਾਖ਼ਾ ਦਫ਼ਤਰ ਨੂੰ ਚਿੱਠੀ ਲਿਖਣੀ ਚਾਹੀਦੀ ਹੈ। ਸ਼ਾਖ਼ਾ ਦਫ਼ਤਰਾਂ ਦੇ ਪਤੇ ਨਵੀਂ ਯੀਅਰ ਬੁੱਕ ਦੇ ਆਖ਼ਰੀ ਸਫ਼ੇ ਤੇ ਦਿੱਤੇ ਗਏ ਹਨ।

◼ ਕਲੀਸਿਯਾ ਦੁਆਰਾ ਆਰਡਰ ਕੀਤੇ ਪ੍ਰਕਾਸ਼ਨ ਜੋ ਇਸ ਵੇਲੇ ਸਾਡੇ ਸਟਾਕ ਵਿਚ ਨਹੀਂ ਹਨ, ਉਹ ਸਾਡੀ ਲਿਸਟ ਉੱਤੇ ਰਹਿਣਗੇ। ਜਿਉਂ ਹੀ ਸਟਾਕ ਮੁਹੱਈਆ ਹੋਵੇਗਾ, ਤੁਹਾਨੂੰ ਸਾਰੇ ਪ੍ਰਕਾਸ਼ਨ ਭੇਜ ਦਿੱਤੇ ਜਾਣਗੇ। ਇਸ ਲਈ, ਜਿਹੜੇ ਪ੍ਰਕਾਸ਼ਨ ਸਾਡੀ ਲਿਸਟ ਉੱਤੇ ਹਨ, ਉਨ੍ਹਾਂ ਦਾ ਦੁਬਾਰਾ ਆਰਡਰ ਨਹੀਂ ਕਰਨਾ ਚਾਹੀਦਾ। ਜੇ ਇਨ੍ਹਾਂ ਪ੍ਰਕਾਸ਼ਨਾਂ ਦੀ ਹੋਰ ਜ਼ਿਆਦਾ ਲੋੜ ਹੈ, ਜਿਵੇਂ ਖ਼ਾਸ ਦਰਖ਼ਾਸਤ ਪ੍ਰਕਾਸ਼ਨ, ਤਾਂ ਫਿਰ ਸਾਹਿੱਤ ਦਰਖ਼ਾਸਤ ਫਾਰਮ (S-14) ਦੇ ਨਾਲ ਇਕ ਸੰਖੇਪ ਨੋਟ ਇਹ ਦੱਸਦੇ ਹੋਏ ਨੱਥੀ ਕਰੋ ਕਿ ਇਹ ਆਰਡਰ, ਪਹਿਲਾਂ ਆਰਡਰ ਕੀਤੇ ਗਏ ਤੇ ਲਿਸਟ ਉੱਤੇ ਪੈਂਡਿੰਗ ਪਏ ਪ੍ਰਕਾਸ਼ਨਾਂ ਤੋਂ ਵੱਖਰਾ ਹੈ। ਅਜਿਹੇ ਨੋਟ ਲਿਖ ਕੇ ਭੇਜਣ ਤੋਂ ਬਿਨਾਂ ਆਰਡਰ ਕੀਤੇ ਪ੍ਰਕਾਸ਼ਨ ਨਹੀਂ ਘੱਲੇ ਜਾਣਗੇ।

◼ ਜਿਹੜੀਆਂ ਕਲੀਸਿਯਾਵਾਂ ਇੱਕੋ ਕਿੰਗਡਮ ਹਾਲ ਵਰਤਦੀਆਂ ਹਨ, ਉਨ੍ਹਾਂ ਨੂੰ ਸਿਰਫ਼ ਇੱਕੋ ਹੀ ਕਲੀਸਿਯਾ ਰਾਹੀਂ ਆਪਣੀ ਸਾਹਿੱਤ ਸਪਲਾਈ ਮੰਗਵਾਉਣੀ ਚਾਹੀਦੀ ਹੈ ਜੋ ਇਸ ਕੰਮ ਲਈ ਨਿਯੁਕਤ ਕੀਤੀ ਗਈ ਹੈ।

◼ ਜੇ ਤੁਹਾਡੀ ਕਲੀਸਿਯਾ ਨੇ ਨਵੇਂ ਪਤੇ ਤੇ ਸਾਹਿੱਤ ਅਤੇ/ਜਾਂ ਰਸਾਲੇ ਭੇਜਣ ਲਈ ਦਰਖ਼ਾਸਤ ਕੀਤੀ ਹੈ, ਤਾਂ ਜਦੋਂ ਤਕ ਨਵੇਂ ਪਤੇ ਤੇ ਸਾਹਿੱਤ ਆਉਣਾ ਸ਼ੁਰੂ ਨਹੀਂ ਹੋ ਜਾਂਦਾ, ਤਦ ਤਕ ਪੁਰਾਣੇ ਪਤੇ ਤੋਂ ਸਾਹਿੱਤ ਚੁੱਕਣ ਦੇ ਪੱਕੇ ਇੰਤਜ਼ਾਮ ਕਰੋ। ਉਦੋਂ ਵੀ ਇੰਜ ਕਰਨ ਦੀ ਲੋੜ ਹੈ ਜਦੋਂ ਸੋਸਾਇਟੀ ਨੂੰ ਟੈਲੀਫ਼ੋਨ ਜਾਂ ਫੈਕਸ ਰਾਹੀਂ ਨਵੇਂ ਪਤੇ ਬਾਰੇ ਸੂਚਨਾ ਦਿੱਤੀ ਜਾਂਦੀ ਹੈ।

◼ ਜਦੋਂ ਤਕ ਦੁਬਾਰਾ ਘੋਸ਼ਣਾ ਨਹੀਂ ਹੁੰਦੀ ਤਦ ਤਕ ਕਿਰਪਾ ਕਰ ਕੇ ਨਿਊ ਵਰਲਡ ਟ੍ਰਾਂਸਲੇਸ਼ਨ ਆਫ਼ ਦ ਹੋਲੀ ਸਕ੍ਰਿਪਚਰਸ ਦੇ ਡੀਲਕਸ ਐਡੀਸ਼ਨਾਂ, ਭਾਰਤੀ ਭਾਸ਼ਾਵਾਂ ਵਿਚ ਬਾਈਬਲਾਂ, ਪਹਿਰਾਬੁਰਜ ਤੇ ਜਾਗਰੂਕ ਬਣੋ! ਦੇ ਜਿਲਦਬੱਧ ਖੰਡਾਂ ਅਤੇ ਵਿਡਿਓ ਕੈਸਟਾਂ ਲਈ ਦਰਖ਼ਾਸਤਾਂ ਨਾ ਭੇਜੋ। ਕਿਰਪਾ ਕਰ ਕੇ ਰਸਾਲਿਆਂ ਦੀਆਂ ਆਪਣੀਆਂ ਨਿੱਜੀ ਕਾਪੀਆਂ ਸੰਭਾਲ ਕੇ ਰੱਖੋ ਤੇ ਉਨ੍ਹਾਂ ਨੂੰ ਸਾਲ ਦੇ ਅਖ਼ੀਰ ਵਿਚ ਆਪਣੇ ਲਈ ਤੇ ਕਲੀਸਿਯਾ ਦੀ ਲਾਇਬ੍ਰੇਰੀ ਲਈ ਜਿਲਦਬੱਧ ਖੰਡ ਬਣਾ ਲਓ। ਕਲੀਸਿਯਾਵਾਂ ਦੀਆਂ ਲਾਇਬ੍ਰੇਰੀਆਂ ਵਿਚ ਰੱਖੀਆਂ ਵਿਡਿਓ ਕੈਸਟਾਂ ਕਿਸੇ ਵੀ ਸਮੇਂ ਵਰਤੀਆਂ ਜਾ ਸਕਦੀਆਂ ਹਨ। ਪ੍ਰਕਾਸ਼ਕਾਂ ਨੂੰ ਬੇਨਤੀ ਕੀਤੀ ਜਾਂਦੀ ਹੈ ਕਿ ਉਹ ਆਪਣੀ ਭਾਸ਼ਾ ਵਿਚ ਬਾਈਬਲਾਂ ਦੁਕਾਨਾਂ ਤੋਂ ਖ਼ਰੀਦਣ।

◼ ਦੁਬਾਰਾ ਉਪਲਬਧ ਪ੍ਰਕਾਸ਼ਨ:

ਬਾਈਬਲ ਦੀਆਂ ਮੂਲ ਸਿੱਖਿਆਵਾਂ​—ਪੰਜਾਬੀ