ਘੋਸ਼ਣਾਵਾਂ

◼ ਅਪ੍ਰੈਲ ਤੇ ਮਈ ਲਈ ਸਾਹਿੱਤ ਪੇਸ਼ਕਸ਼: ਪਹਿਰਾਬੁਰਜ ਅਤੇ ਜਾਗਰੂਕ ਬਣੋ! ਰਸਾਲੇ ਪੇਸ਼ ਕਰੋ। ਦਿਲਚਸਪੀ ਰੱਖਣ ਵਾਲੇ ਲੋਕਾਂ ਨੂੰ ਦੁਬਾਰਾ ਮਿਲ ਕੇ ਕਿਤਾਬ ਪਵਿੱਤਰ ਬਾਈਬਲ ਕੀ ਸਿਖਾਉਂਦੀ ਹੈ? ਪੇਸ਼ ਕਰੋ। ਇਨ੍ਹਾਂ ਵਿਚ ਉਹ ਲੋਕ ਹੋ ਸਕਦੇ ਹਨ ਜੋ ਯਿਸੂ ਦੀ ਮੌਤ ਦੇ ਯਾਦਗਾਰੀ ਸਮਾਰੋਹ ਵਿਚ ਜਾਂ ਹੋਰ ਕਿਸੇ ਖ਼ਾਸ ਸਭਾ ਵਿਚ ਆਏ ਸਨ, ਪਰ ਬਾਕਾਇਦਾ ਸਭਾਵਾਂ ਵਿਚ ਨਹੀਂ ਆਉਂਦੇ। ਬਾਈਬਲ ਸਟੱਡੀ ਸ਼ੁਰੂ ਕਰਨ ਦੀ ਪੂਰੀ ਕੋਸ਼ਿਸ਼ ਕਰੋ। ਜੂਨ: ਸਿਰਜਣਹਾਰ (ਅੰਗ੍ਰੇਜ਼ੀ) ਜਾਂ ਪਰਿਵਾਰਕ ਖ਼ੁਸ਼ੀ ਕਿਤਾਬ ਪੇਸ਼ ਕਰੋ। ਜੁਲਾਈ ਤੇ ਅਗਸਤ: ਹੇਠਾਂ ਦਿੱਤੇ 32 ਸਫ਼ਿਆਂ ਵਾਲੇ ਬਰੋਸ਼ਰਾਂ ਵਿੱਚੋਂ ਕੋਈ ਵੀ ਬਰੋਸ਼ਰ ਦਿੱਤਾ ਜਾ ਸਕਦਾ ਹੈ: ਕੀ ਪਰਮੇਸ਼ੁਰ ਸੱਚ ਮੁੱਚ ਸਾਡੀ ਪਰਵਾਹ ਕਰਦਾ ਹੈ?, ਜਾਗਦੇ ਰਹੋ!, ਕੀ ਤੁਹਾਨੂੰ ਤ੍ਰਿਏਕ ਵਿਚ ਵਿਸ਼ਵਾਸ ਕਰਨਾ ਚਾਹੀਦਾ ਹੈ? (ਅੰਗ੍ਰੇਜ਼ੀ), ਸਾਨੂੰ ਕੀ ਹੁੰਦਾ ਹੈ ਜਦੋਂ ਅਸੀਂ ਮਰ ਜਾਂਦੇ ਹਾਂ? (ਅੰਗ੍ਰੇਜ਼ੀ), ਜੀਵਨ ਦਾ ਮਕਸਦ ਕੀ ਹੈ? ਤੁਸੀਂ ਇਹ ਕਿਸ ਤਰ੍ਹਾਂ ਪ੍ਰਾਪਤ ਕਰ ਸਕਦੇ ਹੋ? ਅਤੇ ਮੌਤ ਦਾ ਗਮ ਕਿੱਦਾਂ ਸਹੀਏ?

◼ ਮਈ ਮਹੀਨੇ ਤੋਂ ਤੁਹਾਡੀ ਕਲੀਸਿਯਾ ਨੂੰ 2007 ਦੇ ਜ਼ਿਲ੍ਹਾ ਸੰਮੇਲਨ ਬੈਜ ਕਾਰਡ ਕਲੀਸਿਯਾ ਦੇ ਸਾਹਿੱਤ ਨਾਲ ਭੇਜ ਦਿੱਤੇ ਜਾਣਗੇ। ਕਾਰਡ ਕਲੀਸਿਯਾ ਵਿਚ ਪਬਲੀਸ਼ਰਾਂ ਦੀ ਗਿਣਤੀ ਨੂੰ ਧਿਆਨ ਵਿਚ ਰੱਖ ਕੇ ਭੇਜੇ ਜਾਣਗੇ ਤੇ ਇਹ 25-25 ਕਾਰਡਾਂ ਦੀਆਂ ਗੱਡੀਆਂ ਵਿਚ ਹੋਣਗੇ। ਤੁਹਾਨੂੰ ਇਹ ਕਾਰਡ ਆਰਡਰ ਕਰਨ ਦੀ ਲੋੜ ਨਹੀਂ, ਸਿਵਾਇ ਉਦੋਂ ਜਦੋਂ ਤੁਸੀਂ ਕੋਈ ਹੋਰ ਭਾਸ਼ਾ ਵਿਚ ਕਾਰਡ ਮੰਗਵਾਉਣੇ ਚਾਹੁੰਦੇ ਹੋ। ਜੇ ਕਿਸੇ ਕਲੀਸਿਯਾ ਨੂੰ ਹੋਰ ਕਾਰਡਾਂ ਦੀ ਲੋੜ ਹੈ, ਤਾਂ ਉਹ ਸਾਹਿੱਤ ਦਰਖ਼ਾਸਤ ਫਾਰਮ (S-14) ਤੇ ਆਰਡਰ ਕਰ ਸਕਦੀ ਹੈ।

◼ ਕਲੀਸਿਯਾ ਦੇ ਸੈਕਟਰੀ ਨੂੰ ਰੈਗੂਲਰ ਪਾਇਨੀਅਰ ਸੇਵਾ ਲਈ ਅਰਜ਼ੀ (S-205) ਅਤੇ ਔਗਜ਼ੀਲਰੀ ਪਾਇਨੀਅਰ ਸੇਵਾ ਲਈ ਅਰਜ਼ੀ (S-205b) ਫਾਰਮਾਂ ਦੀ ਚੋਖੀ ਸਪਲਾਈ ਰੱਖਣੀ ਚਾਹੀਦੀ ਹੈ। ਇਹ ਸਾਹਿੱਤ ਦਰਖ਼ਾਸਤ ਫਾਰਮ (S-14) ਤੇ ਆਰਡਰ ਕੀਤੇ ਜਾ ਸਕਦੇ ਹਨ। ਘੱਟੋ-ਘੱਟ ਇਕ ਸਾਲ ਦੀ ਸਪਲਾਈ ਰੱਖੋ। ਰੈਗੂਲਰ ਪਾਇਨੀਅਰੀ ਕਰਨ ਦੇ ਇੱਛੁਕ ਭੈਣ-ਭਰਾਵਾਂ ਦੀਆਂ ਅਰਜ਼ੀਆਂ ਨੂੰ ਭੇਜਣ ਤੋਂ ਪਹਿਲਾਂ ਪੱਕਾ ਕਰੋ ਕਿ ਇਹ ਪੂਰੀ ਤਰ੍ਹਾਂ ਭਰੀਆਂ ਗਈਆਂ ਹੋਣ।

◼ ਬ੍ਰਾਂਚ ਆਫਿਸ ਲਈ ਇਹ ਜ਼ਰੂਰੀ ਹੈ ਕਿ ਉਹ ਸਾਰੇ ਪ੍ਰਧਾਨ ਨਿਗਾਹਬਾਨਾਂ ਅਤੇ ਸੈਕਟਰੀਆਂ ਦੇ ਪਤਿਆਂ ਦਾ ਅਤੇ ਟੈਲੀਫ਼ੋਨ ਨੰਬਰਾਂ ਦਾ ਸਹੀ-ਸਹੀ ਰਿਕਾਰਡ ਰੱਖੇ। ਜੇਕਰ ਉਨ੍ਹਾਂ ਦੇ ਪਤੇ ਜਾਂ ਟੈਲੀਫ਼ੋਨ ਨੰਬਰ ਬਦਲਦੇ ਹਨ, ਤਾਂ ਕਲੀਸਿਯਾ ਦੀ ਸੇਵਾ ਕਮੇਟੀ ਨੂੰ ਤੁਰੰਤ ਪ੍ਰਧਾਨ ਨਿਗਾਹਬਾਨ/ਸੈਕਟਰੀ ਦਾ ਨਵਾਂ ਪਤਾ (S-29) ਫਾਰਮ ਭਰ ਕੇ ਅਤੇ ਦਸਤਖਤ ਕਰ ਕੇ ਬ੍ਰਾਂਚ ਆਫਿਸ ਨੂੰ ਭੇਜ ਦੇਣਾ ਚਾਹੀਦਾ ਹੈ। ਜੇ ਟੈਲੀਫ਼ੋਨ ਦੇ ਐੱਸ. ਟੀ. ਡੀ. ਕੋਡ ਬਦਲਦੇ ਹਨ, ਤਾਂ ਇਸ ਬਾਰੇ ਵੀ ਬ੍ਰਾਂਚ ਆਫਿਸ ਨੂੰ ਜ਼ਰੂਰ ਦੱਸੋ।

◼ ਜਦੋਂ ਵੀ ਤੁਸੀਂ ਕਿਸੇ ਦੂਜੇ ਦੇਸ਼ ਵਿਚ ਜਾਣ ਦੀ ਯੋਜਨਾ ਬਣਾਉਂਦੇ ਹੋ ਤੇ ਉੱਥੇ ਕਲੀਸਿਯਾ ਸਭਾਵਾਂ, ਸਰਕਟ ਅਸੈਂਬਲੀ ਜਾਂ ਜ਼ਿਲ੍ਹਾ ਸੰਮੇਲਨ ਵਿਚ ਜਾਣਾ ਚਾਹੁੰਦੇ ਹੋ, ਤਾਂ ਤੁਹਾਨੂੰ ਪ੍ਰੋਗ੍ਰਾਮ ਦੀਆਂ ਤਾਰੀਖ਼ਾਂ, ਸਮੇਂ ਤੇ ਥਾਵਾਂ ਬਾਰੇ ਜਾਣਕਾਰੀ ਲੈਣ ਲਈ ਉਸ ਦੇਸ਼ ਵਿਚ ਪ੍ਰਚਾਰ ਕੰਮ ਦੀ ਨਿਗਰਾਨੀ ਕਰ ਰਹੇ ਬ੍ਰਾਂਚ ਆਫਿਸ ਨੂੰ ਚਿੱਠੀ ਲਿਖਣੀ ਚਾਹੀਦੀ ਹੈ। ਬ੍ਰਾਂਚ ਆਫਿਸਾਂ ਦੇ ਪਤੇ ਨਵੀਂ ਯੀਅਰ ਬੁੱਕ ਦੇ ਆਖ਼ਰੀ ਸਫ਼ੇ ਤੇ ਦਿੱਤੇ ਗਏ ਹਨ।

◼ ਅਪ੍ਰੈਲ ਮਹੀਨੇ ਵਿਚ ਹੀ ਅਗਲੇ ਸੇਵਾ ਸਾਲ ਲਈ ਸਾਰੇ ਫਾਰਮ ਆਰਡਰ ਕਰੋ ਜੋ ਸਾਹਿੱਤ ਦਰਖ਼ਾਸਤ ਫਾਰਮ (S-14) ਉੱਤੇ ਦਿੱਤੇ ਗਏ ਹਨ। ਇਸ ਲਈ ਕਿਰਪਾ ਕਰ ਕੇ ਦੇਖੋ ਕਿ ਕਲੀਸਿਯਾ ਨੂੰ ਇਕ ਸਾਲ ਵਾਸਤੇ ਸਾਰੇ ਫਾਰਮਾਂ ਦੀਆਂ ਕਿੰਨੀਆਂ ਕੁ ਕਾਪੀਆਂ ਚਾਹੀਦੀਆਂ ਹਨ। ਫਿਰ ਕਲੀਸਿਯਾ ਦੇ ਅਗਲੇ ਮਹੀਨੇ ਦੇ ਸਾਹਿੱਤ ਆਰਡਰ ਦੇ ਨਾਲ ਹੀ ਇਹ ਆਰਡਰ ਵੀ ਘੱਲ ਦਿਓ। ਇਹ ਦੇਖਿਆ ਗਿਆ ਹੈ ਕਿ ਕਲੀਸਿਯਾਵਾਂ ਅਕਸਰ ਇਕ-ਦੋ ਫਾਰਮ ਫਟਾਫਟ ਘੱਲਣ ਲਈ ਆਰਡਰ ਘੱਲਦੀਆਂ ਹਨ। ਫਾਰਮ ਹਮੇਸ਼ਾ ਸਾਹਿੱਤ ਦੇ ਨਾਲ ਹੀ ਆਰਡਰ ਕੀਤੇ ਜਾਣੇ ਚਾਹੀਦੇ ਹਨ ਕਿਉਂਕਿ ਇਸ ਨਾਲ ਬ੍ਰਾਂਚ ਦਾ ਖ਼ਰਚਾ ਤੇ ਸਮਾਂ ਬਚੇਗਾ।

◼ 27 ਨਵੰਬਰ 2006 ਦੀ ਸਾਡੀ ਰਾਜ ਸੇਵਕਾਈ ਵਿਚ “ਮੈਂ ਇਲਾਜ ਵਿਚ ਲਹੂ ਦੇ ਅੰਸ਼ਾਂ ਅਤੇ ਆਪਣੇ ਹੀ ਲਹੂ ਦੀ ਵਰਤੋਂ ਨੂੰ ਕਿਵੇਂ ਵਿਚਾਰਦਾ ਹਾਂ?” ਨਾਮਕ ਭਾਗ ਵਿਚ ਦਿੱਤੇ ਸੁਝਾਵਾਂ ਸੰਬੰਧੀ ਜੇ ਕਿਸੇ ਪ੍ਰਕਾਸ਼ਕ ਨੂੰ ਮਦਦ ਦੀ ਲੋੜ ਹੈ, ਤਾਂ ਪੁਸਤਕ ਅਧਿਐਨ ਨਿਗਾਹਬਾਨ ਨੂੰ ਉਸ ਦੀ ਮਦਦ ਕਰਨੀ ਚਾਹੀਦੀ ਹੈ।

◼ ਨਵਾਂ ਪ੍ਰਕਾਸ਼ਨ ਉਪਲਬਧ:

ਬਾਈਬਲ ਕਹਾਣੀਆਂ ਦੀ ਮੇਰੀ ਕਿਤਾਬ ਲਈ ਪ੍ਰਸ਼ਨ —ਮੀਜ਼ੋ

◼ ਸੋਧੀ ਹੋਈ ਕਮਪੈਕਟ ਡਿਸਕ ਉਪਲਬਧ:

ਕਿੰਗਡਮ ਮੈਲੋਡੀਜ਼ (MP3), ਨੰਬਰ 4

◼ ਨਵੀਆਂ ਡੀ. ਵੀ. ਡੀਜ਼ ਉਪਲਬਧ:

ਯੂਹੰਨਾ ਦੀ ਇੰਜੀਲ—ਅਮਰੀਕੀ ਸੈਨਤ ਭਾਸ਼ਾ

ਪ੍ਰਚਾਰ ਕਰਨ ਲਈ ਸੰਗਠਿਤ ਅਤੇ ਸਾਡਾ ਭਾਈਚਾਰਾ—ਅੰਗ੍ਰੇਜ਼ੀ

ਇਸ ਡੀ. ਵੀ. ਡੀ. ਦੀ ਇਕ-ਇਕ ਕਾਪੀ ਮਾਰਚ 2007 ਦੀ ਸਾਡੀ ਰਾਜ ਸੇਵਕਾਈ ਦੇ ਨਾਲ ਸਾਰੀਆਂ ਕਲੀਸਿਯਾਵਾਂ ਨੂੰ ਘੱਲ ਦਿੱਤੀ ਗਈ ਹੈ। ਪਬਲੀਸ਼ਰ ਕਲੀਸਿਯਾ ਦੀ ਲਾਇਬ੍ਰੇਰੀ ਤੋਂ ਇਹ ਡੀ. ਵੀ. ਡੀ. ਦੇਖਣ ਲਈ ਲੈ ਸਕਦੇ ਹਨ। ਦੇਖਣ ਤੋਂ ਬਾਅਦ ਇਹ ਵਾਪਸ ਕਰ ਦਿੱਤੀ ਜਾਣੀ ਚਾਹੀਦੀ ਹੈ। ਜੇ ਭਵਿੱਖ ਵਿਚ ਹੋਰ ਕਾਪੀਆਂ ਉਪਲਬਧ ਹੋਈਆਂ, ਤਾਂ ਇਸ ਬਾਰੇ ਸਾਡੀ ਰਾਜ ਸੇਵਕਾਈ ਵਿਚ ਘੋਸ਼ਣਾ ਕੀਤੀ ਜਾਵੇਗੀ ਅਤੇ ਉਸ ਵੇਲੇ ਹੋਰ ਕਾਪੀਆਂ ਆਰਡਰ ਕੀਤੀਆਂ ਜਾ ਸਕਦੀਆਂ ਹਨ।

◼ ਮੁੜ ਉਪਲਬਧ ਪ੍ਰਕਾਸ਼ਨ:

ਜਾਗਦੇ ਰਹੋ!—ਨੇਪਾਲੀ

ਸੰਤੁਸ਼ਟ ਜ਼ਿੰਦਗੀ—ਇਸ ਨੂੰ ਕਿਵੇਂ ਹਾਸਲ ਕਰੀਏ —ਅੰਗ੍ਰੇਜ਼ੀ, ਕੰਨੜ, ਤੇਲਗੂ, ਮਰਾਠੀ