“ਆਓ, ਅਸੀਂ ਯਹੋਵਾਹ ਦੇ ਪਰਬਤ ਉੱਤੇ ਚੜ੍ਹੀਏ”

“ਆਖਰੀ ਦਿਨਾਂ ਦੇ ਵਿੱਚ”

ਉਹ ਸਮਾਂ ਜਿਸ ਵਿਚ ਅਸੀਂ ਰਹਿੰਦੇ ਹਾਂ

“ਯਹੋਵਾਹ ਦੇ ਭਵਨ ਦਾ ਪਰਬਤ”

ਯਹੋਵਾਹ ਦੀ ਉੱਚੀ-ਸੁੱਚੀ ਭਗਤੀ

“ਸਭ ਕੌਮਾਂ ਉਸ ਦੀ ਵੱਲ ਵਗਣਗੀਆਂ”

ਸ਼ੁੱਧ ਭਗਤੀ ਅਪਣਾਉਣ ਵਾਲੇ ਇਕਮੁੱਠ ਹੋ ਕੇ ਪਰਮੇਸ਼ੁਰ ਦੀ ਭਗਤੀ ਕਰਦੇ ਹਨ

“ਆਓ, ਅਸੀਂ ਯਹੋਵਾਹ ਦੇ ਪਰਬਤ ਉੱਤੇ ਚੜ੍ਹੀਏ”

ਸੱਚੇ ਭਗਤ ਦੂਸਰਿਆਂ ਨੂੰ ਭਗਤੀ ਕਰਨ ਦਾ ਸੱਦਾ ਦਿੰਦੇ ਹਨ

“ਉਹ ਸਾਨੂੰ ਆਪਣੇ ਰਾਹ ਵਿਖਾਵੇ, ਅਤੇ ਅਸੀਂ ਉਹ ਦੇ ਮਾਰਗਾਂ ਵਿੱਚ ਚੱਲੀਏ”

ਯਹੋਵਾਹ ਆਪਣੇ ਬਚਨ ਰਾਹੀਂ ਸਾਨੂੰ ਸੇਧ ਦਿੰਦਾ ਹੈ ਅਤੇ ਆਪਣੇ ਰਾਹਾਂ ʼਤੇ ਚੱਲਣ ਵਿਚ ਸਾਡੀ ਮਦਦ ਕਰਦਾ ਹੈ

“ਓਹ ਫੇਰ ਕਦੀ ਵੀ ਲੜਾਈ ਨਾ ਸਿੱਖਣਗੇ”

ਯਸਾਯਾਹ ਦੱਸਦਾ ਹੈ ਕਿ ਲੋਕ ਹਥਿਆਰਾਂ ਨੂੰ ਖੇਤੀ-ਬਾੜੀ ਕਰਨ ਵਾਲੇ ਸੰਦਾਂ ਵਿਚ ਬਦਲਣਗੇ ਜਿਸ ਤੋਂ ਪਤਾ ਲੱਗਦਾ ਹੈ ਕਿ ਯਹੋਵਾਹ ਦੇ ਲੋਕ ਸ਼ਾਂਤੀ ਨਾਲ ਰਹਿਣਗੇ। ਯਸਾਯਾਹ ਦੇ ਜ਼ਮਾਨੇ ਵਿਚ ਇਹ ਸੰਦ ਕਿਹੜੇ ਸਨ?

“ਤਲਵਾਰਾਂ ਨੂੰ ਫਾਲੇ”

ਫਾਲ਼ਾ ਹਲ਼ ਦਾ ਹਿੱਸਾ ਹੁੰਦਾ ਸੀ ਜੋ ਜ਼ਮੀਨ ਵਿਚ ਧੱਸ ਕੇ ਜ਼ਮੀਨ ਨੂੰ ਪੁੱਟਦਾ ਯਾਨੀ ਵਾਹੁੰਦਾ ਸੀ। ਕੁਝ ਫਾਲੇ ਤਾਂਬੇ ਜਾਂ ਪਿੱਤਲ ਦੇ ਬਣੇ ਹੁੰਦੇ ਸਨ।​—1 ਸਮੂ 13:20

“ਬਰਛਿਆਂ ਨੂੰ ਦਾਤ”

ਦਾਤ ਸ਼ਾਇਦ ਦਾਤੀ ਵਰਗਾ ਲੋਹੇ ਦਾ ਤਿੱਖਾ ਸੰਦ ਹੁੰਦਾ ਸੀ ਜਿਸ ਦੇ ਨਾਲ ਇਕ ਹੱਥੀ ਲੱਗੀ ਹੁੰਦੀ ਸੀ। ਇਹ ਸੰਦ ਅੰਗੂਰਾਂ ਦੀ ਛਾਂਟੀ ਕਰਨ ਲਈ ਵਰਤਿਆ ਜਾਂਦਾ ਸੀ।​—ਯਸਾ 18:5