ਗੀਤ 8
ਯਹੋਵਾਹ ਸਾਡਾ ਸਹਾਰਾ
(ਜ਼ਬੂਰ 91)
1. ਯਹੋਵਾਹ ਹੈ ਸਹਾਰਾ
ਉਹ ਮੇਰਾ ਆਸਰਾ
ਸਾਏ ਹੇਠ ਉਸ ਦੇ ਆ ਕੇ
ਮਹਿਫੂਜ਼ ਰਹਾਂ ਸਦਾ
ਜਦ ਜ਼ੁਲਮਾਂ ਦਾ ਪਹਾੜ ਟੁੱਟੇ
ਉਹੀ ਮੇਰੀ ਸੰਭਾਲ ਕਰੇ
ਯਹੋਵਾਹ ਹੈ ਸਹਾਰਾ
ਉਹੀ ਦਿੰਦਾ ਮੈਨੂੰ ਪਨਾਹ
2. ਯਹੋਵਾਹ ਹੈ ਸਹਾਰਾ
ਉਹੀ ਹੈ ਆਸਰਾ
ਦਾਮਨ ਮੈਂ ਉਸ ਦਾ ਫੜ ਕੇ
ਸਲਾਮਤ ਮੈਂ ਰਹਾਂ
ਜਦ ਇਹ ਸੰਸਾਰ ਵਿਛਾਏ ਜਾਲ਼
ਉਹੀ ਮੈਨੂੰ ਬਚਾਵੇਗਾ
ਯਹੋਵਾਹ ਹੈ ਸਹਾਰਾ
ਉਹ ਹਿਫਾਜ਼ਤ ਮੇਰੀ ਕਰਦਾ
3. ਯਹੋਵਾਹ ਹੈ ਸਹਾਰਾ
ਉਹੀ ਹੈ ਆਸਰਾ
ਪਰਾਂ ਹੇਠ ਉਸ ਦੇ ਰਹਿ ਕੇ
ਪਾਵਾਂ ਸ਼ਰਨ ਸਦਾ
ਜਦ ਰਾਹ ਵਿਚ ਆਉਣ ਰੁਕਾਵਟਾਂ
ਉਹੀ ਮੈਨੂੰ ਕਰਾਉਂਦਾ ਪਾਰ
ਯਹੋਵਾਹ ਹੈ ਸਹਾਰਾ
ਮੇਰਾ ਰਾਹ ਸਿੱਧਾ ਉਹ ਕਰਦਾ
(ਜ਼ਬੂ. 97:10; 121:3, 5; ਯਸਾ. 52:12 ਵੀ ਦੇਖੋ।)