ਪ੍ਰਭੂ ਦਾ ਭੋਜਨ

1. ਯਹੋਵਾਹ ਤੇਰੀ ਹੈ ਖ਼ੁਦਾਈ

ਹੈ ਯਾਦ ਆਈ ਸਾਨੂੰ ਉਹ ਰਾਤ

ਲੋਕੀਂ ਰਹਿ ਗਏ ਹੈਰਾਨ, ਜਦ ਦਿਖਾਈ ਤੂੰ ਸ਼ਾਨ

ਫੈਲੀ ਹਰ ਪਾਸੇ ਤੇਰੀ ਬਾਤ

ਲੇਲੇ ਦੀ ਬਲ਼ੀ ਸੀ ਚੜ੍ਹਾਈ

ਹੋਈ ਤੇਰੀ ਪਰਜਾ ਆਜ਼ਾਦ

ਦਿਲਾਂ ’ਤੇ ਛਾ ਗਈ ਤੇਰੇ ਪਿਆਰ ਦੀ ਗਹਿਰਾਈ

ਖੋਲ੍ਹਿਆ ਜਦ ਤੂੰ ਜੀਵਨ ਦਾ ਰਾਹ

2. ਹੈ ਰੋਟੀ ਤੇ ਦਾਖਰਸ ਨਿਸ਼ਾਨੀ

ਪਿਆਰ ਤੇਰਾ ਆਵੇ ਸਾਨੂੰ ਯਾਦ

ਯਿਸੂ ਲਾ ਕੇ ਜਿੰਦ-ਜਾਨ, ਹੋ ਗਿਆ ਉਹ ਕੁਰਬਾਨ

ਕੀਤੀ ਨਾ ਆਪਣੀ ਉਸ ਪਰਵਾਹ

ਤੂੰ ਬੇਟਾ ਦਿੱਤਾ ਵਾਰ ਯਹੋਵਾਹ

ਦਿੱਤੀ ਭਾਰੀ ਕੀਮਤ ਚੁਕਾ!

ਕੁੱਲ ਜਹਾਨ ਦੇ ਪਿਤਾ, ਜੁੜ ਗਿਆ ਹੈ ਰਿਸ਼ਤਾ

ਹੋਏ ਮੌਤ ਤੋਂ ਅਸੀਂ ਹੁਣ ਰਿਹਾ

3. ਇਹ ਯਾਦਗਾਰ ਦਿਨ ਖ਼ਾਸ ਹੈ ਯਹੋਵਾਹ

ਸਾਨੂੰ ਤੇਰੇ ਪਿਆਰ ਦਾ ਅਹਿਸਾਸ

ਮੰਨਦੇ ਤੇਰਾ ਅਹਿਸਾਨ, ਦਿਲੋਂ ਕਰਦੇ ਬਿਆਨ

ਅਸਾਂ ਸਭ ਹਾਂ ਤੇਰੇ ਹੀ ਦਾਸ

ਹਵਾਲੇ ਤੇਰੇ ਜ਼ਿੰਦਗਾਨੀ

ਇਬਾਦਤ ਤੇਰੀ ਕਰਦੇ ਹਾਂ

ਮਿਲੀ ਹੈ ਜ਼ਿੰਦਗੀ, ਹਾਂ, ਮਸੀਹਾ ਰਾਹੀਂ

ਸਾਡਾ ਰੋਮ-ਰੋਮ ਤੇਰਾ ਕਰਜ਼ਦਾਰ