ਰੋਜ਼ ਯਹੋਵਾਹ ਦੇ ਅੰਗ-ਸੰਗ ਚੱਲੋ

1. ਪਿਆਰੇ ਪਿਤਾ, ਹੇ ਯਹੋਵਾਹ

ਸਦਾ ਤੇਰੇ ਚੱਲਦੇ ਹਾਂ ਅੰਗ-ਸੰਗ

ਹਰ ਕਦਮ ’ਤੇ ਸਾਥ ਹੈ ਤੇਰਾ

ਤੇਰੇ ਬਿਨ ਇਹ ਜ਼ਿੰਦਗੀ ਬੇਰੰਗ

ਤੇਰੀ ਰਗ-ਰਗ ਪਿਆਰ ਸਮਾਇਆ

ਜੀਵਨ ਸਾਡਾ ਰੰਗਿਆ

ਤਨ-ਮਨ ਅਰਪਣ ਕਰਦੇ ਅਸੀਂ

ਰਹਿਣਾ ਤੇਰੇ ਚਰਨੀਂ ਸਦਾ

2. ਆ ਪਹੁੰਚੀ ਹੈ ਨਿਆਂ ਦੀ ਘੜੀ

ਕਰਦੇ ਹਾਂ ਲੋਕਾਂ ਨੂੰ ਖ਼ਬਰਦਾਰ

ਮੂੰਹ ਫੇਰਦੇ ਨੇ, ਸੁਣਦੇ ਨਹੀਂ

ਕਰਦੇ ਨਫ਼ਰਤ, ਕਰਨ ਉਹ ਇਨਕਾਰ

ਤੂੰ ਹੀ ਹੈ ਪਨਾਹ ਯਹੋਵਾਹ

ਰਹਿਮਤ ਤੇਰੀ ਹੈ ਸਾਇਆ

ਪਿਆਰ ਕਰਦੇ ਰਹਾਂਗੇ ਦਿਲੋਂ

ਫੜੀ ਰੱਖਾਂਗੇ ਹੱਥ ਤੇਰਾ

3. ਰੱਬ ਤੇਰਾ ਬਚਨ ਹੈ ਦੀਵਾ

ਸ਼ਕਤੀ ਤੇਰੀ ਸਹੀ ਰਾਹ ਪਾਉਂਦੀ

ਹੈ ਭੈਣ-ਭਰਾਵਾਂ ਦਾ ਸਹਾਰਾ

ਦੁਆ ਕਰ ਕੇ ਮਿਲਦੀ ਤਾਜ਼ਗੀ

ਸਾਥ-ਸਾਥ ਚੱਲਾਂਗੇ ਯਹੋਵਾਹ

ਕਦਮ ਸਾਡੇ ਤੂੰ ਸੰਭਾਲ

ਹੱਥ ਜੋੜ ਕੇ ਕਰਦੇ ਅਰਜ਼ੋਈ

ਸਦਾ ਰੱਖੀਂ ਤੂੰ ਸਾਡਾ ਖ਼ਿਆਲ