ਪਿਆਰ ਸੱਚੇ ਮਸੀਹੀਆਂ ਦੀ ਪਛਾਣ—ਸੱਚਾਈ ਤੋਂ ਖ਼ੁਸ਼ ਹੋਵੋ

ਇਸ ਤਰ੍ਹਾਂ ਕਰਨਾ ਜ਼ਰੂਰੀ ਕਿਉਂ ਹੈ: ਯਿਸੂ ਦੀ ਰੀਸ ਕਰਦਿਆਂ ਸਾਨੂੰ ਪਰਮੇਸ਼ੁਰ ਦੇ ਮਕਸਦਾਂ ਬਾਰੇ ਸੱਚਾਈ ਦੱਸਣੀ ਚਾਹੀਦੀ ਹੈ। (ਯੂਹੰ 18:37) ਇਸ ਝੂਠੀ ਅਤੇ ਬੁਰੀ ਦੁਨੀਆਂ ਵਿਚ ਰਹਿਣ ਦੇ ਬਾਵਜੂਦ ਵੀ ਸਾਨੂੰ ਸੱਚਾਈ ਤੋਂ ਖ਼ੁਸ਼ ਹੋਣਾ ਚਾਹੀਦਾ ਤੇ ਸੱਚ ਬੋਲਣਾ ਚਾਹੀਦਾ ਹੈ। ਨਾਲੇ ਉਨ੍ਹਾਂ ਗੱਲਾਂ ਉੱਤੇ ਸੋਚ-ਵਿਚਾਰ ਕਰਨਾ ਚਾਹੀਦਾ ਹੈ ਜਿਹੜੀਆਂ ਸੱਚੀਆਂ ਹਨ।​—1 ਕੁਰਿੰ 13:6; ਫ਼ਿਲਿ 4:8.

ਇਸ ਤਰ੍ਹਾਂ ਕਿਵੇਂ ਕਰੀਏ:

• ਚੁਗ਼ਲੀਆਂ ਨਾ ਤਾਂ ਕਰਨ ਤੇ ਨਾ ਹੀ ਸੁਣਨ ਦਾ ਪੱਕਾ ਇਰਾਦਾ ਕਰੋ।​—1 ਥੱਸ 4:11

• ਕਿਸੇ ਦੇ ਦੁੱਖਾਂ ʼਤੇ ਖ਼ੁਸ਼ ਨਾ ਹੋਵੋ

• ਚੰਗੀਆਂ ਤੇ ਹੌਸਲਾ ਦੇਣ ਵਾਲੀਆਂ ਗੱਲਾਂ ਤੋਂ ਖ਼ੁਸ਼ ਹੋਵੋ

‘ਆਪਸ ਵਿਚ ਪਿਆਰ ਕਰਦੇ ਰਹੋ’​— ਬੁਰਾਈ ਤੋਂ ਨਹੀਂ, ਪਰ ਸੱਚਾਈ ਤੋਂ ਖ਼ੁਸ਼ ਹੋਵੋ ਨਾਂ ਦਾ ਵੀਡੀਓ ਦੇਖੋ ਅਤੇ ਫਿਰ ਹੇਠਾਂ ਦਿੱਤੇ ਸਵਾਲਾਂ ਦੇ ਜਵਾਬ ਦਿਓ:

• ਡੈਬੀ ਕਿਵੇਂ ‘ਬੁਰਾਈ ਤੋਂ ਖ਼ੁਸ਼’ ਹੋਈ?

• ਐਲਿਸ ਨੇ ਕਿਵੇਂ ਡੈਬੀ ਦੀ ਗੱਲਬਾਤ ਦਾ ਰੁਖ਼ ਚੰਗੀਆਂ ਗੱਲਾਂ ਵੱਲ ਮੋੜਿਆ?

• ਅਸੀਂ ਕਿਹੜੀਆਂ ਕੁਝ ਚੰਗੀਆਂ ਗੱਲਾਂ ਬਾਰੇ ਗੱਲਬਾਤ ਕਰ ਸਕਦੇ ਹਾਂ?