ਰੱਬ ਦਾ ਬਚਨ ਖ਼ਜ਼ਾਨਾ ਹੈ | ਕੂਚ 10-11

ਮੂਸਾ ਅਤੇ ਹਾਰੂਨ ਨੇ ਦਲੇਰੀ ਦਿਖਾਈ

10:3-6, 24-26, 28; 11:4-8

ਮੂਸਾ ਤੇ ਹਾਰੂਨ ਨੇ ਫ਼ਿਰਊਨ ਨਾਲ ਗੱਲ ਕਰਦਿਆਂ ਬਹੁਤ ਦਲੇਰੀ ਤੇ ਹਿੰਮਤ ਦਿਖਾਈ ਜੋ ਉਸ ਸਮੇਂ ਵਿਚ ਦੁਨੀਆਂ ਦਾ ਸਭ ਤੋਂ ਤਾਕਤਵਰ ਆਦਮੀ ਸੀ। ਉਹ ਇਸ ਤਰ੍ਹਾਂ ਕਿਉਂ ਕਰ ਸਕੇ? ਮੂਸਾ ਬਾਰੇ ਬਾਈਬਲ ਦੱਸਦੀ ਹੈ: “ਨਿਹਚਾ ਨਾਲ ਉਸ ਨੇ ਮਿਸਰ ਛੱਡਿਆ, ਪਰ ਰਾਜੇ ਦੇ ਕ੍ਰੋਧ ਦੇ ਡਰੋਂ ਨਹੀਂ, ਅਤੇ ਉਹ ਅਦਿੱਖ ਪਰਮੇਸ਼ੁਰ ਨੂੰ ਦੇਖਦਾ ਹੋਇਆ ਆਪਣੀ ਨਿਹਚਾ ਵਿਚ ਪੱਕਾ ਰਿਹਾ।” (ਇਬ 11:27) ਮੂਸਾ ਤੇ ਹਾਰੂਨ ਨੂੰ ਯਹੋਵਾਹ ʼਤੇ ਪੱਕੀ ਨਿਹਚਾ ਅਤੇ ਭਰੋਸਾ ਸੀ।

ਕਿਨ੍ਹਾਂ ਹਾਲਾਤਾਂ ਵਿਚ ਅਧਿਕਾਰ ਰੱਖਣ ਵਾਲਿਆਂ ਨੂੰ ਆਪਣੇ ਵਿਸ਼ਵਾਸ ਦੱਸਣ ਲਈ ਦਲੇਰੀ ਦੀ ਲੋੜ ਪੈਂਦੀ ਹੈ?

ਤਸਵੀਰਾਂ: ਉਹ ਹਾਲਾਤ ਜਿਨ੍ਹਾਂ ਵਿਚ ਅਸੀਂ ਦਲੇਰ ਬਣ ਸਕਦੇ ਹਾਂ। 1. ਸਕੂਲ ਵਿਚ ਇਕ ਮੁੰਡਾ ਚੁੱਪ ਚਾਪ ਖੜ੍ਹਾ ਹੋਇਆ ਜਦ ਕਿ ਦੂਸਰੇ ਝੰਡੇ ਨੂੰ ਸਲਾਮੀ ਦਿੰਦੇ ਹੋਏ। 2. ਇਕ ਭਰਾ ਅਧਿਕਾਰੀਆਂ ਸਾਮ੍ਹਣੇ ਖੜ੍ਹਾ ਹੈ। 3. ਇਕ ਨੌਜਵਾਨ ਭਰਾ ਘਰ-ਮਾਲਕ ਨੂੰ ਪਰਚਾ ਪੇਸ਼ ਕਰਦਾ ਹੋਇਆ ਅਤੇ ਇਕ ਪੁਲਸ ਵਾਲਾ ਉਸ ਨੂੰ ਦੇਖਦਾ ਹੋਇਆ।