ਸਾਡੀ ਮਸੀਹੀ ਜ਼ਿੰਦਗੀ

ਧਰਮ ਨੂੰ ਨਾ ਮੰਨਣ ਵਾਲਿਆਂ ਦੀ ਸ੍ਰਿਸ਼ਟੀਕਰਤਾ ਬਾਰੇ ਜਾਣਨ ਵਿਚ ਮਦਦ ਕਰੋ

ਕੀ ਕਦੇ ਤੁਹਾਡੇ ਨਾਲ ਇੱਦਾਂ ਹੁੰਦਾ ਕਿ ਤੁਸੀਂ ਧਰਮ ਨੂੰ ਨਾ ਮੰਨਣ ਵਾਲੇ ਕਿਸੇ ਵਿਅਕਤੀ ਨੂੰ ਗਵਾਹੀ ਨਹੀਂ ਦਿੰਦੇ ਕਿਉਂਕਿ ਤੁਹਾਨੂੰ ਲੱਗਦਾ ਹੈ ਕਿ ਇਹਨੇ ਕਿਹੜਾ ਸੁਣਨਾ? ਜੇ ਹਾਂ, ਤਾਂ ਯਾਦ ਰੱਖੋ ਕਿ ਅਜਿਹੇ ਬਹੁਤ ਸਾਰੇ ਲੋਕ ਵੀ ਯਹੋਵਾਹ ਦੇ ਗਵਾਹ ਬਣੇ ਹਨ, ਇੱਥੋਂ ਤਕ ਕਿ ਨਾਸਤਿਕ ਲੋਕ ਵੀ। ਅਕਸਰ ਉਨ੍ਹਾਂ ਨੂੰ ਸਿਰਫ਼ ਪਰਮੇਸ਼ੁਰ ਦੀ ਹੋਂਦ ਬਾਰੇ ਸਬੂਤਾਂ ਦੀ ਜਾਂਚ ਕਰਨ ਵਿਚ ਮਦਦ ਦੀ ਲੋੜ ਹੁੰਦੀ ਹੈ।—ਰੋਮੀ 1:20; 10:14.

ਯਾਦ ਰੱਖੋ—ਨਿਹਚਾ ਨਾ ਕਰਨ ਵਾਲੇ ਲੋਕ ਵੀ ਨਿਹਚਾ ਕਰ ਸਕਦੇ ਹਨ!—ਧਰਮ ਨੂੰ ਨਾ ਮੰਨਣ ਵਾਲੇ  ਨਾਂ ਦੀ ਵੀਡੀਓ ਦੇਖੋ ਅਤੇ ਫਿਰ ਹੇਠਾਂ ਦਿੱਤੇ ਸਵਾਲ ਦਾ ਜਵਾਬ ਦਿਓ:

ਟੋਮਾਸੋ ਦੇ ਤਜਰਬੇ ਤੋਂ ਤੁਸੀਂ ਧਰਮ ਨੂੰ ਨਾ ਮੰਨਣ ਵਾਲਿਆਂ ਨੂੰ ਗਵਾਹੀ ਦੇਣ ਬਾਰੇ ਕੀ ਸਿੱਖਿਆ?

ਤੁਹਾਡਾ ਜਵਾਬ

ਤੁਸੀਂ ਇੱਦਾਂ ਕਿਵੇਂ ਕਰ ਸਕਦੇ ਹੋ?

ਜੇ ਕੋਈ ਕਹਿੰਦਾ ਹੈ ਕਿ ਉਹ ਰੱਬ ਨੂੰ ਨਹੀਂ ਮੰਨਦਾ, ਤਾਂ ਉਸ ਨਾਲ ਪਿਆਰ ਤੇ ਸਮਝਦਾਰੀ ਨਾਲ ਗੱਲ ਕਰੋ। ਨਾਲੇ ਧਿਆਨ ਨਾਲ ਉਸ ਦੀ ਗੱਲ ਸੁਣ ਕੇ ਸਮਝਣ ਦੀ ਕੋਸ਼ਿਸ਼ ਕਰੋ ਕਿ ਉਹ ਇੱਦਾਂ ਕਿਉਂ ਕਹਿੰਦਾ ਹੈ। (2 ਤਿਮੋ 2:24) ਉਨ੍ਹਾਂ ਵਿਸ਼ਿਆਂ ʼਤੇ ਗੱਲ ਕਰੋ ਜਿਨ੍ਹਾਂ ਵਿਚ ਉਸ ਨੂੰ ਦਿਲਚਸਪੀ ਹੋਵੇ। ਕੀ ਉਹ ਉਨ੍ਹਾਂ ਸਬੂਤਾਂ ʼਤੇ ਗੱਲ ਕਰਨ ਲਈ ਤਿਆਰ ਹੈ ਜਿਨ੍ਹਾਂ ਕਰਕੇ ਬਹੁਤ ਸਾਰੇ ਲੋਕ ਸ੍ਰਿਸ਼ਟੀਕਰਤਾ ʼਤੇ ਵਿਸ਼ਵਾਸ ਕਰਨ ਲੱਗੇ? ਜੇ ਹਾਂ, ਤਾਂ ਇਸ ਮਕਸਦ ਲਈ ਤਿਆਰ ਕੀਤੇ ਪ੍ਰਕਾਸ਼ਨ ਅਤੇ ਵੀਡੀਓ ਵਰਤੋ, ਜਿਵੇਂ ਜੀਵਨ ਦੀ ਸ਼ੁਰੂਆਤ ਬਾਰੇ ਪੰਜ ਜ਼ਰੂਰੀ ਸਵਾਲ (ਹਿੰਦੀ) ਬਰੋਸ਼ਰ।

ਸ਼ਾਇਦ ਪਹਿਲਾਂ-ਪਹਿਲ ਤੁਹਾਨੂੰ ਅਜਿਹੇ ਵਿਅਕਤੀ ਨਾਲ ਗੱਲ ਕਰਨ ਤੋਂ ਡਰ ਲੱਗੇ ਜੋ ਪਰਮੇਸ਼ੁਰ ਨੂੰ ਨਹੀਂ ਮੰਨਦਾ। ਕਿਉਂ ਨਾ ਕਿਸੇ ਤਜਰਬੇਕਾਰ ਪ੍ਰਚਾਰਕ ਦੀ ਮਦਦ ਲਓ? ਇਹ ਵੀ ਯਾਦ ਰੱਖੋ ਕਿ ਯਹੋਵਾਹ ਉਨ੍ਹਾਂ ਲੋਕਾਂ ਦੇ ਦਿਲਾਂ ਤਕ ਪਹੁੰਚਣ ਵਿਚ ਤੁਹਾਡੀ ਮਦਦ ਕਰ ਸਕਦਾ ਹੈ ਜੋ ਸੱਚਾਈ ਜਾਣਨ ਲਈ ਦਿਲੋਂ ਤਿਆਰ ਹਨ, ਫਿਰ ਚਾਹੇ ਪਹਿਲਾਂ-ਪਹਿਲ ਉਹ ਪਰਮੇਸ਼ੁਰ ਦੀ ਹੋਂਦ ʼਤੇ ਵਿਸ਼ਵਾਸ ਨਾ ਕਰਨ।—ਰਸੂ 13:48.