19. ਕਿਹੜੇ ਬਾਈਬਲ ਉਦਾਹਰਣ ਪ੍ਰਦਰਸ਼ਿਤ ਕਰਦੇ ਹਨ ਕਿ ਪਰਿਵਾਰਾਂ ਲਈ ਮਜ਼ਾ ਲੈਣਾ ਗੁਨਾਹ ਨਹੀਂ ਹੈ?

¹⁹ ਕੀ ਬਾਈਬਲ ਮਜ਼ਾ ਲੈਣ ਨੂੰ ਰੱਦ ਕਰਦੀ ਹੈ? ਨਿਸ਼ਚੇ ਹੀ ਨਹੀਂ! ਬਾਈਬਲ ਕਹਿੰਦੀ ਹੈ ਕਿ “ਇੱਕ ਹੱਸਣ ਦਾ ਵੇਲਾ ਹੈ . . . ਅਤੇ ਇੱਕ ਨੱਚਣ ਦਾ ਵੇਲਾ ਹੈ।”b (ਉਪਦੇਸ਼ਕ ਦੀ ਪੋਥੀ 3:4) ਪ੍ਰਾਚੀਨ ਇਸਰਾਏਲ ਵਿਚ ਪਰਮੇਸ਼ੁਰ ਦੇ ਲੋਕ ਸੰਗੀਤ ਅਤੇ ਨੱਚਣ, ਖੇਡਾਂ, ਅਤੇ ਬੁਝਾਰਤਾਂ ਦਾ ਆਨੰਦ ਮਾਣਦੇ ਸਨ। ਯਿਸੂ ਮਸੀਹ ਇਕ ਵਿਸ਼ਾਲ ਵਿਆਹ ਉਤਸਵ ਤੇ ਅਤੇ ਇਕ “ਵੱਡੀ ਦਾਉਤ” ਵਿਚ ਹਾਜ਼ਰ ਹੋਇਆ ਜੋ ਮੱਤੀ ਲੇਵੀ ਨੇ ਉਸ ਦੀ ਖ਼ਾਤਰ ਕੀਤੀ ਸੀ। (ਲੂਕਾ 5:29; ਯੂਹੰਨਾ 2:1, 2) ਸਪੱਸ਼ਟ ਤੌਰ ਤੇ, ਯਿਸੂ ਰੰਗ ਵਿਚ ਭੰਗ ਪਾਉਣ ਵਾਲਾ ਇਕ ਮਨੁੱਖ ਨਹੀਂ ਸੀ। ਇਓਂ ਹੋਵੇ ਕਿ ਹਾਸਾ ਅਤੇ ਮਜ਼ਾ ਤੁਹਾਡੇ ਘਰ ਵਿਚ ਕਦੇ ਵੀ ਗੁਨਾਹ ਨਾ ਸਮਝੇ ਜਾਣ!