◼ ਜ਼ਿਆਦਾ ਤੋਂ ਜ਼ਿਆਦਾ ਲੋਕਾਂ ਤਕ ਖ਼ੁਸ਼ ਖ਼ਬਰੀ ਪਹੁੰਚਾਉਣ ਲਈ ਬੈਥਲ ਵਿਚ ਕੀਤੇ ਜਾਂਦੇ ਕੰਮ ਬਾਰੇ ਕਿਹੜੀ ਗੱਲ ਤੁਹਾਨੂੰ ਪ੍ਰਭਾਵਿਤ ਕਰਦੀ ਹੈ?

◼ ਦੁਨੀਆਂ ਭਰ ਵਿਚ ਕੀਤੇ ਜਾਂਦੇ ਕੰਮ ਦਾ ਖ਼ਰਚਾ ਕਿਵੇਂ ਚੱਲਦਾ ਹੈ?

◼ ਅਸੀਂ ਕਿਸ ਕੰਮ ਦਾ ਜੋਸ਼ ਨਾਲ ਸਮਰਥਨ ਕਰ ਸਕਦੇ ਹਾਂ ਤੇ ਕਿਸ ਭਾਵਨਾ ਨਾਲ?—ਯੂਹੰ. 4:35; ਰਸੂ. 1:8.

◼ ਸਾਡੇ ਨਾਂ ਦੇ ਪਿੱਛੇ ਸੰਗਠਨ ਬਾਰੇ ਤੁਸੀਂ ਕੀ ਸੋਚਦੇ ਹੋ?

◼ ਸੇਵਕਾਈ ਵਿਚ ਤੁਸੀਂ ਇਸ ਵਿਡਿਓ ਨੂੰ ਕਿਵੇਂ ਵਰਤ ਸਕਦੇ ਹੋ?

ਦਸੰਬਰ ਵਿਚ ਅਸੀਂ ਦ ਬਾਈਬਲ—ਸਹੀ ਇਤਿਹਾਸ, ਭਰੋਸੇਯੋਗ ਭਵਿੱਖਬਾਣੀ (ਅੰਗ੍ਰੇਜ਼ੀ) ਤੇ ਵਿਚਾਰ ਕਰਾਂਗੇ।

ਘੋਸ਼ਣਾਵਾਂ

◼ ਅਕਤੂਬਰ ਲਈ ਸਾਹਿੱਤ ਪੇਸ਼ਕਸ਼: ਪਹਿਰਾਬੁਰਜ ਅਤੇ ਜਾਗਰੂਕ ਬਣੋ! ਜੇ ਦੁਬਾਰਾ ਜਾਣ ਤੇ ਵਿਅਕਤੀ ਦਿਲਚਸਪੀ ਦਿਖਾਉਂਦਾ ਹੈ, ਤਾਂ ਸਬਸਕ੍ਰਿਪਸ਼ਨ ਪੇਸ਼ ਕੀਤੀ ਜਾ ਸਕਦੀ ਹੈ। ਨਵੰਬਰ: ਇਸ ਮਹੀਨੇ ਕਿੰਗਡਮ ਨਿਊਜ਼ ਨੰ. 36 ਵੰਡਿਆ ਜਾਵੇਗਾ। ਜਿਹੜੀਆਂ ਕਲੀਸਿਯਾਵਾਂ ਆਪਣੇ ਇਲਾਕੇ ਵਿਚ ਕਿੰਗਡਮ ਨਿਊਜ਼ ਨੰ. 36 ਵੰਡ ਚੁੱਕੀਆਂ ਹਨ, ਉਹ ਮੰਗ ਬਰੋਸ਼ਰ ਜਾਂ ਗਿਆਨ ਕਿਤਾਬ ਦੇ ਸਕਦੀਆਂ ਹਨ। ਜੇ ਲੋਕਾਂ ਕੋਲ ਇਹ ਪਹਿਲਾਂ ਹੀ ਹਨ, ਤਾਂ ਸਦਾ ਦੇ ਲਈ ਜੀਉਂਦੇ ਰਹਿਣਾ ਜਾਂ ਸ੍ਰਿਸ਼ਟੀ (ਅੰਗ੍ਰੇਜ਼ੀ) ਕਿਤਾਬਾਂ ਦਿੱਤੀਆਂ ਜਾ ਸਕਦੀਆਂ ਹਨ। ਦਸੰਬਰ: ਗਿਆਨ ਜੋ ਸਦੀਪਕ ਜੀਵਨ ਵੱਲ ਲੈ ਜਾਂਦਾ ਹੈ ਦੇ ਨਾਲ ਨਿਊ ਵਰਲਡ ਟ੍ਰਾਂਸਲੇਸ਼ਨ। ਜਨਵਰੀ: ਬਰੋਸ਼ਰ: ਵੀਹਵੀਂ ਸਦੀ ਵਿਚ ਯਹੋਵਾਹ ਦੇ ਗਵਾਹ ਅਤੇ ਯਹੋਵਾਹ ਦੇ ਗਵਾਹ ਸੰਯੁਕਤ ਰੂਪ ਵਿਚ ਪਰਮੇਸ਼ੁਰ ਦੀ ਇੱਛਾ ਵਿਸ਼ਵ-ਵਿਆਪੀ ਪੂਰੀ ਕਰ ਰਹੇ। ਪੁਰਾਣੀਆਂ 192 ਸਫ਼ਿਆਂ ਵਾਲੀਆਂ ਕਿਤਾਬਾਂ ਵੀ ਦਿੱਤੀਆਂ ਜਾ ਸਕਦੀਆਂ ਹਨ।

◼ ਸਾਡੀ ਰਾਜ ਸੇਵਕਾਈ ਦੇ ਇਸ ਅੰਕ ਦੇ ਅੰਤਰ-ਪੱਤਰ ਵਿਚ “ਸਾਲ 2001 ਦੇ ਲਈ ਦੈਵ-ਸ਼ਾਸਕੀ ਸੇਵਕਾਈ ਸਕੂਲ ਅਨੁਸੂਚੀ” ਦਿੱਤੀ ਗਈ ਹੈ। ਇਸ ਨੂੰ ਸਾਲ 2001 ਦੌਰਾਨ ਇਸਤੇਮਾਲ ਕਰੋ।

◼ ਜੇਕਰ 1 ਜਨਵਰੀ ਤੋਂ ਤੁਹਾਡੀ ਕਲੀਸਿਯਾ ਦੀਆਂ ਸਭਾਵਾਂ ਦੇ ਸਮੇਂ ਬਦਲੇ ਜਾ ਰਹੇ ਹਨ, ਤਾਂ ਕਲੀਸਿਯਾ ਦੇ ਸੈਕਟਰੀ ਨੂੰ ਸਭਾਵਾਂ ਵਿਚ ਹੋਈਆਂ ਤਬਦੀਲੀਆਂ ਬਾਰੇ ਸੋਸਾਇਟੀ ਨੂੰ ਜਾਣੂ ਕਰਵਾਉਣਾ ਚਾਹੀਦਾ ਹੈ। ਇਸ ਦੇ ਲਈ ਉਸ ਨੂੰ ਕਲੀਸਿਯਾ ਸਭਾਵਾਂ ਦੀ ਜਾਣਕਾਰੀ ਅਤੇ ਸੱਦਾ ਪੱਤਰ ਫਾਰਮ (S-5) ਭੇਜਣਾ ਚਾਹੀਦਾ ਹੈ। ਜੇ ਨਵੇਂ ਸੱਦਾ ਪੱਤਰਾਂ ਦੀ ਲੋੜ ਹੈ, ਤਾਂ ਇਨ੍ਹਾਂ ਨੂੰ ਇਸੇ ਫਾਰਮ ਤੇ ਆਰਡਰ ਕੀਤਾ ਜਾ ਸਕਦਾ ਹੈ। ਜਿਸ ਦਿਨ ਇਹ ਸੱਦਾ ਪੱਤਰ ਤੁਹਾਨੂੰ ਚਾਹੀਦੇ ਹਨ, ਉਸ ਤੋਂ ਅੱਠ ਹਫ਼ਤੇ ਪਹਿਲਾਂ ਤੁਹਾਨੂੰ ਆਰਡਰ ਕਰਨਾ ਚਾਹੀਦਾ ਹੈ।

ਦਿਲਚਸਪੀ ਜਗਾਉਣ ਲਈ ਮੌਜੂਦਾ ਘਟਨਾਵਾਂ ਬਾਰੇ ਗੱਲਬਾਤ ਕਰੋ

¹ ਕੀ ਤੁਸੀਂ ਚਾਹੁੰਦੇ ਹੋ ਕਿ ਪ੍ਰਚਾਰ ਕਰਨ ਲਈ ਤੁਹਾਨੂੰ ਨਵੇਂ-ਨਵੇਂ ਸੁਝਾਅ ਮਿਲਣ ਜਿਨ੍ਹਾਂ ਨਾਲ ਤੁਹਾਨੂੰ ਸੇਵਕਾਈ ਕਰਨ ਦਾ ਮਜ਼ਾ ਆਵੇ ਅਤੇ ਬਾਈਬਲ ਦੇ ਸੰਦੇਸ਼ ਵਿਚ ਲੋਕਾਂ ਦੀ ਦਿਲਚਸਪੀ ਜਾਗੇ? ਤਾਂ ਫਿਰ ਤੁਸੀਂ ਦੁਨੀਆਂ ਭਰ ਵਿਚ ਤੇ ਸਮਾਜ ਵਿਚ ਜੋ ਕੁਝ ਵਾਪਰ ਰਿਹਾ ਹੈ ਉਨ੍ਹਾਂ ਦਾ ਜ਼ਿਕਰ ਕਰਦੇ ਹੋਏ ਗੱਲਬਾਤ ਸ਼ੁਰੂ ਕਰੋ। ਤੁਸੀਂ ਆਪਣੇ ਇਲਾਕੇ ਅਤੇ ਰਾਸ਼ਟਰੀ ਘਟਨਾਵਾਂ ਜਾਂ ਅੰਤਰਰਾਸ਼ਟਰੀ ਖ਼ਬਰਾਂ ਬਾਰੇ ਗੱਲ ਕਰ ਸਕਦੇ ਹੋ। ਦੁਨੀਆਂ ਭਰ ਵਿਚ ਕੋਈ-ਨਾ-ਕੋਈ ਘਟਨਾ ਵਾਪਰਦੀ ਹੀ ਰਹਿੰਦੀ ਹੈ। (1 ਕੁਰਿੰ. 7:31) ਆਓ ਆਪਾਂ ਹੇਠ ਲਿਖੀਆਂ ਕੁਝ ਉਦਾਹਰਣਾਂ ਤੇ ਗੌਰ ਕਰੀਏ।

² ਰੁਪਏ-ਪੈਸੇ ਦੀ ਤੰਗੀ ਅਤੇ ਰੋਜ਼ੀ-ਰੋਟੀ ਕਮਾਉਣੀ ਇਹ ਲੋਕਾਂ ਦੀਆਂ ਆਮ ਚਿੰਤਾਵਾਂ ਹਨ। ਤੁਸੀਂ ਇਵੇਂ ਕਹਿ ਸਕਦੇ ਹੋ:

◼ “ਕੀ ਤੁਸੀਂ ਖ਼ਬਰਾਂ ਵਿਚ ਸੁਣਿਆ ਹੈ ਕਿ ਚੀਜ਼ਾਂ ਦੇ ਭਾਅ [ਚੀਜ਼ਾਂ ਦੇ ਨਾਂ ਦੱਸੋ] ਫਿਰ ਤੋਂ ਵੱਧ ਰਹੇ ਹਨ?” ਜਾਂ ਜੇ ਕਿਸੇ ਵੱਡੀ ਕੰਪਨੀ ਨੇ ਬਹੁਤ ਸਾਰੇ ਮਜ਼ਦੂਰਾਂ ਨੂੰ ਕੱਢ ਦਿੱਤਾ ਹੈ, ਤਾਂ ਤੁਸੀਂ ਬੇਰੁਜ਼ਗਾਰੀ ਬਾਰੇ ਗੱਲ ਕਰ ਸਕਦੇ ਹੋ। ਪਰ ਇਹ ਤੁਹਾਡੇ ਤੇ ਨਿਰਭਰ ਕਰਦਾ ਹੈ ਕਿ ਤੁਸੀਂ ਗੱਲਬਾਤ ਕਿਵੇਂ ਅੱਗੇ ਤੋਰਨੀ ਚਾਹੁੰਦੇ ਹੋ। ਤੁਸੀਂ ਇਹ ਸਵਾਲ ਪੁੱਛਣ ਦੁਆਰਾ ਗੱਲਬਾਤ ਅੱਗੇ ਤੋਰ ਸਕਦੇ ਹੋ: “ਕੀ ਤੁਸੀਂ ਕਦੇ ਸੋਚਿਆ ਹੈ ਕਿ ਰੋਜ਼ੀ-ਰੋਟੀ ਕਮਾਉਣੀ ਐਨੀ ਮੁਸ਼ਕਲ ਕਿਉਂ ਹੈ?” ਜਾਂ “ਕੀ ਤੁਹਾਨੂੰ ਲੱਗਦਾ ਹੈ ਕਿ ਰੋਜ਼ੀ-ਰੋਟੀ ਕਮਾਉਣ ਲਈ ਇਨਸਾਨ ਨੂੰ ਹਮੇਸ਼ਾ ਇੱਦਾਂ ਹੀ ਸਖ਼ਤ ਮਿਹਨਤ ਕਰਨੀ ਪਏਗੀ?”

³ ਹਿੰਸਾ ਦੀਆਂ ਰਿਪੋਰਟਾਂ ਜਿਵੇਂ ਪਰਿਵਾਰਾਂ ਵਿਚ ਜਾਂ ਸਕੂਲ ਵਿਦਿਆਰਥੀਆਂ ਵਿਚਾਲੇ ਲੜਾਈ-ਝਗੜਿਆਂ ਬਾਰੇ ਗੱਲਬਾਤ ਕੀਤੀ ਜਾ ਸਕਦੀ ਹੈ। ਤੁਸੀਂ ਪੁੱਛ ਸਕਦੇ ਹੋ:

◼ “ਕੀ ਤੁਸੀਂ ਅਖ਼ਬਾਰ ਵਿਚ ਉਸ ਹਾਦਸੇ ਬਾਰੇ [ਹਾਦਸੇ ਦਾ ਨਾਂ ਦੱਸੋ] ਪੜ੍ਹਿਆ ਹੈ?” ਫਿਰ ਪੁੱਛੋ: “ਤੁਹਾਨੂੰ ਕੀ ਲੱਗਦਾ ਹੈ ਕਿ ਦੁਨੀਆਂ ਵਿਚ ਅੱਜ ਐਨੀ ਹਿੰਸਾ ਕਿਉਂ ਹੋ ਰਹੀ ਹੈ? ਜਾਂ “ਕੀ ਤੁਹਾਨੂੰ ਲੱਗਦਾ ਕਿ ਕਦੇ ਅਜਿਹਾ ਸਮਾਂ ਆਵੇਗਾ ਜਦੋਂ ਅਸੀਂ ਸਾਰੇ ਆਪਣੇ ਆਪ ਨੂੰ ਸੁਰੱਖਿਅਤ ਮਹਿਸੂਸ ਕਰਾਂਗੇ?”

⁴ ਦੁਨੀਆਂ ਦੀਆਂ ਵੱਖ-ਵੱਖ ਥਾਵਾਂ ਤੇ ਤਬਾਹਕੁਨ ਹੜ੍ਹ, ਭੁਚਾਲ ਜਾਂ ਦੇਸ਼-ਵਿਦੇਸ਼ ਵਿਚ ਹੋ ਰਹੇ ਲੜਾਈ-ਝਗੜਿਆਂ ਵਰਗੀਆਂ ਘਟਨਾਵਾਂ ਵੀ ਦਿਲਚਸਪੀ ਜਗਾ ਸਕਦੀਆਂ ਹਨ। ਮਿਸਾਲ ਵਜੋਂ ਤੁਸੀਂ ਪੁੱਛ ਸਕਦੇ ਹੋ:

◼ “ਕੀ ਇਸ ਆਫ਼ਤ [ਕੁਦਰਤੀ ਆਫ਼ਤ ਦਾ ਨਾਂ ਦੱਸੋ] ਦਾ ਜ਼ਿੰਮੇਵਾਰ ਪਰਮੇਸ਼ੁਰ ਹੈ?” ਜਾਂ ਤੁਸੀਂ ਹਾਲ ਹੀ ਵਿਚ ਸ਼ੁਰੂ ਹੋਏ ਲੜਾਈ-ਝਗੜਿਆਂ ਬਾਰੇ ਗੱਲ ਕਰਦੇ ਹੋਏ ਪੁੱਛ ਸਕਦੇ ਹੋ: “ਜੇ ਹਰ ਕੋਈ ਸ਼ਾਂਤੀ ਨਾਲ ਰਹਿਣਾ ਚਾਹੁੰਦਾ ਹੈ, ਤਾਂ ਫਿਰ ਸ਼ਾਂਤੀ ਕਿਉਂ ਨਹੀਂ ਹੈ?”

⁵ ਅਜਿਹੀਆਂ ਘਟਨਾਵਾਂ ਦੀ ਜਾਣਕਾਰੀ ਰੱਖੋ ਜਿਨ੍ਹਾਂ ਨੂੰ ਤੁਸੀਂ ਆਪਣੀ ਗੱਲਬਾਤ ਸ਼ੁਰੂ ਕਰਨ ਲਈ ਵਰਤ ਸਕਦੇ ਹੋ। ਇਸ ਬਾਰੇ ਬਾਈਬਲ ਚਰਚੇ ਆਰੰਭ ਕਰਨਾ ਪੁਸਤਿਕਾ ਦੇ ਸਫ਼ੇ 6-7 ਉੱਤੇ ਸਿਰਲੇਖ “ਵਰਤਮਾਨ ਘਟਨਾਵਾਂ” ਹੇਠ ਮਦਦਗਾਰ ਸੁਝਾਅ ਦਿੱਤੇ ਗਏ ਹਨ। ਪਰ ਰਾਜਨੀਤਿਕ ਜਾਂ ਸਮਾਜਕ ਮੁੱਦਿਆਂ ਬਾਰੇ ਗੱਲਬਾਤ ਕਰਨ ਤੋਂ ਦੂਰ ਹੀ ਰਹੋ। ਸਗੋਂ, ਲੋਕਾਂ ਦਾ ਧਿਆਨ ਬਾਈਬਲ ਅਤੇ ਮਨੁੱਖਜਾਤੀ ਦੀਆਂ ਮੁਸ਼ਕਲਾਂ ਦੇ ਇੱਕੋ-ਇਕ ਹੱਲ, ਪਰਮੇਸ਼ੁਰ ਦੇ ਰਾਜ ਵੱਲ ਦਿਵਾਓ।