Unonan Ari na Israel Anggad Impakaaripen ed Babilonia

Si Saul so unaan ya ari ed Israel. Balet sikatoy impulisay nen Jehova, tan si David so insalat Ton ari. Dakel so naamtaan tayo nipaakar ed si David. Sikatoy akilaban ed si Goliat sanen kalangweran ni. Ag-abayag, imbatikan toy maibeg ya Arin Saul. Insan sikatoy pinigilan na magangganan si Abigail pian agmakapankasalanan.

Kayari to, naaralan tayoy nipaakar ed anak nen David a si Solomon ya sinmalat ed sikaton nan-ari ed Israel. Kada sakey ed saray unonan taloran ari ed Israel et 40 taon ya nan-ari. Sanen inatey si Solomon, apaldua so Israel, say amianen tan abalaten a panarian.

Say amianen a 10 tribun panarian et nansiansia ed loob na 257 a taon antis ya dineral na Asirya. Insan kayari na 133 a taon, aderal met so abalaten a duaran tribun panarian. Diad saman et inalan priso ed Babilonia iray Israelita. Kanian ami-amin et 510 a taon so sakop na Parte KUATRO.