Sakey ya Agyo Nepeg a Saewen

“Saya so itultuloy yon gawaen a pakanodnonotan ed siak.” Saratan a salita nen Katawan tayon Jesu-Kristo, naromog ed Lucas 22:​19, so asalita ed samay panaon sanen inletneg to so memoryal na impatey to. Say impatey nen Jesus so angilukas ed katooan na ilalo ed pakagamor na andi-anggaan a bilay ed paraison kipapasen. Sirin say impatey to so bengatlan nepeg tayon nonoten. Kasin gawaen yo so memoryal ed satan diad sayan taon?

Ipangasin awaten iyan imbitasyon a manlapud saray Tasi nen Jehova a mikasakey ed sikara diad pannodnonot ed sayan importantin inkagawa. Sayan selebrasyon so diad kaselek na agew ed petsan mipetekan ed Nisan 14 diad lunar a kalendaryo na Biblia. Markaan so petsa ed kalendaryo yo ta pian agyo nalingwanan. Sikato so Abril 10, 1990. Saray Tasi nen Jehova ed lokal so makapangibaga ed sikayo ed pasen tan say eksakton oras a kagawa na saya diad lugar yo.