Kasin Nepeg Yo So Manisia ed Trinidad?

Si Ian Boyne, say relihyon a managsulat para ed The Sunday Gleaner, Jamaica, West Indies, analaysay ed sakey a balon brosyur ya inpalapag na saray Tasi nen Jehova, sinalita ed kabiangan:

“Makanepegan iray Tasi na sakey ya ‘A’ para ed sayan dokumento, ya anggaman simplen tuloy ya insulat sarag itan a basaen na tobonbalo, a mankokonektaan​—aliwan alablabas​—​a tekep na saray balikas a nanlapud bantog iran eskolar tan lapuan . . . Say palapagan a Should You Believe in the Trinity? so sakey a masterstroke na saray Tasi tan natan anggapoy Trinitarian​—odino binatarian​—a maligen. Sinalansan na bokleta iray balikas a nanaon a manlapud maawaran tan teolohikal iran lapuan a mangipanengneng a say doktrinan Trinidad so agnanlapud Biblia. Sikatoy nanaon ed bantog ya Encyclopedia of Religion a singa sasalitaen a, “Miabobon iray teologo a satan a Balon Sipan so agmet mankarga na sakey a malinew a doktrinan Trinidad.’”

Naobserbaan met nen Boyne: “Sikato so sankamairapan para ed sayan relihyon a managsulat a nengnengen no panon a say aberids​—odino anggan tagey ya aberids a membro na simbaan​—et sarag da so onebat ed mapilit tan mabiskeg iran argumenton ipapaarap na saray Tasi a sumpad panmorian si Jesus et Dios.”

No labay yo a mangawat na kopya ed sayan brosyur, ipangasin sulatan tan ibuson so kupon.

Labay kon makaawat ed 32-pahinan brosyur a Should You Believe in the Trinity? (Diad paway na Pilipinas, sulatan so lokal a Watch Tower a sanga para ed inpormasyon. Nengnengen so pahina 2.)

[Picture Credit Line ed pahina 32]

Musée du Louvre, Paris

Musée des Beaux-Arts de Troyes

Musée du Louvre, Pars

Museo Bardini, Florence

Museo Egizio, Turin