Ayegyeg so Pananisia ra ed Ebolusyon

Sakey a laki a taga Milwaukee, Wisconsin, E.U.A. so nansulat nen katantaon pian ibalikas so apresasyon “ed makapakelaw ya agamilen a nitarok ed libron Life​—How Did It Get Here? By Evolution or by Creation?” Insalaysay to:

“Ngalngali duaran taon ed apalabas, akabet ak na tobonbalon sanasawa a nanlapud Beijing, Tsina, a maneeskuela ed kolehiyo nipaakar ed medisina dia ed Milwaukee. Sikaray biochemists, tan agda iyamot so masimoon a pananisia ra ed ebolusyon.

“Siak so maseguron walad aleksab a posisyon ta kulang ak na sientipikon pikakabat ed pitongtong a maka-sientipiko ed sikara, kanian denisidik a say libro so manbangat. Diad pantultuloy na panaaral mi, anengneng kon onkekesay so talek da ed ebolusyon.”

Akompleto so impanaral ed interon libro, tan sinampotan na lakin taga Milwaukee: “Say Biblia so nagmaliw ed sikaran tuan lapuan na impormasyon. Salamat lamet ed sayan makapakelaw ya agamilen.”

No labay yo so makaawat na sayan marakep-a-tuloy ya ilustradon 256-pahinan libro, ipangasin pirmaan tan ibuson so kaiban kupon.

Labay ko so makaawat na libron Life​—How Did It Get Here? By Evolution or by Creation? (Sulatan so address ed leksab parad impormasyon. Diad paway na Pilipinas mansulat, ed lokal a sanga na Watch Tower parad impormasyon. Nengnengen so pahina 2.)

[Saray litrato ed pahina 32]

Sakey a nandesinyo so nakakaukolan ed sayan ulo na pana

Agta kaukolan so nandesinyo ed DNA molecule?