Sikaray Mibiang ed Nankakasakey ya Impanaagi

Saman so Agosto 7, 1993, diad Republican Stadium ed Kiev, Ukraine. Say masulok a 64,000 ya inmatendi so mangiimano tekep na ilalo ed isabi na saman a momento. Insan, bilang ebat ed duaran makabaliksan a tepet, nilibo so kinmelyaw “Da!” (“On!”) Diad sayan paraan et sikaray mapublikon angiyabawag na pananisia ra tan insan angisimbolo na dedikasyon da ed si Jehova a Dios diad kabautismo ed sakey ed anemiran pool a walad istadyum.​—Mateo 28:19.

Kanian, diad sayan komatlon agew na internasyonal a “Madibinon Panangibangat” a Kumbension na Tastasi nen Jehova, naimatonan na dumerengel so sakey a matalonan ebento: walay 7,402 ya abautismoan tan nagmaliw a kabiangan, aliwan ed naapag-apag ya iglesia, noagta sakey a nankakasakey a sankamundoan a Kristianon kongregasyon.

No labay yo so makaaral a nagkalalo nipaakar ed tuan Kristianon pankakasakey, ipangasin mansulat ed Watch Tower, P.O. Box 2044, 1099 Manila, odino diad matukoy ya address ed pahina 2.