Anto so Arapen Para’d Saray Kalangweran Tayo?

Say pangekebbiew na nuklear​—balanglan manlalapud saray terorista odino manlapud saray aksidenti ed saray planta na nuklear​—so manatalagnaw ed sikatayon amin. Nayarin sika so nagkalautlan napapagaan nipaakar ed saray kalangweran, pati saray dilin anak odino apom. Agaylan makapaermen a naamtaan a say kasigensigen ed nuklear so mamipeligro ed bunigas tan arapen na siopaman ya ugaw.

Balet agnadidismaya. Wala so rason pian sika so manilalo ed sakey a marakep ya arapen para’d saray kalangweran. Say basiyan na ilalo so akasentro, aliwan ed saray sagpot na too a manalimbeng ed saray kalangweran tayo, noagta ed sakey ya arapen ya akasaral ed saray lima na Manamalsa tayo.

Sanen say Anak na Dios, si Jesus, so nambangat ed Pegley Bukig, impatnag to so panagpaga para’d saray kalangweran. (Marcos 9:36, 37, 42; 10:13-16) Ipapanengneng met na Biblia a mipadparan paga so ipanengneng sano panganggaen la na Dios so pangekebbiew na nuklear tan iletneg so sankagloboan a paraiso. Pangayagaan na saray kalangweran tayo, tan anggan sika met.

No abrasaen mo so kaaruman ya impormasyon odino kaliktan mo so sakey a mangikondukta ed sika na libren panagaral na Biblia ed abung, ipangasin mansulat ed Watch Tower, P.O. Box 2044, 1099 Manila, odino diad matukoy ya address a nilista ed pahina 2.