Saray Karga

Dakel natan so malabay ya sikaray nabidbir ed sayan mauges a mundo. Ipaliwawa ed sayan artikulo no akin ya nepeg tayon pansiansiaen so imano tayo ed pakaawat na sankaabigan a klase na panamidbir—say panamidbir ya iiter nen Jehova ed saray matoor ya lingkor to. Aralen tayo met no panon ya ipapanengneng nen Jehova so panamidbir to, ya no maminsan et diad ag-iilaloan iran paraan.

Diad sayan artikulo, aralen tayo no akin ya abalang nen Moises, sakey a matoor ya lingkor na Dios, so pribilehyo ya makaloob ed Insipan a Dalin. Natulongan itayo met na sayan artikulo no panon tayon napaliisan so patit ya akaplagan nen Moises.

Matukoy labat ya ibagan si Jehova so makankayarian ed amin ya katooan. Kanian kakaukolanen ton sikato labat so dayewen tayo. Anggaman ontan, wala ray mangibabagan matoor irad Dios balet manggagawa ray kaugsan. Diad unonan artikulo, wala ray naaralan tayon importantin leksion ed salaysay na Biblia nipaakar ed si Cain, Solomon, Moises, tan Aaron. Diad komaduan artikulo, aralen tayo iray nanduruman paraan no panon tayon ipanengneng so pisasalamat tayo ed pribilehyo ya nagmaliw tayon totoo to.