Eskedyul ed Pantitipon ed Panagserbi
Simba na Marso 13
Kanta 118
10 min: Lokal iran pakabat. Apilin Saray Pakabat manlapud Ministeryo Tayo ed Panarian.
15 min: “Ipulong Tayo so Maong a Balita.” Agsasabien so sakey minuto parad introduksion, insan tumbokan na tepet tan ebat a diskusyon. Mangiter na saray alimbawa na positibon Makasulatan iran punton naala ed libron Pikakabat sano iyopresi itan ed ministeryo.
20 min: “Kasin Nagawaan Tayon Sankaabigan a Bulan ed Kapiganman so Abril 2000?” (Parapo 1-11) Tepet tan ebat. Bitlaen so sankarakelan a bilang na saray auxiliary payunir ed rekord na kongregasyon. Paidalatdat ed pigara ed saratan a nan-auxiliary payunir iray personal a gungguna ya agamoran da diad malaglaem ya impibiang da ed ministeryo. Pasesegen so kongregasyon ya aboten so balon pantok na saray auxiliary payunir legan na Abril. Repasoen iray kualipikasyon a nidatak ed libron Our Ministry, pahina 113-14. Saray manangipalapag a mankaliktan a man-auxiliary payunir so nayarin mangala na aplikasyon kayari aral.
Kanta 187 tan pansaran pikakasi.
Simba na Marso 20
Kanta 21
10 min: Lokal iran pakabat. Report na kuenta.
15 min: “Anto Kasi Nagawaan Ko?” Singbaten na konduktor na panagaral na libro so artikulo ed sakey odino duaran ministeryal a lingkor. Lapud nanduruman limitasyon, nayarin liknaen na pigaran manangipalapag a makapanginabang ira lambengat na daiset parad kimey na kongregasyon. Repasoen so pigara ed dakel a paraan ya amin tayo so makagawa na mablin tulong ed kapabiskeg na kongregasyon tan kiyabanti na kimey na Panarian. Sampotan diad pangipanengneng no panon a say balang sakey so nayarin Mibiang ed Sampot a Panreport.—Nengnengen so Our Ministry, pahina 108-10 (Share in a Final Report).
20 min: “Kasin Nagawaan Tayon Sankaabigan a Bulan ed Kapiganman so Abril 2000?” (Parapo 12-18) Tepet tan ebat. Ilaktip so antikey a demostrasyon no panoy pangimbita ed kabkabat parad Memoryal. Repasoen so “Teokratikon Kalendaryo Parad Abril 2000,” tan idatak iray miting parad serbisyo ya implano na kongregasyon yo. Panonotan so balang sakey a manggawa na praktikal ya eskedyul ed pibiang a nagkalalo ed ministeryo legan na bulan, ta pian naabot so 100 porsienton pibibiang na kongregasyon. Pasesegen so amin a makayari a man-auxiliary payunir tan mangala na aplikasyon kayari aral.
Kanta 65 tan pansaran pikakasi.
Simba na Marso 27
Kanta 119
10 min: Lokal iran pakabat. Panonotan so amin ya iter day report da ed lawak na kimeyan parad Marso. Iyanunsio so kangaranan na saramay man-auxiliary payunir no Abril. Ibagan agni atrasado so pangiter na aplikasyon. Idatak so amin ya eskedyul na saray miting parad lawak na kimeyan ya implano ed satan a bulan. Pasesegen so amin a mibiang ed ministeryo ed sayan sampot simba, pian maabig so igapo ed Abril. Iyopresi tayo iray indibidual a kopya na Say Panag-Bantayan tan Awake! legan na bulay Abril. Ipabitar so sakey ya artikulo a matukoy a pantongtongan a punto a nayarin usaren ya epektibo ed presentasyon diad kada balo iran paway. Amin so kaukolan a nawalaan na kopya na brosyur a Kakaukolanen tan panggunaetan ya usaren itan pian igapo so panangiyaral na Biblia ed interesadon totoo.
13 min: “Onkerew na Tulong.” Paliwawa tan singbaten ed dumerengel a betang na sakey a matatken. Ipaliwawa ya amin tayo so panapanaon a mankaukolan na pigaran nengneng na tulong. Siempre, sakbaten na balang sakey so dili ton awit. (Gal. 6:5) Balet, sano agtayo la nayarian, ag-itayo masuyat ya onkerew na tulong manlapud matakken ed espiritual a membro na kongregasyon. Paidalatdat ed dumerengel iray eksperiensia a mangipanengneng no panon a say mapangasin impanulong na arum so amaseseg ed sikara.
10 min: Lokal iran pankaukolan.
12 min: Repasoen so 2000 Yearbook. Singbaten ed dumerengel tan repasoen iray pabitar na “1999 Grand Totals,” ed pahina 31. Singbaten met so “A Letter From the Governing Body,” ed pahina 3-5. Kerewey komento na pigara no panon dan sigpot a tumboken so niiter a panamaseseg.
Kanta 195 tan pansaran pikakasi.
Simba na Abril 3
Kanta 72
10 min: Lokal iran pakabat tan saray eksperiensia ed lawak na kimeyan. Usaren so apilin agano niran eksperiensia manlapud lokal a teritorya a mamaseseg ed arum pian mibiang ed lawak na kimeyan.
17 min: “Panagaral ed Libron Daniel’s Prophecy.” Tepet tan ebat. Komentoan a magano no panoy gawaen tayo pian nagunggunaan manlapud panaral ed libro na Biblia a Daniel. (Nengnengen so kapitulo 1, parapo 15-17, diad libron Daniel’s Prophecy.) Pasesegen so amin ya onatendi a regular ed Panagaral na Libro ed Kongregasyon.
18 min: Nepeg Ko Kasin Idalem so Seryoson Gawan-Mauges? Sakey a maligsan paliwawa na matatken, ya akasentro ed saray kalangweran. Dakel a problema a nagagawa ed modernon sosyedad a walaay makaderal ya epekto ed saray kalangweran: kadederal na saray estandarte ed moral, idaraak na karawalan, inka-adik ed druga, tan andiay respeto ed autoridad. Arum a tin-edyer so manbibilay a doblin estandarte, ya iyaamot so mauges a kondukta ra. Mamalesa iya na peteg a problema ed espiritual a kipapasen na intiron kongregasyon. Say arum so makakagaway seryoson gawan-mauges tan labay dan iyamot itan. No naamtaan yon walay agi ed kongregasyon ya akagaway bengatlan seryoson impakasumlang ed ganggan na Dios, anto kasi nepeg yon gawaen? Konsideraen so prinsipyo a nidatak ed Levitico 5:1. (Nengnengen so Agosto 15, 1997, a Panag-Bantayan, pahina. 27-30) Nengnengen so libron Young People Ask, pahina 68-9, tan ipaliwawa no antoy gawaen na sakey ed ontan iran kaso.
Kanta 68 tan pansaran pikakasi.