Eskedyul ed Pantitipon ed Panagserbi
Simba na Agosto 14
Kanta 114
12 min: Lokal iran pakabat. Apilin Saray Pakabat manlapud Ministeryo Tayo ed Panarian. Duara labat lan sampot simba so nakekeraan ed Agosto, kanian pasesegen so amin a mibiang ed ministeryo sakbay a manampot so bulan. Repasoen so sampot simban eskedyul na pambabanaan parad lawak na kimeyan.
15 min: “Mibakal ed Maabig a Pibabakal na Pananisia.” Agsasabien so sakey minuto parad manangilukas iran komento, insan tumbokan na tepet tan ebat a diskusyon. Mangala na saray komento manlapud libron Our Ministry, pahina 44-5, no panon ya organisaen na saray konduktor na Panagaral na Libro ed Kongregasyon so pampulong na grupo ra tan asikasoen so siopaman a mankaukolay personal a tulong pian mibiang tan mangireport a regular ed ministeryo ra.
18 min: No Panon Kan Nagunggunaan Diad Paneskuela. Katongtongen na ama iray ananak to pian tulongan toran naapresia ra no akin a makagungguna so paneskuela. (Nengnengen so libron Young People Ask, pahina 133-9.) Momoriaen na dakel a tobonbalo a say paneskuela et peteg ya angat ed magulon sosyedad natan. Onsasawa met ira, ya ikuan dan say naaaralan da et agtanton makana. Repasoen na ama iray Makasulatan a prinsipyo tan maabig iran rason no akin a makabat so pangala na magenap ya edukasyon. Pasesegen toray ananak to a manaral tan manimanon maong ed klase.
Kanta 127 tan pansaran pikakasi.
Simba na Agosto 21
Kanta 143
10 min: Lokal iran pakabat. Report na kuenta. Ipasal a maong so demostrasyon ya ipanengneng no panoy iyebat ed tepet ya: “Akin et iyaabuloy ni na maaron Dios a manbayag so paniirap?”—Nengnengen so libron Reasoning, p. 395-6; p. 286-7 ed Tagalog.
10 min: Paliwawa na matatken ed saray punto ed “Tepet.” Ipaseseg ed amin ya interesadon manpasyar ed Bethel ya ibagan kaukolan so manepeg a panangawes tan panag-ayos tan ipanengneng da met so maabig ya alimbawa ed inkasikara.
25 min: “Kasin Nagugunggunaan Kayo?” Tepet tan ebat.
Kanta 152 tan pansaran pikakasi.
Simba na Agosto 28
Kanta 165
10 min: Lokal iran pakabat. Panonotan so amin ya iter daray report da ed lawak na kimeyan parad Agosto. Kaukolan ya imanoen na saray konduktor na Panagaral na Libro ed Kongregasyon so amin ed grupo ra pian natipon tan nilista so amin a report no Setyembre 6.
15 min: Lokal iran pankaukolan.
20 min: “Saray Miting so Makagungguna ed Saray Kalangweran.” Tepet tan ebat a diskusyon ya idaulo na matatken. Sano singbaten so parapo 8, konsideraen so pigaran praktikal a bengatla a manggawa ed magmaong a panimano tan pandengel diad saray miting. (Nengnengen so Setyembre 22, 1998, ya Awake!, pahina 19-20.) Pasesegen iray atateng a mapekder dan piaralen a regular iray ananak da ed amin a miting.—Nengnengen so eksperiensia ed Setyembre 1, 1997, a Panag-Bantayan, pahina 25.
Kanta 176 tan pansaran pikakasi.
Simba na Setyembre 4
Kanta 196
10 min: Lokal iran pakabat. Repasoen iray itongtong a punto sano iyopresi so libron Creation dia ed teritorya yo no Setyembre.
15 min: Say Panaon Tayo so Nikadkaduma. Paliwawa na matatken, a nibase’d Nobyembre 15, 1996, a Panag-Bantayan, pahina 22-3.
20 min: “Kasin Mansusungdo Kayo?” Paliwawa tan singbaten ed dumerengel. Pasesegen so amin ya ipatnag day mismon intalona ra diad pangipanengneng na panagsungdo diad Kristianon ministeryo. No nalikas lay ikakapuy, nakaukolan a pabiskegen tayoy inkasikatayo ed espiritual. Ilaktip iray komento manlapud Oktubre 1, 1999, a Panag-Bantayan, pahina 20-1, parapo 17-21. Paidalatdat ed duara odino taloran manangipalapag a matoor a mansusungdo ed abayag lan taon no antoy gagawaen da pian makapantutultuloy.
Kanta 206 tan pansaran pikakasi.