Tepet

◼ Matukoy kasi so panugyop na saray materyal ya iparungtal ed Teokratikon Eskuelaan Parad Ministeryo insan ibunog itan ed arum?

Naabuloyan iyan gawaen parad personal a kopyan usaren na saray kapamilyaan tan pigaran maapit a kakaaro. Balet, saratan a materyal so agnepeg ya itarya parad inkalapagan a panangibunog odino ilako, lapud pananumlang la itan ed saray ley nipaakar ed kanepegan a mangopya.​—Roma 13:1.

Walaray asainmin ed Teokratikon Eskuelaan Parad Ministeryo a say itatarya lambengat et say tema; anggapo iray iiyan a reperensya bilang pangalaan na materyal. Kasin makagunggona no manparaan so sakey na listaan na saray reperensya odino manugyop na saray napangalaan a materyal pian nausar na saramay makaawat na ontan iran asainmin? Andi. Agmet manepeg so panugyop na saray ebat ed saray tepet ed Teokratikon Eskuelaan Parad Ministeryo pian usaren na arum, lapud saya so agmangipaslep na importante iran punto ed kanonotan da. Nepeg a mansukimat iray estudyante a mismo. Sakey iyan importantin aspekto na panangipasal ya itatarya nen Jehova panamegley na eskuelaan pian ontulong ed sikatayon mansalita a walaan na dila na saray “abangatan.”​—Isa. 50:4.