Eskedyul ed Pantitipon Parad Panagserbi

Simba na Enero 14

Kanta 41

10 min: Lokal iran pakabat. Saray Pakabat a pinili ed Ministeryo Tayo ed Panarian. Idemostra no panon ya iyopresi so Enero-Marso a Panag-Bantayan tan say Enero ya Awake! ya usaren iray suhestion a walad pahina 8 odino arum niran presentasyon a matukoy ed teritorya yo.

15 min: “Usar Yo ed Epektibon Paraan so Panaon Yo ed Ministeryo.”a Manginterbio na sakey ya agin laki a napanuliranan ed panangidaulo na grupo ed lawak na serbisyo. Anto so gagawaen to pian iparaan so pangidaulo ed grupo tan nausar ed epektibon paraan so niganan oras ed ministeryo?

20 min: ‘Say Salita Yo Komon Lawas Alaokan na Asin.’b Sano sisingbaten so parapo 2, basaen so Juan 4:7-15, 39.

Kanta 85

Simba na Enero 21

Kanta 215

10 min: Lokal iran pakabat. Salambiten so literatura ya opresi ed Pebrero, tan mangipademostra na sakey a presentasyon. Pasesegen so amin a bantayan day video a Transfusion-Alternative Health Care​—Meeting Patient Needs and Rights bilang preparasyon ed paningbat diad Pantitipon Parad Panagserbi ed simba na Pebrero 4.

10 min: Kasin Uusaren Yoy Usisaen so Kasulatan ya Inagew-agew? Paliwawa tan singbaten a mibiang iray dumerengel base ed paunan salita na Usisaen so Kasulatan ya Inagew-agew​—2008. Singbaten so kaimportantian na pangipanaon ed panrepaso na teksto tan komento kada agew. Pankomentoen iray dumerengel nipaakar ed rotina ra ed panisingbat ed teksto tan no panon iran nagugunggonaan. Nayarin iyuksoy la ed masakbay so pankomento na sakey odino duara. Ipabitar ed antikey so teksto ed taon parad 2008.

25 min: “Sigpot ya Ipulong so Maong a Balita.”c (Par. 1-10) Betang na manangasikaso na serbisyo. Manginterbio na sakey odino duaran manangipalapag a nan-auxiliary payunir ed imbeneg a taon anggaman ed okupadon eskedyul to odino saray limitasyon ed bunigas to. Panon dan agawaan itan? Antoray makapagayagan naeksperiensya ra? Sano sisingbaten so parapo 7, salambiten so eskedyul parad saray pantitipon parad lawak na serbisyo legan na Marso, Abril, tan Mayo.

Kanta 177

Simba na Enero 28

Kanta 52

10 min: Lokal iran pakabat. Panonotan iray manangipalapag ya iter da la iray report da ed lawak na serbisyo parad Enero. Basaen iray report na kuenta tan saray sulat parad naawat a donasyon. Singbaten a kaiba iray dumerengel so Pebrero 1 a Watchtower tan Pebrero ya Awake! Kayarin komentoan na antikey so kada isyu, tepetan iray dumerengel no antoran artikulo so nayarin makasagyat ed totoo ed teritorya tan no akin. Kerewen ed saray dumerengel a manalambit na espisipiko iran punto ed saray artikulo a plano ran iparungtal. Anto so nayarin itepet pian nigapo so tongtongan? Dinan a teksto ed artikulo so nayarin basaen? Panon a mikonektaan so teksto ed artikulo? Ipademostra no panon a nayarin iyopresi so kada magasin diad pangusar ed saray pangaligan a presentasyon ed pahina 8.

20 min: “Sigpot ya Ipulong so Maong a Balita.”d (Par. 11-17) No wala la iray espisyal ya imbitasyon ed Memoryal, bunogan so amin ya inmatendi na sansakey a kopya sano sisingbaten so parapo 14. Salambiten so uksoyan na kongregasyon ed pangibunog ed satan.

15 min: “Tulongan Iray Iyaaralan na Biblia a Magmaliw a Manangipalapag na Maong a Balita na Panarian.”e No wala ni oras, pakomentoan ed saray dumerengel so nisita iran teksto.

Kanta 22

Simba na Pebrero 4

Kanta 161

10 min: Lokal iran pakabat. Repasoen so Tepet.

10 min: Lokal iran pankaukolan.

25 min: “Kasin Ipapaleen Yo?” Betang na sakey a matatken. Igapon tampol ya isingbat ed saray dumerengel so video a Patient Needs and Rights, ya usaren iray tepet a nitarya ed artikulo. Bilang konklusyon, basaen so unor a parapo tan pasesegen so amin a manrepason maong ed asalambit iran artikulo ed Say Panag-Bantayan tan Ministeryo Tayo ed Panarian. Ipaliwawa no panon a nausar na balang sakey ya agni nanggawa ed satan so makatulong ya insert ed Enero 2007 a Ministeryo Tayo ed Panarian pian manggawa na personal iran desisyon nipaakar ed saray angkekelag a kabiangan na dala tan paraan ed panagtambal insan isulat iray desisyon to ed DPA card. Saramay agagin asulatan da la so DPA card da so nayarin manrepaso ed imbeneg iran desisyon da tan, no nakaukolan et salatan so card.

Kanta 4

[Saray paimano ed leksab]