Eskedyul ed Pantitipon Parad Panagserbi

Simba na Abril 14

Kanta 183

10 min: Lokal iran pakabat. Saray Pakabat a pinili ed Ministeryo Tayo ed Panarian. Idemostra no panon ya iyopresi so Abril-Hunyo a Panag-Bantayan tan Abril ya Awake! ya usaren iray suhestion a walad pahina 4 odino arum niran presentasyon a matukoy ed teritorya yo.

15 min: “Ipatnag Yon Misalsalamat Kayo.”a No wala ni oras, pakomentoan ed saray dumerengel iray nisitan teksto.

20 min: “Ginawa Ran Makabkabaliksan so Bilay Da​—Kasin Nagawaan Mo Met Itan?” Paliwawa na manangasikaso na serbisyo a nibase ed artikulo na Enero 15, 2008 ya isyu na Say Panag-Bantayan, pahina 17-19. Iyaplika iray punto ed situasyon na lokal a kongregasyon ta pian seryoson nonoten na saray agagi no kasin napasimpli ray bilay da, diad ontan et napanggayagaan da iray kaaruman a bendisyon. No wala ni oras, manginterbio na sakey ya agin laki odino bii ya amasimpli ed bilay to tan bilang resulta et sikato la natan so payunir.

Kanta 42

Simba na Abril 21

Kanta 171

10 min: Lokal iran pakabat. Basaen so report na kuenta tan naawat a sulat parad donasyon. Panonotan iray dumerengel ya awiten da so Mayo 1 a Watchtower tan Mayo ya Awake! ed Pantitipon Parad Panagserbi no ontumbok a simba tan manparaan ed paningbat ed matukoy iran presentasyon parad lokal a teritorya.

15 min: Lokal iran pankaukolan.

20 min: “Ligliwaen Iray Maneermen.”b Paisalaysay ed saray dumerengel iray marakep ya eksperiensya ra diad pangiiter na ligliwa ed siopaman ya inateyan.

Kanta 197

Simba na Abril 28

Kanta 55

10 min: Lokal iran pakabat. Panonotan iray manangipalapag ya iter da iray report da ed lawak na serbisyo parad Abril. Usaren so Mayo 1 a Watchtower tan Mayo ya Awake! tan mangiter na antikey a sumaryo ed kada isyu, insan tepetan iray dumerengel no dinan iran artikulo so nayarin makapasagyat ed totoo ed teritorya tan akin. Imbitaan iray dumerengel a mangisuheri na saray presentasyon, ya usaren da iray artikulo a plano ran iparungtal. Anton tepet so nayarin itepet pian nigapo so tongtongan? Dinan a teksto ed artikulo so nayarin basaen? Panon a nikonekta so teksto? Idemostra no panon ya iyopresi so kada magasin ya usaren so presentasyon ya insuheri na saray dumerengel odino pangaligan iran presentasyon manlapud Ministeryo Tayo ed Panarian.

15 min: Say Panag-auxiliary Payunir so Mangiter na Saray Bendisyon. (Uli. 10:22) Kerewen ed saramay nan-auxiliary payunir nen apalabas iran bulan ya isalaysay da no panon dan inyuksoy so panggawa ed satan tan antoran gayaga tan bendisyon so naeksperiensya ra bilang resulta. Pasesegen so amin ya aralen day situasyon da tan tekepan na pikakasi no kasin makapan-auxiliary payunir ira ed Mayo, bangta saramay nan-auxiliary payunir et nayarin naimano ran sarag day manregular payunir.

20 min: “Pabiskeg Yoy Pamilya Yo Panamegley na ‘Saray Makapaliket a Salita.’” Paliwawa na sakey a matatken a de-pamilyaan a nibase ed artikulo ed Enero-Marso, 2008 a Panag-Bantayan, pahina 10-12.

Kanta 65

Simba na Mayo 5

Kanta 217

10 min: Lokal iran pakabat.

15 min: “Sikayo so Agbalot Paulyanan nen Jehova.” Makapaseseg a paliwawa a nibase ed Oktubre 15, 2005 a Panag-Bantayan, pahina 8-11.

20 min: “Onaligwas Bilang Ministro.”c Sano sisingbaten so parapo 3, ilaktip iray komento ed libron Eskuelaan Parad Ministeryo, pahina 6-8, ed silong na paulon “No Panon a Sigpot a Nagunggonaan.”

Kanta 11

[Saray paimano ed leksab]