Young People Ask—What Will I Do With My Life? (Part 1)
Legan ya magmamaliw ya adulto iray kalangweran, kaukolan day manggawa na importante iran desisyon. Pian natulongan ira, ginawa so video ya Young People Ask—What Will I Do With My Life? Diad main menu, pilien so Play Drama, insan salien yon ebatan iray tepet ed parapo 2. Kayari to, pilien so Interviews diad main menu, insan pilien so Looking Back, tan kayari to et salien ya ebatan iray tepet ya walad parapo 3.
Drama: (1) Panon ya mipara so situasyon nen Timoteo ed dakel iran Kristianon kalangweran natan? (2) Panon ya adesdes si Andre ya magmaliw ya sikat ed isports? (3) Antoy imbaga nen Brother Fleissig ed si Andre nipaakar ed (a) pagmaliw ya dedikado ed si Jehova tan ed isports? (Mat. 6:24) (b) lapuan na tuan liket? (c) no antoy ipapanonot ed sikato na yaong to ed concentration camp? (d) saray totoo ed litrato ya kaiba dan dua nen asawa to? (e) no kasin nagbabawian toy impangisakripisyo tod ambisyon to? (Fil. 3:8) (4) Antoy inyebat na bai nen Andre et tepet ton, “Mauges kasi no labay koy magmaliw a sikat ya bumabatik?” (Luc. 4:5-7) (5) Kasin talagan maliket si Andre nen analod lumbay batik? (6) Antoy naapresyam ed sulat nen Brother Fleissig ed si Andre? (Uli. 10:22) (7) Diad tulong nen Brother Fleissig, antoy adiskobre nen Andre ed sarili to?
Looking Back: (8) Anto ray datin pampupursigian na samay brother tan samay sister, tan akin? (9) Anto lay nabet dad saratan? (10) Kapigan ira akapandeside ya umanen so bilay da? (2 Cor. 5:15) (11) Anto ran teokratikon kalat so insalat dad saramay dati, tan akin ya alikna dan agda napambansag iratan? (12) Kasin pagbabawian day impanguman dad pangisesentroan day bilay da? (13) Antoy imbaga da ya amakiwas ed sikan pannonotan no antoy nepeg mon gawaen ed bilay mo?
Ipangasin bantayan iray arum nin interbio tan supplementary material, tan manparaan ya mankomentod saratan legan ya pantotongtongan iratan ed Pantitipon Parad Panagserbi no ontumbok ya simba.