“Aro Yo so Amin ya Agagi”

Sayan title et impuyan iran salita ya insulat ngalngali duan libon taon lay apalabas. (1 Ped. 2:17) Balet lalon kaukolan tayon iyaplika iya natan! Panon tayon naaroy ontan karakel ya agagi ed interon mundo? Tan diad sayan mundon anggapoy aroan, panon tayon naseguro ya agbalot ombetel so panangaro tayo? (Mat. 24:12) Sali yo pan ebatan irayan tepet diad pambantay na video ya Our Whole Association of Brothers.

(1) Kapigan itayo nagmaliw ya kabiangan na Kristianon impanaagi tayo? (2) Anton taloran kimey so gagawaen tayon kaibay agagi tayod interon mundo? (3) Panon ya ipapatnag na agagi tayo so kuli dan manpulong (a) diad kalawakan na Alaska, (b) diad maawang iran pier na Europe, tan (c) diad katakelan na Peru? (4) Akin et agtayon balot nepeg ya ipasen ya say panagpulong et ordinaryon kimey labat? (5) Mangiter na alimbawa no panon a niligliwa tan sinuportaan na Saray Tasi nen Jehova so balang sakey (a) kayari na yegyeg, (b) kayari na maksil ya bagyo, tan (c) legay guerra? (6) Diad anto ran praktikal a paraan ya nipatnag tayon amin so manunan pakabidbiran ed Kristianon impanaagi tayo? (7) Anto ray gunggona na paniiban pampaalagey ed saray Kingdom Hall tayo? (8) Panon ya akapansiansian maapit ed si Jehova iray agagid Eastern Europe tan Russia sanen insebel so kimey? (9) Antoy makapadinayew ya ginawa na agagi pian makaatendi rad kombension, tan akin? (10) Panon kan apabiskeg na sayan video (a) pian idayew si Jehova ed saray pantitipon kaiba iray agagi, (b) pian tulongan iray mankaukolan, tan (c) pian matoor ya manpulong kapiganman tan antokaman so situasyon mo? (11) Panon tan kapigan tayo nausar iyan video diad ministeryo?

Say manunan rason no akin ya kabiangan itayo na Kristianon impanaagi et say panangaro tayod si Jehova. Kanian labalabay tayon aralen tan ibangat so nipaakar ed sikato. Ontan met, inaro tayo ray totoon inaro nen Jehova. No tulongan tayo ra sano mankaukolan ira, agtayo ilaloan ya pisalamatan itayo na Dios. Imbes, pisalamatan tayo so Dios ta ipapasen tayo ray agagi tayo ya mabmablin regalo manlapud sikato. Legan ya manasingger so pangangga na sayan andiay panangaron mundo, komon ta itultuloy tayon aroen so amin ya agagi tayo!