No Akin ya Inaro Tayo so Interon Ulopan na Saray Agagi Tayo
Diad sayan mundo ya anggapoy aroan, panon tayon napansiansian nipatnag so panangaro tayo ed saray agagi tayo ed espiritual? (1 Ped. 2:17) Panon tayon nipanengneng ed arum a peteg a wala so puro tan englobon impanaagi tayo? (Mat. 23:8) Diad panamegley na video ya Our Whole Association of Brothers. Ipapanengneng na satan iray rason no akin ya inaro tayo so balang sakey. Imanoen yo no naebatan yo irayan tepet:
(1) Anton taloran kimey so pibibiangan tayo a kaibay sankamundoan ya impanaagi tayo? (2) Panon ya ipapatnag na saray agagi tayo so determinasyon da a manpulong (a) diad kalawakan na Alaska, (b) diad maawang iran daongan na Europa, tan (c) diad katakelan na Peru? (3) Anto so nagkalautlan epektibo ya uusaren ed panagpulong? (4) Akin ya agtayon balot nepeg ya ipasen ya ordinaryon kimey labat so panagpulong? (5) Mangiter na saray alimbawa no panon a niligliwa tan sinuportaan na saray Tastasi nen Jehova so balang sakey diad saray panaon na gonigon—yegyegyeg, maksil iran alimbusabos, tan guerra sibil. (Nengnengen iray komento nen Takao diad pahina 23 na Agosto 22, 1995, ya Awake! tan si Kotoyo diad pahina 20 na Oktubre 22, 1996, ya Awake!) (6) Diad antoran praktikal a paraan a nipatnag tayon amin so manunan pakabidbiran ed Kristianon impanaagi tayo? (Juan 13:35) (7) Diad anton kalaknab so nepeg a panamabli tayo ed saray miting ed kongregasyon? (8) Panon ya angapekta ed saramay datin andian na Kingdom Hall so impakawalaan na ontan pian pandagupan? (9) Panon ya akaliktar ed espiritual a paraan iray agagi tayo diad Mamabukig a Europa tan Russia sanen sinebelan ira? (10) Anggad natan, anton nikadkaduman pansasagpot so isesekar na dakel a Tastasi pian makaatendi ed saray kombension, tan akin? Panon iyan amaseseg ed sikayo? (11) Akin a determinado kayon manlingkor a mankakasakey, ya ontulong ed arum diad panaon na pankaukolan, tan sitotoor a manpulong kapiganman tan diad antokaman a nayarian yo? (12) Akin a maabig so pakawalaan na personal a kopya na sayan video tan ipabantay itan ed dakel ya interesado anggad posibli?