Abrasaen Ira!
1. Anton okasyon so balibalin pankanawnawa a makapantasi itayo, tan akin?
1 Say sankaabigan ya pankanawnawa a makapantasi tayo et diad panaon na Memoryal. Nonoten pa iya: Diad sayan taon, iilaloan tayon masulok ya samploran milyon so onatendi ed Memoryal tan naamtaan day agaylan panangaro nen Jehova tan Jesus ya apatnagan panamegley na dondon. (Juan 3:16; 15:13) Naaralan da iray bendisyon ya nayarin naawat da lapud regalo nen Jehova. (Isa. 65:21-23) Balet, aliwa labat lan say espiker so makapantasi ed sayan okasyon. Walay pankanawnawa tayon amin ya makapantasi diad pangabrasad saray bisita.—Roma 15:7.
2. Panon tayon naabrasa iray bisita?
2 Imbes ya basta labat onyurong tan alagaren ya onggapoy programa, agta maabig no mikabat tayod saray arum? Nayarin nababaingan tan manaalangan iray bisita. No maimis tan makaaro tayo, nalikna ran welcome ira. Pian naamtaan mo no say bisita et linma ditan lapud akaawat na imbitasyon, nayarim ya tepetan no first time toy onatendid aral odino walay kabat tod kongregasyon. Nayarim ya payurongen ed abay mo tan inabang so Bibliam tan songbook mo. No Kingdom Hall so usaren, nayarim ya i-tour ya magano. Kayari na paliwawa, sarag mon ebatan iray tepet to. No kaukolan yoy onalis ya tampol lapud walay sananey ya kongregasyon ya mangusar, nayarim ya ibaga: “Labay kon naamtaan no antoy nibagam ed samay programa. Sarag toy onlad sikayo?” Tan iyeskedyul so ibisitad sikara pian naarumay interes to. Nagkalalo lan alerto iray elder ya mamaseseg ed saray aliwan aktibon manangipalapag ya inmatendi.
3. Akin ya importantin abrasaen iray bisita diad Memoryal?
3 Parad dakel ya bisita, natan da ni labat nalikna so liket, deen, tan pankakasakey, say espiritual ya paraiso ya walad sikatayo ran totoo nen Jehova. (Sal. 29:11; Isa. 11:6-9; 65:13, 14) Antoy natilak ed nonot na saray bisita? Akadepende itan ed mabulos ya pangabrasa tayod sikara.