Eskedyul ed Simba na Oktubre 19

Kanta 54 tan Pikakasi

Panagaral na Kongregasyon ed Biblia:

ia p. 2-3 tan introduksion ¶1-15 (30 min.)

Teokratikon Eskuelaan Parad Ministeryo:

Babasaen ed Biblia: 1 Awaran 8-11 (8 min.)

No. 1: 1 Awaran 11:15-25 (3 min. o mas antikey)

No. 2: Elias (No. 1)—Tema: Agmemelmelagen so Pakayari na Pikakasi​—it-1-E p. 710-713 (5 min.)

No. 3: Siopa so Arkanghel?​—Glosaryo, nwt-E p. 1693 (5 min.)

Pantitipon Parad Panagserbi:

Tema ed Sayan Bulan: ‘Onlamut’ tan magmaliw a ‘mabiskeg ed pananisia.’​—Col. 2:6, 7.

Kanta 83

20 min: “No Panon ya Sabien so Puso na Saray Ibabangat Tayo.” Tepet tan ebat. Mangipresenta na duaran mandumaan ya demostrasyon. Ibaga na unabung ya inatey so anak to tan wala lad tawen. Diad unonan demostrasyon, onebat so manangipalapag diad pangibasa tod Eclesiastes 9:5 nipaakar ed kipapasen na inatey. Agnaligliwa so unabung ed teksto tan negatibo so iyebat to. Diad komaduan demostrasyon, mataktikan ipaimano na manangipalapag ed unabung so ilalo ya kioli diad pangibasa tod Juan 5:28, 29 tan mas balibali reaksion na unabung.

10 min: Ugaw man o Maedad La, Magmaliw ya Maong ya Alimbawa ed Arum. (Fil. 3:17; 1 Tim. 4:12) Paliwawa a mankomentoy dumerengel base ed 2015 Yearbook, pahina 71, parapo 2, anggad pahina 72, parapo 4; tan pahina 76-77. Tepetan iray dumerengel no antoy naaralan da.

Kanta 90 tan Pikakasi