Imbitaan ed Memoryal so Amin a Totoo ed Teritorya Yo!

Legan na kampanya parad Memoryal ya onggapo no Pebrero 27, imbitaan tayo so amin ya posiblin naimbitaan ed lugar tayo pian nakaiba tayo ran onatendi ed Memoryal na impatey nen Kristo. Nepeg tayo met ya imanoen no siopa ray angipanengneng na interes pian napawil tayo ra.

NO ANTO RAY GAWAEN

MANGITER NA PRESENTASYON

“Mangiiter kami na imbitasyon parad sakey ya importantin okasyon. No Marso 23, mantitipon so minilyon ya totoo ed interon mundo pian nodnonoten so impatey nen Jesu-Kristo tan ondengel ed libren paliwawan based Biblia no panon tayon minabang ed impatey to. Nabasad sayan imbitasyon no anton oras tan iner iya nagawa. Komon ta makaonla kayo.”

No angipanengneng na interes . . .

• IYOPRESI SO PANAG-BANTAYAN

  Iparaan so unabung parad ipawil.

• IPABANTAY SO VIDEO PARAD MEMORYAL

  Iparaan so unabung parad ipawil.

No ompawil ka, sarag mon . . .

• IPABANTAY SO VIDEO YA ANTOY GAGAWAEN SANO MANAARAL NA BIBLIA?

  Insan iyopresi so sakey ya uusaren ed panagaral na Biblia.

• IYOPRESI SO ANTO SO PETEG YA IBABANGAT NA BIBLIA?

  Pantongtongan so nipaakar ed Memoryal, ya usaren so pahina 206-208. Insan iyopresi so libro.

• IYOPRESI SO ONDENGEL ED DIOS PIAN MANBILAY YA ANDI-ANGGA

  Pantongtongan so kabaliksan na impatey nen Kristo, ya usaren so pahina 18-19. Insan iyopresi so brosyur.