AGOSTO 5-11

KAYAMANAN ED SALITA NA DIOS

1. ‘Ipaamta ed Onsublay a Henerasyon’ so Pakayari na Dios

(10 min.)

Ugaw ni labat si David aliklikna to lay proteksion nen Jehova ed sikato (Sal 71:5; w99 9/1 18 ¶17)

Anggan nen matatken lay David sankalikna to nin siansia ya aasikasoen nen Jehova (Sal 71:9; w14 3/15 20-21 ¶3-4)

Iistoryaen nen David ed saray mas ugaw so ginawa nen Jehova ed sikato pian napaseseg to ra (Sal 71:17, 18; w14 1/15 23 ¶4-5)

Say pamilya ya inusar nen imbeneg ya simba diad parte ya “Saray Nepeg ya Gawaen Diad Panagdayew na Pamilya.” Inimbitaan dad family worship da so maedad lan sanasawa tan malikeliket iran ondedengel ed sanasawa legan ya ipapanengneng da ray litrato da tan iistoryaen da ray eksperiensya da.

TEPETAY SARILIM, ‘Diad saray kakongregasyon ko ya abaybayag lan manlilingkor ed si Jehova, siopay labay kon imbitaan pian interbyuen ed Family Worship mi?’

2. Saray Espiritual a Kayamanan

(10 min.)

Sal 72:8—Legan na uley nen Arin Solomon, panon ya asumpal imay sipan nen Jehova ed si Abraham ya akarekord ed Genesis 15:18? (mwbr24.07—it-1 768)

Ebat
Anto ran espiritual a kayamanan so labay yon inabang manlapud babasaen ed Biblia ed sayan simba?

Ebat

3. Panagbasa na Biblia

(4 min.) Sal 71:1-24 (th leksion 5)

MAGMALIW YA EPEKTIBO ED MINISTERYO

4. Pangigapo na Tongtongan

(3 min.) PANAGPULONG ED KAABUNGAN. Sampotan lay tongtongan diad marespeton paraan ta alikas mon ompepetang lay ulo na katongtong mo. (lmd leksion 4 punto 5)

5. Panagpawil

(4 min.) INFORMAL WITNESSING. Ituloy moy tongtongan ed kanayon mo ya manaalangan ya manaral na Biblia. (lmd leksion 8 punto 4)

6. Ipaliwawa Iray Papanisiaan Mo

(5 min.) Paliwawa. ijwfq 49—Tema: Akin et Inuman na Saray Tasi nen Jehova so Arum ed Saray Papanisiaan Da? (th leksion 17)

BILAY NA KRISTIANO

7. Nanduruman Gawaen ed Family Worship

(15 min.) Pantongtongan kaiba iray ondedengel.

Akaalagey so pamilya legan dan iprapraktis iray Kingdom song.

Legan na family worship da, manprapraktis so sakey ya anak a bii tan say nanay to parad panagpulong.

Importante so Family Worship pian saray ananak et makaaral tan naipasal ed “disiplina tan panamilin nen Jehova.” (Efe 6:4) Siempre, kailangan da met so man-effort pian makaaral ira tan na-enjoy da itan, lalo la no ontutubo lad puso ra so interes ed nanduruman katuaan ed Biblia. (Jn 6:27; 1Pe 2:2) Makatulong ed saray atateng so kahon ya “Anto ray Sarag Yon Gawaen ed Family Worship Yo?” pian magmaliw ya makapaseseg tan makapaliket so panagdayew na pamilya. Repasoen itan, insan talakayen irayan tepet:

Diad saray abitlan suggestion, dinan so labay yon salien?

Ebat
Kasin walay asali yo la ed family worship yo ya ag-abitla ed kahon?

Ebat

ANTO RAY SARAG YON GAWAEN ED FAMILY WORSHIP YO?

BIBLIA:

Mansusublayan ya basaen ya maksil so aka-eskedyul ya sinimban panagbasa na Biblia. No istorya so basaen, manpili kayo no siopan karakter so bosesan yo
Manparaan na nanduruman tepet base ed sinimban babasaen ed Biblia. Manpili so kada sakey no anton tepet so labay ton ebatan tan i-research to itan. Insan to ibaga no anto ray naaralan to
Mangibaga na sakey ya situasyon, problema, o tepet. Insan i-research ed Manpaigiya ed Saray Prinsipyo na Biblia no anto ray prinsipyon onaplika
Iyakto so sakey ya istorya ed Biblia
Kada simba, manpili na sakey ya teksto tan manggawa na flash card. Isulat ed arap so teksto tan diad beneg et walay antikey ya eksplinasyon, tan i-memorize yo itan. Makala kayoy ideya ed apendise A ed brosyur ya Aro Yoy Totoo—Manggawa na Disipulo. Salien yon rebyuen iray teksto ed apalabas iran simba
Aralen so pigaran punto o sakey ya leksion ed libron Panliketan so Bilay ya Anggapoy Anggaan!
Ikdan so kada membro na pamilya na sakey ya topic ya walad seryen “Ebat ed Saray Tepet ed Biblia” o “Paliwawa na Saray Teksto na Biblia,” ya naromog ed tab ya BANGAT NA BIBLIA diad jw.org

ARAL:

Iparaan so sakey ya parte ed aral
Manparaan na saray komento tan ipraktis yo itan. Seguradoen ya ag-itan andukdukey
Ipraktis iray Kingdom song
Pantongtongan no antoy ibaga pian napaseseg so sakey ya agi o Bible study antis o kayari na aral, insan ipraktis yo itan
No walay asainmin na sakey ed sikayo, i-rehearse itan pian nabantayan na interon pamilya

MINISTERYO:

Iparaan so presentasyon parad panagpulong ed kabkaabungan
Iparaan no antoy gawaen no pawilen iray interesado
Manisip na situasyon ya nisalet yoy manpulong tan ipraktis no panon kayon makapitongtong ya natural
Pantongtongan no anto ray gawaen yo pian mas dakel so nagawaan yod ministeryo legay panaon na Memoryal tan no anggapoy loob yod eskuelaan o trabaho

PAMILYA:

Ipasal no antoy gawaen ed mairap ya situasyon (nayarin agawa la o nagawa ni labat). Singa bilang, saray situasyon ya walay kinalaman to ed politika, piinaroan, holiday, odino antoy gawaen no walay man-bully
Man-role playing, pero say onakton ateng et saray ananak. Man-research so ananak tan iparaan day ibaga ra ta say onakton anak et saray atateng

ARUM NIN SUGGESTION:

Bantayan tan pantongtongan so sakey ya programa ed JW Broadcasting^®
Manbasa na sakey ya artikulo o manbantay na video ed jw.org tan pantongtongan itan
Manpili na topic ed seksion ya “Saray Kabataan” odino “Ugugaw” diad tab ya BANGAT NA BIBLIA ed jw.org
Rebyuen iray insulat yo nen kombension o asemblea
Obserbaan o i-research so sakey ya pinalsa nen Jehova, insan pantongtongan no antoy naaralan yon ugali nen Jehova ed satan
Sagpaminsan, mangimbita na arum ya mila ed family worship yo tan interbyuen pian mas nakabat yo
Manisip na saray espiritual ya goal tan iplano no panon yon nagawaan iratan
Manggawa na project, singa say biong nen Noe. Aralen iray mapa tan chart ya walad publikasyon tayo

I-play so VIDEO ya Tuloytuloy ya Paaligwasen so Family Worship Yo, insan itepet iya:

Antoy gawaen na asawan laki pian na-enjoy na asawa to so family worship da no anggapoy anak da odino anggapo lay walad pudir da?

Ebat

8. Panag-aral na Kongregasyon ed Biblia

(30 min.) bt kap. 13 ¶17-24