Imadyin Mo ray Nababasam ya Salaysay ed Biblia

Dakel so nabasad Biblia ya agawgawa nensaman, tan pakaaralan tayo iratan. No man-imadyin tayo, mas natalosan tayoy babasaen tayo tan mas dakel ya leksion so naisip tayo. Nia ray makatulong pian naimadyin mo ray nababasam ya salaysay ed Biblia.

• Maabig no say pambasam et amay narengel moy sarilim. Makatulong ’tan pian malinew ed isip mo iray eksena. No manbasa kayon pamilya, marakep no walay akaasain ya manbasa ed kada karakter pian onggawan mabilabilay imay salaysay.

• Isip mon singa wadman ka. Mas natalosan moy nalilikna tan iisipen na saray karakter no ipilam so liknaan mo legan kan manbabasa. Tepetan moy sarilim: ‘Akin kasi et onman so imbaga o ginawa to? No siak so walad situasyon to, anto kasi naliknak o naisip ko ed saman?’

• Man-drowing ka. No i-drowing mo iray eksenan nababasam ed Biblia, mas naimadyin tan natandaan mo iratan. Salim labat, anggano aliwan sika may toon marundunong ya man-drowing.