Delap Anggad Impaway ed Ehipto

Waloran too labat so akaliktar ed Delap, balet agnambayag et dinmakel ira. Insan 352 ya taon kayari na Delap, inyanak si Abraham. Sikatoy inikdan nen Jehova na anak ya laki a say ngaran to et Isaac. Tan diad duaran anak nen Isaac, si Jacob so pinili na Dios.

Si Jacob so awalaan na 12 ya anak a lalaki tan pigaran bibii. Binusol na 10 ya anak nen Jacob so yugtan ya agi ran si Jose tan inlako dan aripen ed Ehipto. Kalabas na panaon, nagmaliw ya onkokomaduad ari na Ehipto si Jose. Sanen walay agawan baleg ya eras, sinubok nen Jose iray agagi to no kasin anguman la ra. Ag-abayag, nanayam lad Ehipto iray Israelita, say interon pamilya nen Jose. Agawa iya 290 taon kayari inkianak nen Abraham.

Diad loob na 215 ya taon, nanayam iray Israelita ed Ehipto. Kayari impatey nen Jose, nagmaliw iran aripen diman. Asabi panaon, inyanak si Moises, tan sikatoy inusar na Dios pian iliktar iray Israelita ed Ehipto. Ami-amin, 857 a taon so asakop na Parte DOS.