No Akin a Nepeg Yon Atendian so “Madibinon Kareenan” a Kumbension
Sano say terorismo, rebolusyon, tan bakal so kaplesan a kurang na nagagawa, agaylan maabig ya onggapo ed sayan bulan et sikayo so makaatendi ed “Madibinon Kareenan” a Kumbension na saray Tasi nen Jehova! Ditan et agkayo lambengat makaawat na praktikal a Kristianon bilin diad panamasiansia na kareenan noagta peteg a nanengneng yoray nilibu-libon mangiyaaliplika ed satan a bilin.
Wadman kayo komon a manlapud manangilukas a sesyon ya onggapo ed 1:30 ed Huebes na ngarem. Makadngel kayo a manlapud saray abayaglan manangiyabawag na kareenan. Ontan met, naaralan yoray patipatit ed sosyal a panligliwaan tan no panon so pakapaliis ed saratan. Tan diad konklusyon na sesyon, makaawat kayo na bengatlan aliwa lambengat a marakerakep noagta mausar diad panagministro ed arum.
Say programa ed kabuasan na Biernes so mangipabitar ed keynote address, “Madibinon Kareenan a para ed Saraman so Imbangat nen Jehova.” Sikayo so natenyeg a tuloy diad draman “Panangipreserba na Bilay ed Panaon na Eras.” Agsasaewen!
Diad Sabado, saray demostrasyon, interbio, tan makaibangat iran paliwawa so mangiter na praktikal a panangiwanwan diad panamasiansia na kareenan ed loob na sirkulo na pamilya. Say programa so manampot ed importantin paliwawan “Sankamundoan a Kaligenan ed Leksab na ‘Prinsipe na Kareenan’.”
Diad kabuasan na Simba et nipresenta so sakey a pranka, mabiskeg a modernon-agew a drama a mangidadanet ed pankaukolan na pananap ed inkatunong na Dios a para ed kililiktar. Diad ngarem, say mabiskeg a paliwawa ed publiko, “Kareenan a Siansia!—Sano Mansalita So Dios,” so sananey a manunan punto ed kumbension.
Lapud 27 kumbension so niyeskedyul ed Pilipinas lambengat, wala so sakey a kumbension ya ag-arawi ed pasen yo. Amtaen ed saray Tasi nen Jehova ed lokal so nipaakar ed panaon tan pasen na sakey a sankaasinggeran ed sikayo.