Nantilay Pedro tan Ananias​—Antoy Naaralan Tayon Leksion?

Amta tayo a no mantitila itayo, mangibabaga tayo na aliwan tua. Asalim lay nantila?—a Anggan saray baleg la a mangaarod Dios et asali da met so nantila. Ompan kabat mo ’may karakter ed Biblia ya ontay ginawa to. Say ngaran to et Pedro, sakey ed saray 12 ya apostol nen Jesus. Amtaen tayo natan no akin a sikatoy nantila.

Kayarin inaresto si Jesus, sikatoy inawit dad abung na atagey a saserdote, palbangon lad saman. Akaloob si Pedro ed abung na atagey a saserdote ya agda abidbir. Balet lapud liwawa na apoy, sikatoy abidbir na aripen ya bii na saserdote ya amaloob ed sikato. “Sika met, kaiba ka nen Jesus,” so inkuan na aripen. Balet lapud takot, nantila si Pedro.

Ibabaga na Biblia a “sikatoy naimano na sakey nin bii.” Inkuan na bii ya: “Sayan too et kaiba nen Jesus.” Nantila lamet si Pedro. Nagugunoyan, inmasingger so arum ed si Pedro tan inkuan da: “Seguradon sakey ka met ed sikara.”

Lapud natatakot si Pedro, diad komatlon beses et sikatoy nantila tan inkuan ton: “Agko kabat itan a too!” Kinmukaok so sakey a lalong. Sikatoy ninengneng nen Jesus, tan anonotan to imay imbaga nen Jesus ed sikaton: “Antis ya onkukaok so sakey a lalong, iburim ak a mamitlo.” Sikatoy pinmaway tan inmaki-akis. Magbabawi ya maong!

Nayari met ya kasin nagawad sika?— Nayarin wala kad eskuelaan, insan narerengel mon pantotongtongan na saray kaklasem iray Tasi nen Jehova. Imbaga na sakey, “Ag-ira manba-bayang magiliw.” Samay sakey met kuan to, “Ag-ira mansusundalo.” Tan wala met so angibagan, “Ag-ira Kristiano ta ag-ira mankri-krismas.” Insan walay nantepet ed sikan, “Di ba Tasi ka?” Antoy ibagam ey?—

Sakbay nin nagawa iya, kaukolan ya akaparaan ka lan onebat. Ag-akaparaan si Pedro, kanian sanen sikatoy tinepetan, a-pressure kanian nantila. Sikatoy nanermen a maong ed agawaan ton kasalanan, kanian pinerdona na Dios.

Si Ananias, a sakey ya patumbok nen Jesus nensaman et nantila met. Balet ta sikatoy agpinerdona na Dios, pati say asawa ton si Safira ya inmabuloy met a mantila ira. Nengnengen tayo no akin.

Samploran agew kayari impawil nen Jesus ed Ama tod tawen, manga 3,000 ya babangatan so abautismoan ed Jerusalem. Dakel ed sikara so nanlapud ararawin lugar pian selebraay Piesta na Pentecostes, tan kayari ran nagmaliw a papatumbok nen Jesus, labay da nin mansiansiad ’man pian mas dakel ni naamtaan da. Kanian inusar na arum ed saray disipulo nen Jesus so kuarta ra pian asikasoen so pankaukolan na sarayan balon Kristiano.

Inlako nen Ananias tan Safira so arum ed saray kayarian da pian walay kuartan nitulong dad saray balon Kristiano. Nen inawit nen Ananias so kuarta ed saray apostol, imbaga ton inter ton amin so nanlakoan to. Balet nantila ta angibiig na parad sikato! Impaamta na Dios ed si Pedro iya, kanian oniay imbaga tod si Ananias: “Say Dios so tinilaan mo, aliwan saray totoo.” Nen nadngel iya nen Ananias, sikatoy atumba tan inatey! Kayari na ngalngali taloy oras, linmoob si Safira, ya agto amtay agawad asawa to. Sikatoy nantila met, kanian inatey.

Antoy naaralan tayod saya? Importante so pangibagay tua! Nepeg tayon aralen iya! Balet amin tayo et makakagaway kasalanan, lalo la no ugaw tayo ni. Agka kasi naliliketan ya inad-aro to ka nen Jehova tan perdonaen to ka met a singa si Pedro?— Balet tandaan, amin tayo et nepeg a mangibagay tua. Tan no bilang ta makapantila tayo, kaukolan tayoy onkerew na panamerdona ed Dios. Seguradon ontan so ginawa nen Pedro kanian aperdona. No gawaen tayoy anggaay nayarian tayon agla mantila, perdonaen itayo met na Dios!