Pabiskegen so Apresasyon Parad The Bible​—Mankind’s Oldest Modern Book

Say onggendan iran tepet so mangipabitar ed saray punto a naimano yo sano bantayan iyan video: (1) Antoran katuaan so mangibiig ed Biblia bilang agnaparaan? (2) Mangiter na alimbawa no panon a say Biblia, anggaman kadaanan la itan et mitunosan ed modernon siensia? (3) Panon tayon naseguro a say Biblia natan so agnauman manlapud orihinal iran inkisulat na satan? (4) Anto so matalonggaring a kabiangan na kadaanan iran manuskrito na Biblia, tan anton kompiyansa so ipapaslep na saya ed sika? (5) Diad antoran dalan a si John Wycliffe, Johannes Gutenberg, William Tyndale, Mary Jones, tan Charles Taze Russell so akatulong ed inkilaknab na Salitay Dios ed intiron mundo? (6) Panon a sinumpa a maong na iglesia so Biblia, balet antoy akatulong pian mansiansia ni itan anggad panaon tayo? (7) Diad anton laknab a say organisasyon nen Jehova so angipatalos tan angimprinta na saray Biblia? (8) Panon ya akatulong so praktikal a simbawa na Biblia ed totoo a mangarap ed saray problema nipaakar ed makatangguyor a sugal (1 Tim. 6:9, 10), pansian tan ag-inkamatoor ed panamaley (1 Cor. 13:4, 5; Efe. 5:28-33), tan alablabas a kapagaan ed materyal iran kayamanan (Mat. 16:26)? (9) Anto so walan paneknek a say pangiyaplika ed Makasulatan iran prinsipyo so manalona ed gulaan na nasyon, tribu, tan rasa diad mundo? (10) Diad antoran dalan a say panaral ed saray lugan na Biblia so angitarok ed sikayo na babaleg a liket? (11) Siopa so iisipen yon nagunggunaan manlapud sayan video, tan panon yo itan ya iparungtal ed sikara?